తెలంగాణ మంత్రులకు శాఖలు కేటాయింపు.. కొత్త ఐటీ మినిస్టర్ ఆయనే..

telangana new ministers portfolio : తెలంగాణ నూతన అసెంబ్లీ మొదటి సమావేశాలు శనివారం ప్రారంభం కానున్నాయి. ఈ నేపథ్యంలో సీఎం రేవంత్ రెడ్డి తన కేబినెట్ మంత్రులకు శాఖలను కేటాయించారు. మంత్రులకు శాఖల కేటాయింపు అంశంపై చర్చించేందుకు, తన ఎంపీ పదవికి రాజీనామా చేసేందుకు రేవంత్ రెడ్డి శుక్రవారం ఢిల్లీ వెళ్లారు.

asianet news telugu

First Published Dec 9, 2023, 11:57 AM IST | Last Updated Dec 9, 2023, 11:57 AM IST

అక్కడ ముందుగా లోక్ సభకు వెళ్లి తన రాజీనామాను సమర్పించారు. దానిని స్పీకర్ ఓం బిర్లా ఆమోదించారు. అనంతరం ఆయనకు సభ్యులు వీడ్కోలు పలికారు. తరువాత రేవంత్ రెడ్డి కాంగ్రెస్ జాతీయ అధ్యక్షుడు మల్లికార్జున్ ఖర్గే, ఆ పార్టీ మరో మఖ్యనేత, ఎంపీ రాహుల్ గాంధీతో, అలాగే ఆ పార్టీ జనరల్ సెక్రటరీ కేసీ వేణుగోపాల్ తో సమావేశం అయ్యారు.

వారితో సుధీర్ఘంగా చర్చలు జరిగాయి. అనంతరం ఈ శాఖల కేటాయింపు అంశం కొలిక్కి వచ్చింది. తరువాత సీఎం రేవంత్ రెడ్డి హైదరాబాద్ చేరుకున్నారు. తాజాగా మంత్రిత్వ శాఖల కేటాయిస్తున్నట్టు ప్రకటించారు. అయితే హోం మంత్రిత్వ శాఖ, మున్సిపాలిటీ, ఎస్సీ, ఎస్టీ వెల్ఫేర్ లకు సీఎం రేవంత్ రెడ్డి బాధ్యత వహించనున్నారు.