5జీ ఫోన్‌ కొనే ప్లాన్‌లో ఉన్నారా.? రూ. 10 వేలలో బెస్ట్‌ ఫోన్స్‌ ఇవే..

దేశంలో 5జీ నెట్‌వర్క్‌ అందుబాటులోకి వచ్చిన తొలి రోజుల్లో 5జీ ఎనేబుల్‌ ఫోన్‌లు భారీ ధర ఉండేవి. 5జీ ఫోన్‌ను కొనుగోలు చేయాలంటే కనీసం రూ. 25 వేలు ఖర్చు చేయాల్సి వచ్చేది. అయితే ప్రస్తుతం చాలా తక్కువ ధరకే 5జీ ఫోన్‌లు అందుబాటులోకి వస్తున్నాయి. ప్రస్తుతం ఫ్లిప్‌కార్ట్ పోకో మొదలు రియల్‌ మీ వరకు పలు ఫోన్‌లు అన్ని ఆఫర్లు కలుపుకొని కేవలం రూ. 10 వేలలోనే సొంతం చేసుకునే అవకాశం ఉంది. 
 

రూ. 10 వేలలో అందుబాటులో ఉన్న మరో బెస్ట్ 5జీ ఫోన్‌లో రెడ్‌మీ 13 సీ ఒకటి. ఈ ఫోన్‌ అసలు ధర రూ. 15,999కాగా ఫ్లిప్‌కార్ట్‌లో ప్రస్తుతం 38 శాతం డిస్కౌంట్‌తో రూ. 9,875కి లభిస్తోంది. ఫ్లిప్‌కార్ట యాక్సిస్‌ క్రెడిట్ కార్డుతో కొనుగోలు చేస్తే అదనంగా 5 శాతం డిస్కౌంట్ పొందొచ్చు. ఫీచర్ల విషయానికొస్తే ఇందులో 6.74 ఇంచెస్‌తో కూడిన డిస్‌ప్లేను అందించార. 50 మెగాపిక్సెల్ రెయిర్ కెమెరా ఈ ఫోన్‌ సొంతం. ఇక ఇందులో 5000 ఎమ్‌ఏహెచ్‌ బ్యాటరీని అందించారు. 
 

రూ. 10 వేలలో అందుబాటులో ఉన్న మరో బెస్ట్ 5జీ ఫోన్‌లలో పోకో ఎమ్‌6 ఒకటి. ఈ ఫోన్‌ అసలు ధర రూ. 11,999కాగా 29 శాతం డిస్కౌంట్‌తో రూ. 8,499కి లభిస్తోంది. ఫ్లిప్‌కార్ట్ యాక్సిస్‌ బ్యాంక్‌ క్రెడిట్‌ కార్డుతో కొనుగోలు చేస్తే అదనంగా 5 శాతం డిస్కౌంట్ పొందొచ్చు. ఫీచర్ల విషయానికొస్తే ఈ ఫోన్‌లో 6.74 ఇంచెస్‌తో కూడిన హెచ్‌డీ+ డిస్‌ప్లేను అందించారు. ఇక ఇందులో 50 ఎంపీతో కూడిన ప్రైమరీ కెమెరా, 5 ఎంపీ ఫ్రంట్‌ కెమెరాను అందించారు మీడియాటెక్‌ డైమెన్సిటీ 6100+ ప్రాసెసర్‌తో పనిచేసే ఈ ఫోన్‌ 5000 ఎమ్‌ఏహెచ్‌ బ్యాటరీతో వస్తుంది. 

పోకో సీ75 5జీ స్మార్ట్ ఫోన్‌ అసలు ధర రూ. 10,999కాగా ప్రస్తుతం ఫ్లిప్‌కార్ట్‌లో 22 శాతం డిస్కౌంట్‌తో కేవలం రూ. 8,499కే లభిస్తోంది. అలాగే ఫ్లిప్‌కార్ట్‌ యాక్సిస్‌ క్రెడిట్ కార్డుతో కొనుగోలు చేస్తే అదనంగా 5 శాతం డిస్కౌంట్ పొందొచ్చు. ఫీచర్ల విషయానికొస్తే ఇందులో 6.88 ఇంచెస్‌తో కూడిన హెచ్‌డీ+ డిస్‌ప్లేను ఇచ్చారు. 50 మెగాపిక్సెల్ రెయిర్‌ కెమెరాను, సెల్ఫీలు, వీడియో కాల్స్‌ కోసం 5 ఎంపీతో కూడిన ఫ్రంట్ కెమెరాను అందించారు. ఇక ఈ ఫోన్‌లో 50 ఎమ్‌ఏహెచ్‌ బ్యాటరీని అందించారు.
 

మోటోరోలా జీ35 స్మార్ట్ ఫోన్‌ అసలు ధర రూ. 12,499 కాగా ఫ్లిప్‌కార్ట్‌లో 20 శాతం డిస్కౌంట్‌తో రూ. 9,999కి సొంతం చేసుకోవచ్చు. ఫ్లిప్‌కార్ట్‌లో యాక్సిస్‌ బ్యాంక్‌ క్రెడిట్‌ కార్డుతో 5 శాతం డిస్కౌంట్‌ పొందొచ్చు. ఇందులో 50 ఎంపీ+8ఎంపీతో కూడిన రెయిర్‌ కెమెరా సెటప్‌ను ఇచ్చారు. అలాగే 16 ఎంపీతో కూడిన ఫ్రంట్‌ కెమెరాను అందించారు టీ760 ప్రాసెసర్‌తో ఈ ఫోన్‌ పనిచేస్తుంది. 4కే రిజల్యూషనతో వీడియో రికార్డింగ్ చేసుకోవచ్చు. 
 

ఇన్‌ఫినిక్స్‌ హాట్‌ 50 5జీ స్మార్ట్ ఫోన్‌ అసలు ధర రూ. 12,999కాగా 23 శాతం డిస్కౌంట్‌తో రూ. 9,999కి లభిస్తోంది. అదనంగా 5 శాతం క్యాష్‌బ్యాక్‌ పొందొచ్చు. ఫీచర్ల విషయానికొస్తే ఇందులో 6.7 ఇంచెస్‌తో కూడిన హెచ్‌డీ+ డిస్‌ప్లేను అందించారు. కెమెరా విషయానికొస్తే ఇందులో 48 మెగా పిక్సెల్స్‌తో కూడిన రెయిర్‌ కెమెరాను, 8 ఎంపీతో కూడిన ఫ్రంట్ కెమెరాను అందించారు. డైమెన్సిటీ 6300 ప్రాసెసర్‌తో పనిచేసే ఈ ఫోన్‌లో 5000 ఎమ్‌ఏహెచ్‌ బ్యాటరీని అందించారు.