Hindu Temples in Pakistan: పాకిస్థాన్లోని ప్రసిద్ధి చెందిన దేవాలయాలు ఇవే..
Hindu Temples in Pakistan: పాకిస్తాన్ ఇస్లామిక్ దేశం అయినప్పటికీ ఇక్కడ కూడా అనేక హిందూ దేవాలయాలు ఉన్నాయి. పాక్ లో ప్రసిద్ధ హిందూ దేవాలయాల గురించి తెలుసుకుందాం..
హింగ్లాజ్ మాతా దేవాలయం
పాకిస్థాన్లోని ప్రసిద్ధ హిందూ దేవాలయాల గురించి చెప్పాలంటే, ముందుగా గుర్తుకు వచ్చే పేరు హింగ్లాజ్ మాతా దేవాలయం. ఇది బలూచిస్థాన్లో ఉంది. మాతా సతి యొక్క 51 శక్తిపీఠాలలో ఒకటి. హింగ్లాజ్ మాతా దేవాలయంలో శివుడు భీమలోచన భైరవ రూపంలో కొలువై ఉన్నాడు.
సాధ్ బేలో దేవాలయం:
పాకిస్థాన్లోని సింధ్లోని సుక్కూర్ సమీపంలోని సింధూ నదిలోని ఒక ద్వీపంలో సాధ్ బేలో దేవాలయం ఉంది. ఇది పాకిస్థాన్లోని అతిపెద్ద, అత్యంత ప్రసిద్ధ హిందూ దేవాలయం.
కటాస్రాజ్ శివాలయం
పాకిస్థాన్లోని కటాస్రాజ్ అనే గ్రామంలో శివాలయం ఉంది. దీనిని కటాస్రాజ్ శివాలయం అని పిలుస్తారు. ధార్మిక నమ్మకాల ప్రకారం.. శివుడు, మాతా సతి వివాహం తర్వాత కటాస్రాజ్ గ్రామంలో కొంతకాలం గడిపారు.
గోరఖ్నాథ్ దేవాలయం
పాకిస్థాన్లోని హిందూ దేవాలయాల గురించి మాట్లాడితే గోరఖ్నాథ్ దేవాలయం గురించి కూడా మాట్లాడాలి. ఇది పాకిస్థాన్లోని పెషావర్లో ఉంది. చాలా దశాబ్దాలుగా మూసివేయబడింది. కానీ 2011 లో దీనిని తిరిగి తెరిచారు. ఇప్పుడు భక్తులు ప్రతిరోజూ పూజలు చేస్తున్నారు.
వరుణ్ దేవ్ దేవాలయం:
పాకిస్థాన్లోని కరాచీలో ఉన్న వరుణ్ దేవ్ దేవాలయం దాదాపు 1000 సంవత్సరాల నాటిది, ఈ దేవాలయం హిందూ ధర్మ సంస్కృతిని ప్రతిబింబిస్తుంది. భారత-పాకిస్థాన్ విభజన సమయంలో ఈ దేవాలయాన్ని మూసివేశారు. తరువాత 2007 లో దీనిని తిరిగి తెరిచారు.
రామ మందిరం:
రామ మందిరం: పాకిస్థాన్లోని ఇస్లామాబాద్ సమీపంలోని సయీద్పూర్లో రామ మందిరం ఉందని తెలిస్తే మీరు ఆశ్చర్యపోతారు. ఈ దేవాలయాన్ని 1580 లో రాజా మాన్ సింగ్ నిర్మించారు. ఈ దేవాలయం ప్రత్యేకమైనది.
పంచముఖి హనుమాన్ దేవాలయం:
పంచముఖి హనుమాన్ దేవాలయం: పాకిస్థాన్లోని కరాచీలో దాదాపు 1500 సంవత్సరాల నాటి పంచముఖి హనుమాన్ దేవాలయం ఉంది. ఈ దేవాలయంలో హనుమంతుడి దర్శనం పొందడానికి భక్తులు అధిక సంఖ్యలో వస్తుంటారు.