పిల్లల విషయంలో మీ టీచర్స్ ని ఈ ప్రశ్నలు అడిగారా..?

పిల్లల విషయంలో పేరెంట్స్ చాలా జాగ్రత్తగా ఉంటారు.  తమ పిల్లలు  అన్నింట్లో బెస్ట్ గా ఉండాలని కోరుకుంటారు. అయితే... మనం ఇక్కడ తెలుసుకోవాల్సిన విషయం ఏమిటంటే... పిల్లలు ఇంట్లో కంటే స్కూల్లోనే ఎక్కువ సమయం ఉంటారు. స్కూల్ నుంచి ఇంటికి వచ్చినా కూడా...  తినడం, హోం వర్క్ రాసుకోవడం, పడుకోవడం వాటికే సమయం సరిపోతుంది.  అందుకే.. పిల్లల ఎదుగుదల స్కూల్లో టీచర్స్ మీద ఆధారపడి ఉంటుంది.
 

అందుకే మనం.. స్కూల్లో పిల్లల క్లాస్ టీచర్ తో నిత్యం కాంటాక్ట్ లో ఉండాలి. స్కూల్లో పిల్లల ప్రవర్తనను టీచర్స్ ద్వారా మానిటర్ చేస్తూ ఉండాలి. ఈ క్రమంలో మనం పిల్లల విషయలో టీచర్స్ ని కొన్ని ప్రశ్నలు అడగాలట. మరి ఎలాంటి ప్రశ్నలు అడగాలో ఇప్పుడు తెలుసుకుందాం..
 

పిల్లలు అందరూ చదువులో  సూపర్ గా ఉండాలి అనిరూల్ ఏమీ లేదు.  కొందరు బాగా చదవచ్చు. కొందరు చదువుల్లో ఇబ్బంది పడొచ్చు. అయితే.. బాగా చదివే పిల్లలకు ఒక్కసారి చెబితే  అర్థమౌతుంది. కానీ.. వెనకపడిన పిల్లలను  ఎలా ఇంప్రూవ్ చేస్తారు అనే విషయాన్ని మనం టీచర్స్ అడగాలి. మీ పిల్లలు చదువుల విషయంలో వెనకపడినట్లు మీకు అనిపిస్తే.. కచ్చితంగా అడగాలి. అప్పుడు మీ పిల్లలకు మార్కులు రావడం లేదు అనే టెన్షన్ మీకు ఉండదు.

చదువు అంటే మార్కులు మాత్రమే కాదు.. నాలెడ్జ్ ఉండాలి. క్రియేటివ్ థింకింగ్ ఉండాలి. అలాంటి స్కిల్స్ ని పిల్లలకు టీచర్స్ ఎలా నేర్పుతున్నారు అనే విషయం అడిగి తెలుసుకోవాలి. కాంపిటేటివ్ వరల్డ్ లో దూసుకుపోవాలంటే పిల్లలలకు క్రియేటివ్ స్కిల్స్ ఉండాలి. వాటిని వాళ్లు ఎలా నేర్పుతున్నారో తెలుసుకుంటే... దానికి తగినట్లు మనం కూడా పిల్లలకు ఇంట్లో ప్రాక్టీస్ చేయించవచ్చు.
 

ఇక.. పిల్లలకు ఛాలెంజెస్ ఎదురైనప్పుడు ఆ సమస్య నుంచి బయటపడటానికి ఏం చేస్తుున్నారు..? అలాంటివి ఎదురైనప్పుడు.. టీచర్స్ పిల్లలకు ఎలాంటి సహాయం అందిస్తున్నారు అనే విషయం కూడా అడిగి తెలుసుకోవాలి.

వీటితోపాటు.. స్కూల్లో పిల్లలు.. ఇతర పిల్లలతో ఎలా ప్రవర్తిస్తున్నారు..? స్నేహంగా ఉంటున్నారా..? గొడవలు పడుతన్నారా లాంటి విషయాలను కూడా అడిగి తెలుసుకోవాలి.

ప్రతి ఒక్కరిలోనూ బలాలు, బలహీనతలు ఉంటాయి. పిల్లల్లోనూ ఇవి ఉండటం చాలా కామన్. మరి ఈ రెండింటినీ బ్యాలెన్స్ చేసుకోవడం ఎవరికైనా కష్టమే. మరి.. పిల్లలు ఈ విషయంలో బ్యాలెన్సింగ్ గా ఉండటం పిల్లలకు ఎలా నేర్పుతున్నారు అనే విషయం అడగాలి. దాని కోసం టీచర్స్  ఎలాంటి సహాయం చేస్తున్నారు అనే విషయం అడిగి తెలుసుకోవాలి.
 

పిల్లలు ఇంకా బెస్ట్ గా ఉండాలి అంటే ఇంట్లో తాము ఏం చేయాలి..? పిల్లలను ఎలా ఇంప్రూవ్ చేయాలి అనే విషయాలను కూడా టీచర్స్ ని అడిగి తెలుసుకోవచ్చు.