ఏ వయసు వరకు పిల్లలు పేరెంట్స్ దగ్గరే పడుకోవాలి..?

పిల్లలు పుట్టినప్పటి నుంచి..పేరెంట్స్ జీవితంలో భాగం అయిపోతారు. అప్పటి నుంచి వారు పేరెంట్స్ దగ్గరే పడుకుంటూ ఉంటారు. అయితే.. పిల్లలను పేరెంట్స్.. ఏ వయసు వరకు తమ వద్ద పడుకోపెట్టుకోవాలి అనే సందేహం చాలా మందిలో ఉంటుంది. మరి, దీని గురించి నిపుణులు మనకు ఏం చెబుతున్నారో ఇప్పుడు తెలుసుకుందాం..
 

సామాన్యంగా పిల్లలను ఏఢేళ్లు వచ్చే వరకు పేరెంట్స్ తమ దగ్గర పడుకోపెట్టుకోవచ్చు. ఎనిమిదేళ్ల తర్వాత.. వారిని సపరేటు గదిలో పడుకోపెట్టాలి అని నిపుణులు చెబుతున్నారు. ఏడేళ్ల లోపు మాత్రం ఎందుకు అంటే.. నిద్రలో మధ్యలో పిల్లలు ఏదో ఒక విషయంలో భయపడటం, ఏడ్వడం లాంటివి చేస్తూ ఉంటారట. అప్పుడు తల్లి స్పర్శ వాళ్లకు తగిలినప్పుడు వారికి ఆ భయం పోతుంది. కానీ.. ఎనిమిదేళ్లు వచ్చాయి అంటే... వాళ్లు పెద్దవాళ్లు అయిపోయినట్లే లెక్క.. కాబట్టి.. వారిని పేరెంట్స్ సపరేట్ గదిలో పడుకోపెట్టవచ్చట.
 

పేరెంట్స్ కి దూరంగా పడుకోవడం పిల్లలకు ఎలా నేర్పించాలో ఇప్పుడు తెలుసుకుందాం..

1.ఒక్కసారిగా పిల్లలను నీకు ఎనిమిదేళ్లు వచ్చేసాయి.. నువ్వు వేరే గదిలో పడుకోవాలి అని చెబితే పిల్లలు భయపడతారు. ఒంటరిగా పడుకోవడానికి వారిలో భయం, ఇన్ సెక్యురిటీ ఫీలింగ్స్ లాంటివి కలుగుతూ ఉంటాయి. కాబట్టి.. వారికి ప్రేమగా చెప్పాలి. వారి భయం పోగొట్టేలా.. వారిని వేరే గదిలో పడుకునేలా ప్రోత్సహించాలి. అలా వారి గదిలో వారు పడుకునేలా... వారికంటూ స్పెషల్ బెడ్, థింక్స్ ఏర్పాటు చేయాలి. అప్పుడు వారు కూడా అలా పడుకోవడానికి ఆసక్తి చూపిస్తారు.
 

2.మనం వారికంటూ ఎన్ని స్పెషల్ ఏర్పాట్లు చేసినా.. కొందరు పిల్లలు రాత్రంటే, చీకటంటే భయపడుతూ ఉంటారు. పక్కన పేరెంట్స్ లేకుండా నిద్రపోలేరు. అలాంటప్పుడు వారికి... మీరు అందుబాటులోనే ఉన్నారు అనే ధైర్యాన్ని అందించాలి. ముందుగానే ఒంటరిగా పడుకోపెట్టకుండా.. నానమ్మ, తాతయ్యల దగ్గరో.. లేక వేరే బంధువుల దగ్గరో అలవాటు చేయాలి.
 

3.ఇక.. రాత్రి పూట పడుకునే ముందు భయం అనే ఆలోచన రాకుండా వారిని ఎంగేజ్ చేయాలి. వారికి పడుకునే ముందు పుస్తకం చదవడం, మ్యూజిక్ వినడం ఇలా ఏదో ఒకటి అలవాటు చేయాలి. అప్పుడు ఆటోమెటిక్ నిద్రలోకి జారుకుంటారు. ఇక వారు పడుకోవాడానికి గంట ముందు నుంచి టీవీలు, ట్యబ్స్ లాంటి స్క్రీన్ టైమ్ ని వీలైనంత వరకు తగ్గించాలి.
 

4.ఇక,.పిల్లలు ఒక వయసు వచ్చిన తర్వాత... ఒంటరిగా పడుకోవడం ఎంత ముఖ్యమో.. వారికంటూ స్పెషల్ స్పేస్ ఎందుకు తీసుకోవాలి లాంటి విషయాల ప్రాముఖ్యతను పేరెంట్స్.. చాలా ప్రేమగా పిల్లలకు అర్థమయ్యేలా చేయాలి. ఈ రోజు నువ్వు.. నీ గదిలో పడుకుంటే.. నీ గిఫ్ట్ ఇస్తాను అని కూడా చెప్పొచ్చు. ఇలా వాళ్లను ప్రోత్సహిస్తూ.. ఒంటరిగా పడుకోవడం అలవాటు చేయాలి.