Summer Holidays : తెలుగు పిల్లలు ఎగిరిగంతేసే సమాచారం.. మరో 13 రోజులు వేసవి హాలిడేస్ పొడిగింపు

Summer Holidays Extended : జూన్ లోకి ఎంటర్ అయినా తెలుగు రాష్ట్రాల్లో ఎండలుమాత్రం తగ్గడంలేదు. దీంతో వేసవి సెలవులను పొడిగిస్తున్నాయి ప్రభుత్వాలు. తెలంగాణలో ఎప్పటివరకు సెలవులు ఇచ్చారో తెలుసా..?

Image Credit : unsplash

తెలంగాణలో వేసవి సెలవులు పొడిగింపు

Summer Holidays : నైరుతి రుతుపవనాలు ఇండియాలోకి ఆలస్యంగా ఎంట్రీ ఇచ్చాయి... దీంతో వర్షాల రాక కూడా ఆలస్యం అవుతోంది. ఇప్పటికే కేరళను తాకిన రుతుపవనాలు తెలుగు రాష్ట్రాల్లో విస్తరించేందుకు మరింత సమయం పడుతుంది.. అందుకే ఇంకా వర్షాలు జోరందుకోలేవు... కాబట్టి ఎండలు కొనసాగుతున్నాయి. కొన్నిచోట్ల భానుడు నిప్పులు కురిపిస్తున్నాడు... ఇంకా 40 డిగ్రీలకు పైగానే ఎండలు నమోదవుతున్నాయి. దీంతో విద్యార్థుల ఆరోగ్యాన్ని దృష్టిలో ఉంచుకుని వేసవి సెలవులను పొడిగించింది తెలంగాణ ప్రభుత్వం. ఈ మేరకు అధికారిక ప్రకటన కూడా వెలువడింది.

Image Credit : Getty

తెలంగాణలో వేసవి సెలవులు ఎప్పటివరకు..?

తెలంగాణలోని అంగన్వాడీ సెంటర్లకు మే 1 నుండి వేసవి సెలవులు ప్రారంభమయ్యాయి. సరిగ్గా నెలరోజుల పాటు ఈ సెలవులు కొనసాగాయి... జూన్ 2 నుండి రాష్ట్రంలోని అన్ని అంగన్వాడీ సెంటర్లు పున:ప్రారంభం కావాలి. అయితే మండుటెండలు కొనసాగుతుండటంతో చిన్నారులను పంపించేందుకు తల్లిదండ్రులు భయపడుతున్నారు. అందుకే మరికొన్నిరోజులు సెలవులు పొడిగించాలని ప్రభుత్వాన్ని కోరుతున్నారు.

చిన్నారుల తల్లిదండ్రుల విజ్ఞప్తి మేరకు ప్రభుత్వ, ప్రైవేట్ పాఠశాలల మాదిరిగానే అంగన్వాడీలకు కూడా జూన్ 12 వరకు వేసవి సెలవులు కొనసాగించాలని ప్రభుత్వం నిర్ణయించింది. రాష్ట్ర మహిళా శిశు సంక్షేమ శాఖ మంత్రి సీతక్క ఆదేశాల మేరకు అధికారులు సెలవుల పొడిగింపుపై ఉత్తర్వులు జారీ చేశారు. దీంతో అంగన్వాడీలకు అదనంగా మరో 13 రోజుల సమ్మర్ హాలిడేస్ వచ్చాయి.

Image Credit : Getty

జూన్ 14 వరకు సెలవులే... జూన్ 15న రీఓపెన్

జూన్ 12 వరకు అంగన్వాడీ కేంద్రాలకు వేసవి సెలవులు ఇచ్చారు... వీటికి మరో రెండ్రోజుల సాధారణ హాలిడేస్ కలిసిరానున్నాయి. జూన్ 13న రెండో శనివారం కాబట్టి సెలవు ఉంటుంది. ఇక జూన్ 14న ఆదివారం సెలవే. ఈ రెండ్రోజులు కూడా వేసవి సెలవులతో కలిసిరానున్నాయి... కాబట్టి ఇక అంగన్వాడీలు తెరుచుకునేది జూన్ 15నే. అంటే ఈ నెలలో సగంరోజులు సమ్మర్ హాలిడేసే... మిగతా సగంరోజులే అంగన్వాడీలు నడిచేది.

Image Credit : getty

సమ్మర్ హాలిడేస్ ముగిశాక కూడా స్కూళ్లకు సెలవులు..?

తెలంగాణలో ఏప్రిల్ 24 నుండి సమ్మర్ హాలిడేస్ మొదలయ్యాయి... జూన్ 11 వరకు కొనసాగనున్నాయి. జూన్ 12న రాష్ట్రంలోని ప్రభుత్వ, ప్రైవేట్, ఎయిడెడ్ విద్యాసంస్థలన్నీ తెరుచుకుంటాయి. అయితే ఇలా స్కూళ్లు ప్రారంభం అవుతాయో లేదో అలా మళ్లీ సెలవులు వస్తున్నాయి.

జూన్ 12న ఒక్కరోజు స్కూళ్లు నడుస్తాయో లేదో జూన్ 13 రెండో శనివారం, జూన్ 14 ఆదివారం రెండ్రోజులు సెలవులే. ఇక జూన్ 26న మొహర్రం పండగ నేపథ్యంలో మరో సెలవు ఉంది. వీటితో పాటు జూన్ 21, 28 ఆదివారం సెలవులున్నాయి. మొత్తంగా వేసవి సెలవులు కాకుండా జూన్ లో మరో ఐదురోజుల స్కూళ్లకు సెలవులు వస్తున్నాయి.