WhatsApp : మీ వాట్సాప్ లో ఆప్షన్ ఆన్ చేయండి.. లేదంటే మీ చాట్స్ లీక్ అవ్వడం ఖాయం!
WhatsApp Tips : ప్రపంచవ్యాప్తంగా కోట్లాది మంది వాట్సాప్ వాడుతున్నా అందులోని ఒక ముఖ్యమైన సెక్యూరిటీ ఫీచర్‌ను చాలామంది ఇంకా ఆన్ చేసుకోవడం లేదట. దీనివల్ల ఏళ్ల తరబడి దాచుకున్న వ్యక్తిగత సమాచారం ప్రమాదంలో పడే అవకాశం ఉందని నిపుణులు హెచ్చరిస్తున్నారు.
15
Image Credit : Gemini AI
వాట్సాప్ యూజర్లకు హెచ్చరిక
ఈ డిజిటల్ యుగంలో కోట్లాది మంది రోజూ వాట్సాప్ వాడుతున్నారు. ఫ్రెండ్స్‌తో మాట్లాడటం నుంచి ఆఫీస్ ఫైల్స్ పంపడం వరకు ఎన్నో పనులకు ఇదే ఆధారం. కొందరు పర్సనల్ ఫోటోలు, వీడియోలను కూడా తమకు చాలా దగ్గరివారికి పంపిస్తుంటారు. ఇలా కీలకమైన సమాచారాన్ని షేర్ చేసే వాట్సాప్ లో డేటా భద్రత గురించి చాలామంది పెద్దగా పట్టించుకోవట్లేదు.
గూగుల్‌లో ఆసక్తికరమైన సమాచారం కోసం ఏసియానెట్ తెలుగు ను మీ ఫ్రిఫర్డ్ సోర్స్ గా ఎంచుకోండి
25
Image Credit : Getty
వాట్సాప్ లో భద్రత చాలా ముఖ్యం
వాట్సాప్‌లో మనం పంపే, మనకు వచ్చే మెసేజ్‌లకు 'ఎండ్-టు-ఎండ్ ఎన్‌క్రిప్షన్' భద్రత ఉంటుంది. అంటే పంపిన వారు, అందుకున్న వారు తప్ప మధ్యలో ఎవరూ చదవలేరు. కానీ చాలామంది తమ చాట్స్, ఫోటోలను గూగుల్ డ్రైవ్ లేదా ఐక్లౌడ్‌లో బ్యాకప్ చేస్తుంటారు. మరి ఆ బ్యాకప్‌లు ఎంతవరకు సురక్షితం అనేది అసలు ప్రశ్న.
35
Image Credit : Getty
ఈ భద్రత ఫీచర్ ఎందుకు అవసరం?
ఒకవేళ మీ క్లౌడ్ అకౌంట్ హ్యాక్ అయితే, ఏళ్ల తరబడి మీరు దాచుకున్న పర్సనల్ విషయాలన్నీ బయటకు లీక్ అవుతాయి. వ్యక్తిగత సంభాషణలు, ఫోటోలు, ముఖ్యమైన డాక్యుమెంట్లు, బ్యాంక్ వివరాలు కూడా హ్యాకర్ల చేతికి చిక్కే ప్రమాదం ఉంది. ఇలాంటివి జరగకుండా ఉండేందుకే వాట్సాప్ 'ఎండ్-టు-ఎండ్ ఎన్‌క్రిప్టెడ్ బ్యాకప్' ఫీచర్‌ను అందిస్తోంది.
45
Image Credit : Getty
ఈ ఫీచర్‌ను ఎలా యాక్టివేట్ చేయాలి?
ముందుగా మీ వాట్సాప్ ఓపెన్ చేసి సెట్టింగ్స్‌లోకి వెళ్లండి. అక్కడ 'Chats' ఆప్షన్ ఎంచుకుని, 'Chat Backup' మీద క్లిక్ చేయండి. ఆ తర్వాత 'End-to-End Encrypted Backup' ఆప్షన్‌ను 'Enable' చేసి, ఒక పటిష్టమైన పాస్‌వర్డ్ లేదా 64-అంకెల ఎన్‌క్రిప్షన్ కీని క్రియేట్ చేసుకోండి. దాన్ని ఎట్టి పరిస్థితుల్లోనూ మర్చిపోవద్దు.
55
Image Credit : Getty
కొన్ని నిమిషాలు కేటాయిస్తే చాలు
రోజురోజుకీ సైబర్ నేరాలు పెరిగిపోతున్న ఈ రోజుల్లో, మన పర్సనల్ డేటాను కాపాడుకోవడం చాలా అవసరం. కేవలం కొన్ని నిమిషాల్లో యాక్టివేట్ చేసుకోగల ఈ సెక్యూరిటీ ఫీచర్, భవిష్యత్తులో ఎదురయ్యే పెద్ద ప్రమాదాల నుంచి మనల్ని కాపాడుతుంది. కాబట్టి, వాట్సాప్ వాడే ప్రతి ఒక్కరూ ఈ సెట్టింగ్‌ను వెంటనే ఆన్ చేసుకోవడం మంచిది.
