పిల్లలకు మాటలు తొందరగా రావాలంటే ఏం చేయాలి?

చాలా మంది పిల్లలు రెండు సంవత్సరాల వయసు రాకముందే అమ్మ, తాత అంటూ చిన్న చిన్న పదాలను అంటుంటారు. స్పష్టంగా పలకపోయినా.. మాట్లాడటానికి ట్రై చేస్తుంటారు. కానీ కొంతమంది పిల్లలు నాలుగైదు ఏండ్లు వచ్చినా.. నోట్లో నుంచి ఒక్క మాట కూడా మాట్లాడరు. ఏ పదాలను పలకరు. 

తల్లిదండ్రులు చేసే కొన్ని పొరపాట్ల వల్లే పిల్లలకు మాటలు లేట్ గా వస్తాయని డాక్టర్లు, ఆరోగ్య నిపుణులు చెబుతున్నారు. ఒకవేళ మీ బిడ్డకు రెండు మూడు నెలల వయస్సు ఉంటే.. భవిష్యత్తులో ఇలాంటి తప్పులు చేయకండి. లేదంటే మీ పిల్లలు కూడా చాలా లేట్ గా మాట్లాడే అవకాశం ఉంది. అందుకే పిల్లలు త్వరగా మాట్లాడాలంటే తల్లిదండ్రులు ఏం చేయాలో ఇప్పుడు తెలుసుకుందాం పదండి.

ఘన ఆహారం 

మీ పిల్లలకు 6 నెలల వయస్సు రాగానే ఘనమైన ఆహారాలు, ధాన్యాలను తినిపిస్తుంటారు. కానీ చాలా మంది తల్లులు మాత్రం తమ బిడ్డను శుద్ధి చేసి పండ్లు, పప్పులు, ధాన్యాలను తినిపిస్తుంటారు. కానీ దీనివల్ల కత్తిరించే, నమిలే కండరాలు సరిగా అభివృద్ధి చెందవు. మీకు తెలుసా? పిల్లాడు ఫుడ్ ను కొరికి నమిలినప్పుడు నాలుక కండరాలు బలంగా అవుతాయి. దీనివల్ల వారు మాట్లాడే నైపుణ్యం త్వరగా అభివృద్ధి చెందుతుంది.
 

సిప్పీ కప్పుల వాటర్ 

చాలా  మంది తల్లులు తమ బిడ్డకు ఫుడ్ ను పెట్టడానికి సిప్పర్ కప్పులను ఎక్కువగా ఉపయోగిస్తుంటారు. కానీ సిప్పీ కప్పుల నుంచి నీళ్లు తాగడం వల్ల పిల్లాడు మింగే ప్రక్రియను అభివృద్ధి చేయడం కష్టమవుతుంది. దీని వల్ల మీ పిల్లలు చాలా లేట్ గా మాట్లాడుతాడు. అందుకే ఇలాంటి వాటిని పిల్లలకు అలవాటు చేయకూడదు.
 

నోటి శుభ్రత

తల్లులు తమ పిల్లలకు ఫుడ్ ను తినిపించినప్పుడు నోటికి, నోటి చుట్టూరా ఫుడ్ అంటుకుంటుంది. ఇది చాలా సహజం. కానీ తల్లులు వెంటనే పిల్లల నోటిని శుభ్రం చేస్తుంటారు. కానీ వెంటనే నోటిని క్లీన్ చేయొద్దంటారు నిపుణులు. నోటికి, పెదవులకు అంటిన ఫుడ్ ను పిల్లాడు నాలుకతో తడపనివ్వండి. మీకు తెలుసా? పిల్లలు వారి నాలుకను ఉపయోగించినప్పుడు వారి అంగిలి అభివృద్ధి చెందుతుంది. దీనివల్ల వారు సులువుగా మాట్లాడటం సులువు అవుతుంది. 
 

పిల్లవాడు సాధారణంగా ఎంతసేపు మాట్లాడాలి?

పిల్లలు సాధారణంగా 11 నుంచి 14 నెలల వయస్సులోనే మాట్లాడటం స్టార్ట్ చేస్తారు. అలాగే పిల్లలకు ఏడాదిన్నర వయసు వచ్చేసరికి వారు రోజుకు కనీసం 40 పదాలు మాట్లాడటం సాధారణ విషయం.

దీనితో పాటు, పిల్లవాడు ప్రతిరోజూ మాటలు వినడం ద్వారా కూడా కొన్ని కొత్త పదాలను విని నేర్చుకుంటాడు.అందుకే పిల్లలతో బాగా మాట్లాడాలి.