School Holidays : ఏప్రిల్ 18, 20 తో పాటు 19న కూడా వారికి సెలవే... రెండుకాదు వరుసగా మూడ్రోజులు హాలిడేస్

ఏప్రిల్ 2025 లో ఇప్పటికే వరుస సెలవులు వచ్చాయి. ఇకపై కూడా మరిన్ని సెలవులు వస్తున్నాయి. తెలంగాణతో పాటు ఆంధ్ర ప్రదేశ్ లో మరోసారి లాంగ్ వీకెండ్ వస్తోంది. గుడ్ ప్రైడే, ఆదివారం రెండ్రోజులు అధికారికంగా సెలవు... మరి శనివారం ఎందుకు సెలవు? ఇక్కడ తెలుసుకుందాం.  

school holidays

Holidays : సెలవులంటే ఎవరికి ఇష్టం ఉండదు చెప్పండి... స్కూల్ విద్యార్థుల నుండి ఉద్యోగుల వరకు సెలవు సమాచారం వింటే ఎగిరి గంతేస్తారు. ఇక వీకెండ్ తో ఈ సెలవులు కలిసివస్తే వారి ఆనందానికి అవధులుండవు. లాంగ్ వీకెండ్ వస్తే కుటుంబంతో హాయిగా గడిపుదామని, స్నేహితులతో సరదాగా ట్రిప్ ప్లాన్ చేద్దామని, ఇష్టమైన పనులు చేద్దామని... ఇలా ఎన్నో ప్లాన్స్ వేసుకుంటారు. అయితే మీ ప్లాన్స్ అమలుచేసేందుకు మరో లాంగ్ వీకెండ్ సిద్దమయ్యింది. ముఖ్యంగా ఐటీ, కార్పోరేట్ ఉద్యోగులు రాబోయే మూడ్రోజులు పండగే.  

తెలంగాణతో పాటు ఆంధ్ర ప్రదేశ్ లోని విద్యాసంస్థలకు కూడా రాబోయే మూడ్రోజులు సెలవులు రానున్నాయి. తెలుగు రాష్ట్రాల్లోని అన్ని విద్యాసంస్థలకు రెండ్రోజులే సెలవు... కానీ కొన్ని ప్రైవేట్ విద్యాసంస్థలకు మాత్రం మూడ్రోజులు సెలవు ఇచ్చారు. ఇలా ఏ విద్యాసంస్థల విద్యార్థులకు ఏప్రిల్ 18,19,20 మూడ్రోజులు సెలవులు ఉన్నాయో ఇక్కడ తెలుసుకుందాం.  

ఈసారి కూడా లాంగ్ వీకెండ్... ఆ విద్యార్థులకు కూడా : 

ఏప్రిల్ 18 అంటే రేపు గుడ్ ప్రైడే. క్రైస్తవులు ఈరోజును ఎంతో పవిత్రంగా భావిస్తారు... ప్రత్యేక ప్రార్థనలు జరుపుకుంటారు. తమ ఆరాధ్యదైవం యేసుక్రీస్తుకు శిలువపై ప్రాణాలు వదిలిన రోజును గుడ్ ప్రైడే గా జరుపుకుంటారు. ఈరోజును సంతాప దినంగా పాటించి ఉపవాస దీక్ష చేపడతారు. ఇలా గుడ్ ప్రైడే సందర్భంగా దేశవ్యాప్తంగా చాలా రాష్ట్రాల్లో విద్యాసంస్థలకు, ఉద్యోగులకు రేపు సెలవు ఉంది. తెలుగు రాష్ట్రాలు కూడా గుడ్ ప్రైడే సందర్భంగా అధికారికంగా సెలవు ప్రకటించారు. 

