పిల్లలు అలా బిహేవ్ చేస్తున్నారంటే..పేరెంట్స్ ఏం చేయాలో తెలుసా?

ఇంట్లో పిల్లలు ఉంటే ఆ సందడే వేరు. ఇక పిల్లలు అన్నాక అల్లరి చేయడం కూడా చాలా సహజం. మనం ఉండమన్నట్లుగా పిల్లలు అస్సలు ఉండరు. కొంచెం చిన్నగా ఉన్నప్పుడు పిల్లలు అల్లరి చేస్తే ముద్దుగా ఉంటుంది. కానీ.. నాలుగు, ఐదేళ్లు దాటిన తర్వాత కూడా అల్లరి చేస్తే.. పేరెంట్స్ కి విపరీతంగా కోపం వచ్చేస్తుంది.

పిల్లలు అలా ఎందుకు ప్రవర్తిస్తున్నారు అని పేరెంట్స్ ఆలోచించరు. వెంటనే కోపంతో తమ పిల్లలను తిట్టడం లేదంటే.. కొట్టడం లాంటివి చేసేస్తారు. కానీ.. దానికి బదులు.. మీ పిల్లల ప్రవర్తనకు కారణం  ఏంటి..? వాళ్లు ఏం కోరుకుంటున్నారు అనే విషయాలు తెలుసుకోవాలి అని నిపుణులు చెబుతున్నారు.
 

1. పిల్లలు.. ఇంట్లో గోడల మీద రాయడం, బొమ్మలు గీయడం లాంటివి చేస్తూ ఉంటారు. అయితే.... అలా రాయగానే మనకు ఎక్కడా లేని బీపీ వచ్చేస్తుంది.గోడలన్నీ పాడుచేస్తున్నారని అనుకుంటాం. కానీ.. వాళ్లు అలా రాస్తున్నారు అంటే.... వారికి వర్టికల్ గా ఉండే బొమ్మలు కావాలని అర్థమట. అలాంటివి ఇస్తే.. వారు అలా గోడలమీద రాయరు. వారికి డ్రాయింగ్ కి సంబంధించినవి కొని ఇవ్వడం బెటర్.
 

2.కొందరు పిల్లలు.. ఇతర పిల్లలను కొట్టడం, కొరకడం లాంటివి చేస్తూ ఉంటారు. మనం ఎన్ని సార్లు చెప్పినా కూడా పిల్లలు అదే రిపీట్ చేస్తూ ఉంటారు. అలాంటి పిల్లలకు.. పేరెంట్ ఎటాచ్మెంట్ ఎక్కువగా కావాలట. పేరెంట్ ఎటాచ్మెంట్ దొరకని సమయంలో వారు అలా చేస్తారట. కాబట్టి.. అలాంటి పిల్లలతో పేరెంట్స్ ఎక్కువ సమయం గడపాల్సి ఉంటుంది.

3.కొందరు పిల్లలు ఎప్పుడు చూసినా ఇంట్లో గంతులు పెడుతూనే ఉంటారు. వాళ్లకు అసలు అలసట అనేదే రాదు. అలాంటి వాళ్లతో పేరెంట్స్ ఇబ్బంది పడుతూ ఉంటారు. అయితే.... అలాంటి పిల్లలను పేరెంట్స్ కనీసం.. రోజుకి రెండు గంటలు బయటకు తీసుకువెళ్లాలి. వాళ్లు రోజూ బయట రెండు గంటలు ఆడిస్తే.. వారు సెట్ అవుతారు. డ్యాన్స్ చేయించడం లేదంటే.. ఏదైనా ఫిజికల్ యాక్టివిటీ చేయిస్తే సరిపోతుంది

4.ఇక కొందరు పిల్లలు.. పేరెంట్స్ ఏం చేసినా మొండిగా ఉంటారు. చెయ్యమంటే చెయ్యము అని మంకు పట్టుపడతారు. మీ పిల్లలు కూడా అలా చేస్తున్నారు అంటే... మీరు వారికి ఎక్కువ సార్లు వారు అడిగిన దానికి నో చెప్పి ఉంటారు. పిల్లలు అడిగిన దానికి నో చెప్పుకుంటే పోతే... వాళ్లు... ఇలానే మొండిగా తయారౌతారని తెలుసుకోవాలి.

పిల్లలు చేసే ప్రతి పనిని నేరంలా చూడకుండా.. వారు అలా ఎందుకు చేస్తున్నారు అని ఆలోచిస్తే... మీ పిల్లల ప్రవర్తన కూడా మంచిగా ఉంటుందని నిపుణులు చెబుతున్నారు.

.