నిజాలే, నన్ను ఇలాగే తిట్టండి : పవన్ కల్యాణ్ మాజీ భార్య రేణూ దేశాయ్

హైదరాబాద్ : నటుడు, జనసేన అధినేత పవన్ కళ్యాణ్ మాజీ భార్య రేణు దేశాయ్ ఇటీవలి కాలంలో హాట్ టాపిక్ గా మారుతుంది. అటు  పవన్ కళ్యాణ్ అభిమానుల నుంచి, ఇటు వ్యతిరేకుల నుంచి ఆమె కామెంట్స్ ఎదుర్కోవాల్సి వస్తోంది. ఈ నేపథ్యంలోనే రేణు దేశాయ్  చేసిన కామెంట్స్ మరోసారి  వైరల్ అయ్యాయి.

సోషల్ మీడియాలో ఓ అభిమాని రేణు దేశాయ్, పవన్ ల విడాకులపై  అభ్యంతరకరమైన కామెంట్ పోస్ట్ చేశాడు. దీంతో రేణు దేశాయ్ సదరు అభిమానికి స్ట్రాంగ్ రిప్లై ఇచ్చారు.

రేణు దేశాయ్  ఆ కామెంట్ కి రిప్లై ఇస్తూ…‘నన్ను తప్పు పట్టడంలోనే మీకు ఆనందం ఉంటే.. అలాగే చేయండి.  పవన్ కళ్యాణ్ వ్యతిరేకుల నుంచి నిందలు పడడమే.. నా జీవిత లక్ష్యం అనుకుంటా…’’ అంటూ  ఘాటుగా స్పందించారు.

ఇటీవల రేణు దేశాయ్ తన మాజీ భర్త, నటుడు, జనసేన అధినేత పవన్ కళ్యాణ్ కు మద్దతు ప్రకటిస్తూ ఓ వీడియో షేర్ చేశారు. ఇలా ఆమె వీడియో షేర్ చేయడం మీద కొంతమంది ఆమెను టార్గెట్ చేశారు. ఈ విషయాన్ని రేణు దేశాయ్ చెప్పుకొచ్చారు.

‘పవన్తో విడాకుల గురించి చెప్పినప్పుడు ఆయన అభిమానులు చాలా ద్వేషించారు. ఇప్పుడేమో.. బాధ్యతగల దేశ పౌరురాలిగా పవన్ కు మద్దతుగా మాట్లాడుతుంటే… ఆయన వ్యతిరేకులు టార్గెట్ చేస్తున్నారు’  అని వాపోయారు.

విడాకుల గురించి మాట్లాడినప్పుడేమో.. ఆయన  వ్యతిరేకుల నుంచి డబ్బు తీసుకున్నానని ఆరోపించారు. ఇప్పుడు ఆయనకు మద్దతుగా మాట్లాడుతుంటే.. పవన్ అనుకూల వ్యక్తుల దగ్గర నుంచి డబ్బు తీసుకుని మద్దతు ఇస్తున్నాను అంటున్నారు’

‘విడాకుల గురించి చెప్పిన సందర్భంలోనూ..  మద్దతు ఇచ్చిన సందర్భంలోనూ.. అప్పుడూ.. ఇప్పుడూ.. ఎప్పుడూ ఆయన గురించి నేను నిజమే చెప్పాను  తప్పుగా ఒక్క మాట కూడా చెప్పలేదు’.

‘ఆయనతో ప్రేమలో పడినందుకు.. నిజాలు మాట్లాడుతున్నందుకు.. నాకు ఇలా కావాల్సిందే. ఇదే నాకు విధి రాసిన రాత అయితే…అలాగే తిట్టండి. ఇక ఈ కామెంట్స్ మీద కూడా తిట్టడం మొదలు పెట్టండి’  అంటూ రేణు దేశాయ్ రాసుకొచ్చారు.