Spam Calls: వాట్సాప్ లో కొత్త ఫీచర్...ఇక స్పామ్ కాల్స్ వచ్చే ఛాన్సే లేదు.. ఇదొక్కటి చేస్తే చాలు..!

 Spam Calls: మీకు ఫోన్ లో స్పామ్ కాల్స్ వస్తున్నాయా? ఆ కాల్స్ తో విసిగిపోయారా? అయితే.. వాట్సాప్ లో వచ్చిన ఒక ఫీచర్ తో ఈ స్పామ్ కాల్స్ కి చెక్ పెట్టొచ్చు. దీని కోసం మీరు మీ ఫోన్ సెట్టింగ్స్ లో ఒక చిన్న మార్పు చేసుకుంటే చాలు. 

Image Credit : Getty

Whatsapp

ఈ రోజుల్లో స్మార్ట్ ఫోన్ చేతుల్లో లేనివాళ్లు ఎవరూ లేరు. ఇక స్మార్ట్ ఫోన్ ఉన్న తర్వాత వాట్సాప్ లేకుండా ఉంటుందా? వయసు తో సంబంధం లేకుండా అందరూ వాట్సాప్ వాడుతూ ఉంటారు. కానీ.. గత కొన్నేళ్లుగా వాట్సాప్ లో చాలా మోసాలు జరుగుతున్నాయి. సైబర్ నేరగాళ్లు వాట్సాప్ ఉపయోగించి ప్రజల బ్యాంక్ ఖాతాలను ఖాళీ చేసేస్తున్న సందర్భాలు రోజు రోజుకీ పెరుగుతున్నాయి. ఇలాంటి మోసాలను అరికట్టడానికి వాట్సాప్ ఒక కొత్త ఫీచర్ తీసుకువచ్చింది.

Image Credit : Getty

వాట్సాప్ కొత్త ఫీచర్...

చాలా మందికి వాట్సాప్ నుంచి కొత్త నెంబర్ నుండి కాల్స్ వస్తూ ఉంటాయి. అలాంటి ఫోన్స్ లిఫ్ట్ చేయడానికి చాలా మంది సంకోచిస్తూ ఉంటారు. అలాంటి వారి కోసమే.. వాట్సాప్ ఒక ఫీచర్ వచ్చింది. అదే ‘ మ్యూట్ అన్నోన్ కాలర్స్’ అనే ఫీచర్ ప్రారంభించింది. ఈ ఫీచర్ మీ వాట్సాప్ కాల్ లాగ్ , కాంటాక్ట్ లిస్ట్ ఆధారంగా పని చేస్తుంది. ఈ ఫీచర్ ఆన్ లో ఉంటే... మీకు తెలియని నెంబర్ల నుంచి కాల్స్ ఇక ఎప్పటికీ రావు.

Image Credit : Gemini AI

ఈ ఫీచర్ ఎలా పని చేస్తుంది..?

ఈ వాట్సాప్ ఫీచర్ రెండు పనులు చేస్తుంది. మొదటిది, మీ కాంటాక్ట్ లిస్ట్ ను చెక్ చేస్తుంది. రెండోది ఇది మీ వాట్సాప్ కాల్ లాగ్ హిస్టరీని చూపిస్తుంది. కాబట్టి, మీ కాంటాక్ట్ లిస్ట్ లో లేని నెంబర్ నుండి మీకు వాట్సాప్ లో కాల్ వస్తే, మీరు ఆ నెంబర్ తో వాట్సాప్ లో ఎప్పుడూ మాట్లాడకపోయి ఉంటే, వాట్సాప్ ఆ వాయిస్ లేదా వీడియోకాల్ ను మీ కోసం మ్యూట్ చేస్తుంది. మీరు ఎప్పుడైనా ఆ నెంబర్ తో నార్మల్ కాల్ అయినా మాట్లాడి ఉంటే మాత్రం ఈ ఫీచర్ పని చేయదు. ఈ ఫీచర్ మనకు వాట్సాప్ ఫ్రీగానే అందిస్తుంది. కేవలం.. ఈ ఫీచర్ ని మనం ఆన్ చేసుకుంటే సరిపోతుంది.

ఈ ఫీచర్ ని ఎలా ఆన్ చేయాలి..?

ముందుగా వాట్సాప్ తెరవాలి. ఇప్పుడు పైన ఉన్న మూడు చుక్కలపై క్లిక్ చేయాలి. దీని తర్వాత, సెట్టింగ్స్ సెలక్ట్ చేసుకోవాలి. తర్వాత ప్రైవసీ ఆప్షన్ సెలక్ట్ చేసుకోవాలి. అక్కడ మీరు ‘ mute Unknown Callers’ సెలక్ట్ చేసుకుంటే సరిపోతుంది. ఒక్కసారి ఈ ఆప్షన్ ఆన్ చేసుకుంటే... మీకు స్పామ్ కాల్స్ రానేరావు.