తెలంగాణలో బీసీ జనాభా ఆధారంగా బడ్జెట్: బీసీ డిక్లరేష‌న్ ప్రకటించిన బీజేపీ

బీసీలను ఆకట్టుకొనేందుకు  బీజేపీ  ప్రయత్నాలు ప్రారంభించింది.  బీసీలను తమ  పార్టీ వైపునకు తిప్పుకొనేందుకు గాను  బీసీ డిక్లరేషన్ ను ప్రకటించింది.

గురువారంనాడు హైద్రాబాద్‌లో    ఓబీసీ బీసీ సమ్మేళనాన్ని నిర్వహించింది  బీజేపీ.  ఈ మేరకు  బీసీ డిక్లరేషన్ ను  బీజేపీ ఓబీసీ మోర్చా జాతీయ అధ్యక్షుడు డాక్టర్ లక్ష్మణ్, బండి సంజయ్ లు ప్రకటించారు. బీసీ డిక్లరేషన్ లో  పలు అంశాలను  ప్రకటించింది కమలం పార్టీ.

తెలంగాణలో  బీజేపీ అధికారంలోకి వస్తే బీసీ  జనాభా ఆధారంగా బడ్జెట్ కేటాయింపులు చేయనున్నట్టుగా  ప్రకటించింది  కమలం పార్టీ. రాష్ట్రంలోని బీసీ కమిషన్ కు రాజ్యాంగ హోదా కల్పిస్తామని  హామీ ఇచ్చింది  బీజేపీ. విదేశాల్లో చదివే బీసీ విద్యార్థులకు  సంతృప్తి  చెందేలా  ఆర్దిక సాయం చేస్తామని  బీసీ  డిక్లరేషన్ లో  ప్రకటించారు. . 
 

నామినేటెడ్ పదవుల్లో బీసీలకు పెద్ద పీట వేయనున్నట్టుగా  బీజేపీ హామీ ఇచ్చింది. . ఎన్నికల్లో గెలవని  బీసీ కులాలకు ప్రాధాన్యతనిస్తామని  హామీ ఇచ్చింది బీజేపీ.

గతంలో కేంద్ర సంస్థల్లో 2018 నుండి బీసీలకు 21 శాతం మేరకు విద్యలో అడ్మిషన్లు దక్కుతున్నాయి. గతంలో 14 శాతమే అమలు చేశారు.. ఏ సమాజికవర్గ జాబితాను బీసీలో చేర్చాలనే అంశంపై రాష్ట్రాలకే అధికారాన్ని అప్పగిస్తూ పూర్తి స్వేచ్ఛను ఇచ్చిన ఘనత మోదీదదేనని  బీజేపీ నేతలు గుర్తు  చేశారు. అయితే  ఈ  స్వేచ్ఛను బీఆర్ఎస్ పూర్తిగా దుర్వినియోగం చేస్తోందని బండి సంజయ్ ఆరోపించారు. 

40 కులాలను కేంద్ర ఓబీసీ జాబితాలో చేర్పించి న్యాయం చేస్తామని హామీ ఇ,చ్చింది బీజేపీ.
  బీసీ  జాబితా నుండి తొలగించిన 26 ఉత్తరాంధ్ర కులాలను సైతం మళ్లీ బీసీ జాబితాలో చేర్చించి న్యాయం చేస్తామని  హామీ ఇచ్చింది.  . ప్రధానమంత్రితో చర్చంచి రిజర్వేషన్లు పొందని బీసీలోని చిన్న కులాలకు సైతం న్యాయం చేస్తామని  ప్రకటించింది.. కేంద్రంలో బీసీ వర్గీకరణ చేపడతామని  కూడా కమలం పార్టీ  ప్రకటించింది.  .

బీసీ గణనపై అధ్యయనం చేసి శాస్త్రీయంగా  నిర్వహించాలన్నదే బీజేపీ విధానమని  తెలిపింది.  బీసీ గణన నిర్వహించే అధికారం రాష్ట్రాలకు కేంద్రం అప్పగించింది. అయినా కేసీఆర్ ఎందుకు నిర్వహించడం లేదని ఆ పార్టీ ప్రశ్నించింది.