నాడు ఒకే పార్టీ, ఇప్పుడిలా:పోచారంపై ఏనుగు పట్టు సాధించేనా?

ఉమ్మడి నిజామాబాద్ జిల్లాలోని బాన్సువాడ అసెంబ్లీ నియోజకవర్గంలో  పోచారం శ్రీనివాస్ రెడ్డిపై  మాజీ ఎమ్మెల్యే  ఏనుగు రవీందర్ రెడ్డిని బరిలోకి దింపింది  కాంగ్రెస్.  పోచారం శ్రీనివాస్ రెడ్డి,  ఏనుగు రవీందర్ రెడ్డిలు గతంలో ఇద్దరూ  ఒకే పార్టీలో కొనసాగారు. 

బాన్సువాడ అసెంబ్లీ నియోజకవర్గం నుండి  1994 నుండి పోచారం శ్రీనివాస్ రెడ్డి ప్రాతినిథ్యం వహిస్తున్నారు.  పోచారం శ్రీనివాస్ రెడ్డిని ఈ దఫా ఓడించాలని  ఏనుగు రవీందర్ రెడ్డిని కాంగ్రెస్ బరిలోకి దింపింది.

2004లో పోచారం శ్రీనివాస్ రెడ్డిని బాజిరెడ్డి గోవర్ధన్  ఓడించారు.ఈ ఒక్క దఫా ఏ ఎన్నికల్లో కూడ  పోచారం శ్రీనివాస్ రెడ్డి ఓడిపోలేదు. 2014లో  కేసీఆర్ మంత్రివర్గంలో  పోచారం శ్రీనివాస్ రెడ్డి  వ్యవసాయ శాఖ మంత్రి పదవిని చేపట్టారు.

2018 ఎన్నికల్లో  కేసీఆర్ రెండోసారి అధికారాన్ని చేపట్టారు. పోచారం శ్రీనివాస్ రెడ్డికి  ఈ దఫా స్పీకర్ పదవి దక్కింది.మరోసారి బాన్సువాడ నుండి పోచారం శ్రీనివాస్ రెడ్డి బరిలోకి దిగారు. బాన్సువాడలో  పోచారం శ్రీనివాస్ రెడ్డిపై  ఈ దఫా ఏనుగు రవీందర్ రెడ్డిని కాంగ్రెస్ పార్టీ బరిలోకి దింపింది. 

ఇదే జిల్లాలోని  ఎల్లారెడ్డి అసెంబ్లీ నియోజకవర్గం నుండి  ఏనుగు రవీందర్ రెడ్డి బీఆర్ఎస్ అభ్యర్ధిగా  గతంలో విజయం సాధించారు.2004, 2009,2014 ఎన్నికల్లో  ఎల్లారెడ్డి అసెంబ్లీ స్థానం నుండి  ఏనుగు రవీందర్ రెడ్డి  విజయం సాధించారు.  

2018 ఎన్నికల్లో  మరోసారి  ఇదే స్థానం నుండి  బీఆర్ఎస్ అభ్యర్థిగా పోటీ చేసి  కాంగ్రెస్ అభ్యర్ధి సురేందర్ రెడ్డి చేతిలో  ఏనుగు రవీందర్ రెడ్డి ఓటమి పాలయ్యారు. ఆ తర్వాత జరిగిన రాజకీయ పరిణామాల్లో  ఏనుగు రవీందర్ రెడ్డి  బీఆర్ఎస్ ను వీడి బీజేపీలో చేరారు. బీజేపీ తీరుపై  అసంతృప్తితో  ఏనుగు రవీందర్ రెడ్డి  ఇటీవల కాంగ్రెస్ లో చేరారు. ఎల్లారెడ్డి కాకుండా బాన్సువాడ నుండి  రవీందర్ రెడ్డికి  కాంగ్రెస్ టిక్కెట్టు కేటాయించింది. 

తెలంగాణ ఉద్యమ సమయంలో పోచారం శ్రీనివాస్ రెడ్డి,  ఏనుగు రవీందర్ రెడ్డిలు  బీఆర్ఎస్ లో ఉన్నారు.  2018 వరకు  వీరిద్దరూ ఒకే పార్టీలో కొనసాగారు. బాన్సువాడ నుండి  పోచారం శ్రీనివాస్ రెడ్డిపై  రవీందర్ రెడ్డి  కాంగ్రెస్ అభ్యర్ధిగా బరిలోకి దిగారు.

ఒక్కసారి మినహా బాన్సువాడ నుండి ఓటమి చెందని  నేతగా  పోచారం శ్రీనివాస్ రెడ్డికి రికార్డు ఉంది.  ఈ ఎన్నికల్లో  పోచారం శ్రీనివాస్ రెడ్డి విజయం సాధిస్తారా, ఏనుగు రవీందర్ రెడ్డి  చరిత్ర సృష్టిస్తారా డిసెంబర్  3న తేలనుంది.