GIPLKL 2025 : టైటిల్ పోరులో తడబడ్డ తెలుగు చిరుతలు... తమిళ సింహాలదే విజయం

GIPLKL 2025 గ్లోబల్ ఇండియన్ ప్రవాసీ కబడ్డీ లీగ్ సిరీస్ మహిళల ఫైనల్లో తమిళ్ లయన్స్ జట్టు 31-19 స్కోరుతో తెలుగు చీతాస్ జట్టును ఓడించి ఛాంపియన్‌షిప్ టైటిల్‌ను గెలుచుకుంది.

GIPLKL 2025

GIPLKL 2025 :  గ్లోబల్ ఇండియన్ ప్రవాసీ కబడ్డీ లీగ్ 2025 మొదటి సీజన్ హర్యానాలోని గురుగ్రామ్‌లో జరిగింది. పురుషులు మరియు మహిళలు ఇద్దరూ పోటీపడే ఈ సిరీస్‌లో 6 పురుషుల జట్లు మరియు 6 మహిళా జట్లు పోటీపడ్డాయి. ఈ టోర్నమెంట్ 18వ తేదీన పురుషుల పోటీతో ప్రారంభమైంది. మహిళల పోటీలు 19వ తేదీన ప్రారంభమయ్యాయి. అయితే  తాజాగా మహిళల ఆట ముగిసింది.. మొదటి టైటిల్ విజేతగా తమిళ సింహాల జట్టు నిలిచింది. 

ఈ 6 జట్ల సిరీస్‌లో తమిళ లయన్స్ మరియు తెలుగు చీతాస్ ఫైనల్స్‌కు అర్హత సాధించాయి. ఈరోజు ఫైనల్ జరిగింది. ఇందులో తమిళ్ లయన్స్ జట్టు రైడ్స్ ద్వారా 13 పాయింట్లు, టాకిల్స్ ద్వారా 14 పాయింట్లు, ఆల్ అవుట్స్ ద్వారా 4 పాయింట్లు సాధించి మొత్తం 31 పాయింట్లతో విజేతగా నిలిచింది. తెలుగు చీతాస్ 7 రైడ్ పాయింట్లు, 10 టాకిల్ పాయింట్లు మరియు 2 ఎక్స్‌ట్రాల ద్వారా మొత్తం 19 పాయింట్లతో సరిపెట్టుకోవాల్సి వచ్చింది. 

తమిళ లయన్స్ రైడర్ రచన విలాస్ 8 పాయింట్లు సాధించింది.  డిఫెండర్ ప్రియాంక 7 టాకిల్ పాయింట్లు సాధించింది. డిఫెండర్ నవనీత్ 5 పాయింట్లు సాధించాడు. ఇలా తమిళ టీం అద్భుతంగా ఆడి టైటిల్ విజేతగా నిలిచింది. 

తెలుగు చీతాస్ తరఫున డిఫెండర్ కెప్టెన్ నికితా సోని 6 టాకిల్ పాయింట్లు, రైడర్ రీతు 4 రైడ్ పాయింట్లు, అంజు చాహల్ 2 టాకిల్ పాయింట్లు అందించారు. అయితే తెలుగు టీం అనుకున్న స్థాయిలో ఆడలేకపోయింది. 

 చివరికి తమిళ లయన్స్ జట్టు 31 పాయింట్లు సాధించగా, తెలుగు చీతాస్ కేవలం 19 పాయింట్లు మాత్రమే సాధించి 14 పాయింట్ల తేడాతో ఓడిపోయింది. దీని ద్వారా తమిళ లయన్స్ జట్టు ఛాంపియన్‌షిప్ టైటిల్‌ను గెలుచుకుని రికార్డు సాధించింది.