Viral: అన్నంత పని చేసిన అఘోరీ.. వర్షిణీ మెడలో తాలి కట్టేసింది

తెలుగు రాష్ట్రాల్లో గత కొన్ని రోజులుగా నిత్యం వార్తల్లో నిలస్తున్నాడు అఘోరీ శ్రీనివాస్‌. లేడీ అఘోరీగా చెప్పుకుంటున్న శ్రీనివాస్‌ అసలు మహిళ కాదని, లింగ మార్పిడి చేసుకొని అఘోరీ అవతారమెత్తాడని విమర్శలు వచ్చాయి. అయితే సనాతన ధర్మ పరిరక్షణ, లోక కళ్యాణం కోసమే తాను ఇలా తిరుగుతున్నానని చెప్పుకున్న ఈ అఘోరీకి సంబంధించిన బాగోతాలు క్రమంగా వెలుగులోకి వస్తున్నాయి. 

దుస్తులు లేకుండా తిరుగుతున్న సమయంలో దుస్తులను అందించిన వర్షిణితో అఘోరీ గత కొంత కాలంగా సావాసం చేసింది. సోషల్‌ మీడియా వేదికగా పోస్టులు చేస్తూ వీరిద్దరు టాక్‌ ఆఫ్‌ ది టౌన్‌గా మారారు. అయితే ఇదే సమయంలో వర్షిణిని వివాహం చేసుకొని కొత్త చర్చకు తెర తీసింది. మధ్యప్రదేశ్‌ లోని ఓ ఆలయంలో అఘోరీ, వర్షిణీ వివాహం చేసుకున్నారు. ఇద్దరూ ఒకరికొకరు దండలు మార్చుకుని, తలంబ్రాలు పోసుకుని, ఏడడుగులు నడిచారు. స్థానిక భక్తులు ఉత్సహంగా భక్తి పాటలు పాడుతూ వారిని ఆశీర్వదించారు. పెళ్లికి సంబంధించిన వీడియో నెట్టింట తెగ వైరల్‌ అవుతోంది. 

ఇక వర్షిణి విషయానికొస్తే ఈ యువతిది ఏపీలోని నందిగామ. బీటెక్‌ చదువకున్న వర్షిణికి అఘోరీ పరిచయమైంది. అఘోరీకి ఆకర్షితులైన వర్షిణి, తనతో ప్రేమలో కూడా పడింది. కొన్నాళ్లు వర్షిణీ ఇంటిలో ఉన్న అఘోరీ, వారి ఇంటిలో కొన్ని పూజలు చేసింది. అయితే అదే సమయంలో అక్కడి నుంచి వెళ్తు వెంటా వర్షిణిని కూడా తీసుకెళ్లింది. 
 

ఆరోజు నుంచి సోషల్‌ మీడియాలో వీడియోలు, ఫొటోలు పోస్ట్‌ చేస్తు వచ్చారు. వర్షిణి పేరెంట్స్‌ ఈ విషయమై పోలీసులకు ఫిర్యాదు చేశారు. తమ కుమార్తెకు లేనిపోని మాయమాటలు చెప్పి అఘోరీ తమ కుమార్తెను ఎత్తుకెళ్లిపోయాడని తెలిపారు. కొన్ని రోజుల తర్వాత వర్షిణి గుజరాత్‌లో ఉందన్న విషయం తెలుసుకున్న పేరెంట్స్‌ అక్కడికి వెళ్లి తీసుకొచ్చారు. అయితే కొన్నాళ్లు ఇంట్లో బాగానే ఉన్న వర్షిణి ఇటీవల మరోసారి ఎవరికీ చెప్పాచేయకుండా అఘోరీ దగ్గరికి వెళ్లి, ఇలా పెళ్లి చేసుకొని షాక్ ఇచ్చింది. వర్షిణి, అఘోరీ పెళ్లి చేసుకున్న వీడియోను ఈ లింక్‌ క్లిక్‌ చేసి చూడండి.