ఎయిర్‌టెల్ vs జియో.. ఏ రీఛార్జ్ ప్లాన్ బెస్ట్ తెలుసా ? పూర్తి వివరాలు ఇవే!!
మన దేశంలో ప్రీపెయిడ్ ప్లాన్‌ల విషయానికి వస్తే చాలా మంది ప్రజలు బడ్జెట్ ప్లాన్‌లతో డబ్బుకు విలువ కోసం చూస్తుంటారు. ఎయిర్‌టెల్ అండ్ జియో వంటి టెలికాం కంపెనీలు వినియోగదారులకు అనేక బడ్జెట్ ప్లాన్‌లను అందిస్తున్నాయి. వీటితో కస్టమర్లు హై-స్పీడ్ డేటా, ఆన్ లిమిటెడ్ కాల్స్ అండ్ SMS బెనిఫిట్స్ పొందవచ్చు.
ఎయిర్‌టెల్ vs జియో
ఎయిర్‌టెల్ లేదా జియో చూస్తే రూ.299 ప్లాన్‌తో ఏ నెట్వర్క్ ఎక్కువ బెనిఫిట్స్ అందిస్తుందో చూద్దాం... రిలయన్స్ జియో రూ.299 ప్లాన్ వాలిడిటీ పీరియడ్ 28 రోజులు. ఈ ప్లాన్‌తో వినియోగదారులు 2GB డేటా ప్రకారం మొత్తం 56GB డేటాను పొందుతారు. డైలీ డేటా లిమిట్ ముగిసిన తర్వాత, నెట్ స్పీడ్ 64Kbpsకి తగ్గించబడుతుంది. ఈ ప్యాక్‌తో వినియోగదారులు ఆన్ లిమిటెడ్ వాయిస్ కాలింగ్ సదుపాయాన్ని పొందుతారు.
ఎయిర్‌టెల్ vs జియో ప్లాన్
ఈ ప్లాన్ కూడా 100 ఉచిత SMSలను అందిస్తుంది. ఈ Jio ప్లాన్‌తో కస్టమర్లు JioTV, JioCinema, JioSecurity ఇంకా JioCloudకి ఫ్రీ షబ్ స్క్రిప్షన్ పొందుతారు. ఇప్పుడు సెప్టెంబర్ 30 లోపు రూ. 299 రీఛార్జ్ చేసుకుంటే 7 GB అదనపు డేటాను పొందవచ్చు. అంటే రూ.299తో రీఛార్జ్ చేసుకుంటే మొత్తం 63 జీబీ డేటా లభిస్తుంది.
ఎయిర్‌టెల్ రూ. 299 ప్లాన్‌తో మీ ఎయిర్‌టెల్ ప్రీపెయిడ్ నంబర్‌ను రీఛార్జ్ చేసుకుంటే మీరు దేశవ్యాప్తంగా ఏ నెట్‌వర్క్‌కైనా ఆన్ లిమిటెడ్ లోకల్ అండ్ STD కాల్స్ చేసుకోవచ్చు. దీని వాలిడిటీ 28 రోజులు. అలాగే, మీరు రోజుకు 1.5GB 4G డేటాను పొందుతారు. అంటే మీకు నెల మొత్తం 42GB డేటా లభిస్తుంది. ఈ ప్లాన్‌తో మీరు రోజుకు 100 ఉచిత SMSలను పొందుతారు.
రిలయన్స్ జియో రూ.299 ప్లాన్‌తో మొత్తం 63GB డేటాను అందిస్తోంది. అయితే, ఇందులో 56GB డేటా అందుబాటులో ఉంటుంది, అయితే Jio 7 సంవత్సరాలు పూర్తి చేసుకున్నందున కంపెనీ 7GB అదనపు డేటాను అందిస్తోంది. ఎయిర్‌టెల్ రూ.299 ప్లాన్‌తో 42జీబీ డేటా లభిస్తుంది. ఎయిర్‌టెల్‌తో పోలిస్తే Jio 21GB ఎక్కువ డేటాను అందిస్తోంది.
