అడ్వాన్స్డ్ ఫీచర్స్, ఆపిల్ ఎం1 చిప్‌తో ఐప్యాడ్ ప్రో వచ్చేసింది.. ధర, స్టోరేజ్, ర్యామ్ వివరాలు మీకోసం
అమెరికన్ మల్టీ నేషనల్ కంపెనీ ఆపిల్ స్ప్రింగ్ లోడెడ్ ఈవెంట్‌లో కొత్త ఐప్యాడ్ ప్రో మోడల్‌ను విడుదల చేసింది. దీని ఇంటర్నల్ ప్రాసెసర్ ఆపిల్ ఎం1తో ఈ ఐప్యాడ్ ప్రోను తీసుకొచ్చారు. ఆపిల్ ఎం1 అనేది ఆక్టా-కోర్ ప్రాసెసర్, దీని స్పీడ్ మొదటి మోడల్ కంటే 75 శాతం వేగంగా ఉంటుందని కంపెనీ పేర్కొంది.
ఐప్యాడ్ ప్రో ధర
11 అంగుళాల ఐప్యాడ్ ప్రో మోడల్ ప్రారంభ ధర 799 డాలర్లు అంటే ఇండియాలో రూ.60,300. వై-ఫై అండ్ సిమ్ మోడల్ ధర 999 డాలర్లు అంటే సుమారు 75,400 రూపాయలు. 12.9-అంగుళాల ఐప్యాడ్ ప్రో వై-ఫై మోడల్ ధర 1,099 డాలర్లు ఇండియాలో సుమారు రూ .82,900, వై-ఫైతో పాటు సిమ్ మోడల్ ధర 1,299 డాలర్లు అంటే సుమారు 98,000 రూపాయలు.
భారతదేశంలో 11 అంగుళాల ఐప్యాడ్ ప్రో ప్రారంభ ధర రూ .71,900. అంటే ఈ ధర వద్ద మీకు 128 జీబీ స్టోరేజ్ తో వై-ఫై మోడల్ లభిస్తుంది. 128 జీబీతో వై-ఫై, సీల్ మోడల్ ధర రూ .85,900. 12.5 అంగుళాల 128 జీబీ వై-ఫై మోడల్ ధర 99,900 రూపాయలు.
ఐప్యాడ్ ప్రో స్పెసిఫికేషన్లు
ఈ ఐప్యాడ్ ప్రోని 11 అంగుళాలు, 12.9 అంగుళాల సైజ్ లో ప్రవేశపెట్టారు. 12.9-అంగుళాల మోడల్‌లో 2732x2048 పిక్సెల్‌ రిజల్యూషన్‌తో లిక్విడ్ రెటీనా ఎక్స్‌డిఆర్ మినీ ఎల్‌ఇడి డిస్‌ప్లే లభిస్తుంది. దీనికి ప్రమోషన్, ట్రూ టోన్, పి3 వైడ్ కలర్ సపోర్ట్ కూడా ఉంది. 11 అంగుళాల మోడల్‌లో 2388x1668 పిక్సెల్‌ల రిజల్యూషన్‌తో లిక్విడ్ రెటీనా డిస్ ప్లే లభిస్తుంది.
దీనికి కూడా ప్రమోషన్, ట్రూ టోన్, పి3వైడ్ కలర్, హెచ్‌డిఆర్, డాల్బీ విజన్ సపోర్ట్ ఉంటుంది. కనెక్టివిటీ కోసం 5జి, ఇ-సిమ్‌ల ఫీచర్ ఇచ్చారు. రెండు మోడళ్లలో 128 జీబీ, 256 జీబీ, 512 జీబీ స్టోరేజ్ ఆప్షన్ తో 8 జీబీ ర్యామ్ లభిస్తుంది. 16 జిబి ర్యామ్ మోడల్ లో 1 టిబి, 2 టిబి స్టోరేజ్ ఆప్షన్ ఇచ్చారు. రెండు మోడళ్లలో వై-ఫై 6, బ్లూటూత్ వి5 ఉన్నాయి.
ఐప్యాడ్ ప్రో కెమెరా గురించి చెప్పాలంటే 12 మెగాపిక్సెల్ ఫ్రంట్ కెమెరాతో అల్ట్రా వైడ్ లెన్స్‌ ఉంటుంది, దీని ఎపర్చరు f/2.4. వెనుక ప్యానెల్‌లో లిడార్ స్కానర్‌ సపోర్ట్ తో 12 మెగాపిక్సెల్స్, 10 మెగాపిక్సెల్ కెమెరా లెన్సులు ఉన్నాయి. బ్యాక్ కెమెరాతో 2xఆప్టికల్ జూమ్ కూడా ఉంది. ఐప్యాడ్ ప్రోతో మ్యాజిక్ కీబోర్డ్, సెకండ్ జనరేషన్ ఆపిల్ పెన్సిల్‌ సపోర్ట్ ఇచ్చారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