ఇక ఏప్రిల్ 19న శనివారం ఐటీ, కార్పోరేట్ ఉద్యోగులకు సాధారణ సెలవు ఉంటుంది.అయితే కొన్ని ప్రైవేట్ విద్యాసంస్థలకు కూడా ప్రతి శనివారం సెలవు ఉంటుంది. ఇక గతవారం రెండో శనివారం అన్ని విద్యాసంస్థలకు సెలవు ఇచ్చారు... కానీ కొన్ని ప్రైవేట్ విద్యాసంస్థలు ఆరోజు స్కూళ్లు నడిపి ఈ శనివారం సెలవు ఇచ్చారు. ముఖ్యంగా క్రైస్తవ మిషనరీల ఆధ్వర్యంలో నడిచే స్కూళ్లు గత శనివారం బదులు ఈ శనివారం సెలవు ఇచ్చాయి. ఇలా ఉద్యోగులకే కాదు చాలా విద్యాసంస్థలకు శనివారం సెలవు వస్తోంది.

ఏప్రిల్ 19 ఆదివారం... అన్ని విద్యాసంస్థలకు సెలవు ఉంటుంది. అలాగే ఉద్యోగులకు కూడా సెలవే.  ఇలా ఈ శుక్ర, శని, ఆదివారం మూడ్రోజులు వరుస సెలవులు వస్తున్నాయి.

అయితే ప్రస్తుతం విద్యార్థులకు పరీక్షలు నడుస్తున్నాయి కాబట్టి శనివారం సెలవుపై పేరెంట్స్ విద్యాసంస్థలను సంప్రదించాలి. ప్రభుత్వ పాఠశాలలన్నీ ఏప్రిల్ 19న యధావిధిగా నడుస్తాయి... ప్రైవేట్ విద్యాసంస్థల్లో చదివే విద్యార్థులు మాత్రమే సెలవు ఉందో లేదో కనుక్కోవాల్సి ఉంటుంది. కేవలం కొన్ని విద్యాసంస్థలకు మాత్రమే శనివారం సెలవు ఇచ్చారు. 

ఇంకో మూన్నాలుగు రోజులే స్కూళ్లు నడిచేది... తర్వాత వేసవి సెలవులే

ఈ మూడ్రోజుల సెలవు తర్వాత ఏప్రిల్ 21న సోమవారం స్కూళ్ళు ప్రారంభమవుతాయి. అయితే ఓ మూడ్రోజులు నడుస్తాయో లేదో వేసవి సెలవులు షురూ అవుతాయి. తెలంగాణ ప్రభుత్వం ఇప్పటికే ఏప్రిల్ 24నుండి వేసవి సెలవులని ప్రకటించింది... ఏప్రిల్ 23న ప్రోగ్రెస్ కార్డులు ఇవ్వాలని విద్యాశాఖ ఆదేశాలు కూడా జారీ చేసింది.  ఏపీలో కూడా ఏప్రిల్ 24నుండే వేసవి సెలవులు ప్రారంభం అవుతాయి. అంటే ఈ విద్యాసంవత్సరం వచ్చే బుధవారంతో పూర్తవుతుంది... గురువారం నుండి సెలవులు ప్రారంభం అవుతాయి.  మే మొత్తం సెలవులతోనే గడిచిపోతుంది... జూన్ 12న తిరిగి విద్యాసంస్థలు పున:ప్రారంభం అవుతాయి.

వేసవి సెలవుల్లో విద్యాసంస్థలు క్లాసులు నిర్వహించకూడదని ... అలా చేసినట్లు తెలిస్తే కఠిన చర్యలుంటాయని విద్యాశాఖ అధికారులు హెచ్చరించారు. ఇంటర్ విద్యార్థులకు ఇప్పటికే పరీక్షలు ముగిసి వేసవి సెలవులు కొనసాగుతున్నాయి... వారికి కూడా వేసవి సెలవుల్లో నీట్, ఎంసెట్, జెఈఈ అంటూ క్లాసులు నిర్వహించకూడదని ఇంటర్మీడియట్ బోర్డ్ హెచ్చరించింది. విద్యార్థుల ఆరోగ్యంతో చెలగాటం ఆడేలా మండుటెండల వేళ క్లాసుల నిర్వహణ తగదని ... విద్యాసంస్థలు ఇందుకు సహకరించాలని సూచించారు. ఇంటర్ విద్యార్థులకు మాత్రం జూన్ మొదటివారంలోనే స్కూళ్లు ప్రారంభంకానున్నాయి.