EMI Tips : నెలనెలా కట్టే ఈఎంఐ ఇన్స్టాల్మెంట్ తగ్గించుకోవాలా? ఈ సింపుల్ టిప్స్ మీకోసమే

ప్రతి నెల ఈఎంఐలు కట్టాక మీ దగ్గర డబ్బులు మిగలడం లేదా? అయితే బ్యాంకు సహాయంతో మీ నెలవారీ EMI భారాన్ని తగ్గించుకోవచ్చని మీకు తెలుసా..? దీనికోసం మీరేం చేయాలంటే..

Image Credit : Getty

మీ EMI తగ్గించుకునే టిప్స్..

ప్రతి ఉద్యోగికీ నెలా జీతం రాగానే ముందుగా కట్ అయ్యేది EMI. ఆ తర్వాత ఇంటి అద్దె, కరెంట్ బిల్లు, పిల్లల ఫీజులు, ఇతర ఖర్చులు చూసుకునేసరికి చేతిలో చిల్లిగవ్వ మిగలదు. ఇలా మీరు కూడా హోమ్ లోన్, కార్ లోన్ లేదా పర్సనల్ లోన్ EMIలు కట్టి అలసిపోయి ఉంటే ఈ వార్త మీకు చాలా ఉపయోగపడుతుంది. బ్యాంకును సంప్రదించి EMI భారాన్ని తగ్గించుకోవచ్చనే విషయం చాలా కొద్ది మందికే తెలుసు. దీనికి పెద్దగా ట్రిక్కులేమీ అవసరం లేదు… సరైన సమయంలో సరైన పద్ధతి పాటిస్తే చాలు. మీ నెలవారి ఈఎంఐని తగ్గించి, మీ బడ్జెట్‌కు కాస్త ఊరటనిచ్చే కొన్ని సులభమైన మార్గాలను ఇప్పుడు చూద్దాం.

Image Credit : Asianet News

EMI తగ్గించుకోవడానికి సులభమైన మార్గం ఏంటి..?

మీ జీతం మునుపటిలా లేకపోయినా అంటే తగ్గినా లేదంటే ఖర్చులు పెరిగినా, లేదా మీరు ఒకేసారి ఎక్కువ లోన్లు కడుతున్నా... మీ బ్యాంకుతో లోన్ రీస్ట్రక్చరింగ్ లేదా నెలవారీ వాయిదా సవరణ గురించి చర్చించవచ్చు. దీని ద్వారా బ్యాంకు మీ లోన్ కాలపరిమితిని పెంచి, నెలవారీ వాయిదాను తగ్గిస్తుంది. 

ఉదాహరణకు మీ నెలవారీ వాయిదా ప్రస్తుతం రూ.18,000 అయితే, లోన్ టెన్యూర్ పెంచడం ద్వారా దాన్ని తగ్గించుకోవచ్చు. దీంతో ప్రతి నెలా కొన్ని వేల రూపాయల ఉపశమనం లభిస్తుంది.

Image Credit : Gemini

బ్యాంకులు ఎప్పుడు EMIని తగ్గిస్తాయి..?

మీరు ఏదైనా ఆర్థిక ఇబ్బందిని ఎదుర్కొంటున్నా బ్యాంకు దాన్ని పరిగణలోకి తీసుకుంటుంది. ఉదాహరణకు మీ జీతం తగ్గినా, ఉద్యోగం మారినా, వ్యాపారంలో నష్టం వచ్చినా, ఒకేసారి ఎక్కువ లోన్లు ఉన్నా, లేదా అకస్మాత్తుగా వైద్య లేదా కుటుంబ ఖర్చులు పెరిగినా... ఇలాంటి సందర్భాల్లో చాలా బ్యాంకులు నెలవారీ వాయిదాలను తగ్గించే అవకాశాలను అందిస్తాయి.

Image Credit : Meta AI

ఈఎంఐ వాయిదా ఎలా తగ్గించుకోవాలి?

చాలామంది నెలవారీ వాయిదాలు ఆలస్యం చేసి తర్వాత జరిమానాలు కడుతూ ఉంటారు. ఇలా చేయడానికి బదులుగా నేరుగా బ్యాంకుతో మాట్లాడండి. మీ నెలవారీ వాయిదాను తగ్గించుకోవాలనుకుంటున్నామని… లోన్ కాలాన్ని పొడిగించమని, వడ్డీ రేటును తగ్గించగలరా అని అడగండి. లేదా బ్యాలెన్స్ ట్రాన్స్‌ఫర్ సౌకర్యం కావాలని చెప్పండి. మీరు క్రమం తప్పకుండా లోన్ చెల్లిస్తూ మంచి రికార్డు కలిగి ఉంటే, బ్యాంకు మీకు త్వరగా సహాయం చేయగలదు.

బ్యాలెన్స్ ట్రాన్స్‌ఫర్ అంటే ఏమిటి, అది ఎలా ఉపశమనం ఇస్తుంది?

మీ పాత లోన్‌పై వడ్డీ రేటు ఎక్కువగా ఉంటే, దాన్ని మీరు మరో బ్యాంకుకు మార్చుకోవచ్చు. చాలా బ్యాంకులు కొత్త కస్టమర్ల కోసం తమ లోన్‌ను తక్కువ వడ్డీ రేటుకు మార్చుకునే అవకాశాన్ని అందిస్తాయి. ఇది నెలవారీ వాయిదాలను తగ్గించడానికి, వడ్డీ భారాన్ని తగ్గించుకోవడానికి, ప్రతి నెలా డబ్బు ఆదా చేయడానికి సహాయపడుతుంది. అయితే బదిలీ చేసే ముందు ప్రాసెసింగ్ ఫీజులు, ఇతర ఛార్జీలను సరిచూసుకోవడం చాలా ముఖ్యం.

Image Credit : Getty

EMI యూజర్లు చేసే 5 అతిపెద్ద తప్పులు

1. కేవలం కనీస మొత్తాన్ని చెల్లిస్తే సరిపోతుందని అనుకోవడం.
2. క్రెడిట్ కార్డ్ ద్వారా EMI చెల్లించడం.
3. వాయిదా చెల్లించడం మిస్ అయితే ఆలస్య రుసుములు పడతాయి, ఇది మీ సిబిల్ స్కోర్‌ను కూడా ప్రభావితం చేస్తుంది.
4. పాత లోన్ తీరకముందే కొత్త లోన్లు తీసుకోవడం.
5. బ్యాంకుతో మాట్లాడకపోవడమే అతిపెద్ద తప్పు. ఎందుకంటే చాలాసార్లు పరిష్కారం బ్యాంకు దగ్గరే ఉంటుంది.

EMI తగ్గించుకునే ముందు, ఈ విషయం అర్థం చేసుకోండి

తక్కువ నెలవారీ వాయిదా (EMI) అంటే మీరు మొత్తం మీద తక్కువ ఖర్చు చేస్తారని కాదు. బ్యాంకు లోన్ కాలాన్ని పొడిగిస్తే, మీకు నెలవారీ ఖర్చులో కొంత ఉపశమనం లభిస్తుంది, కానీ దీర్ఘకాలంలో మీరు కొంచెం ఎక్కువ వడ్డీ చెల్లించాల్సి రావచ్చు. కాబట్టి మీ నిర్ణయాన్ని తెలివిగా తీసుకోండి.