ఈ పాత పద్దతులు.. ఈ కాలం పిల్లలకు పేరెంట్స్ నేర్పించాల్సిందే..!

ఈ కాలం పిల్లలు ఎలా ఉన్నారో స్పెషల్ గా చెప్పాల్సిన పని లేదు. ఈ కాలం పిల్లలకు టీవీలు, కంప్యూటర్లు, మొబైల్ ఫోన్లు ఎలా ఆపరేట్ చేయాలో కూడా స్పెషల్ గా వివరించాల్సిన అవసరం లేదు. పుట్టుకతోనే తమకు వాటి గురించి తెలుసు అన్నట్లుగా అయిపోయారు. చేతికి ఫోన్ ఇస్తే చాలు.. తెగ నొక్కేస్తారు, గేమ్స్ ఆడేస్తారు. మరి.. అలాంటి ఈ జనరేషన్ కిడ్స్ కి.. కచ్చితంగా కొన్ని పాత పద్దతులు తెలిసి ఉండకపోవచ్చు. కానీ.. వారు కచ్చితంగా తెలుసుకోవాల్సిన, ఆచరించాల్సిన కొన్ని పాతకాలం పద్దతులు ఉన్నాయి. మరి అవేంటో మనమూ తెలుసుకొని, మన పిల్లలకు నేర్పుదాం..

ఈ రోజుల్లో పిల్లలకు ఎదుటివారితో చాలా క్యాజువల్ గా మాట్లాడటం నేర్పాల్సిన అవసరం లేదు. ఎదుటి వ్యక్తికి షేక్ హ్యాండ్ ఇవ్వడం, కళ్లలోకి చూస్తూ మాట్లాడటం చేస్తూనే ఉంటారు. కానీ.. వాటితో పాటు..  కాన్ఫిడెన్స్ తో అడుగుపెట్టడం, మిమ్మల్ని మీరు పరిచయం చేసుకుంటున్నప్పుడు.. ముఖంపై నవ్వు ఉండేలా చూసుకోవాలి.  ఈ విషయం మనం మన పిల్లలకు కచ్చితంగా చెప్పాలి. ముఖంపై ఉండే నవ్వు.. మనం చెప్పేదానికంటే.. ఎక్కువగా మెప్పిస్తుంది.

ప్రస్తుతం మొత్తం డిజిటల్ యుగంగా మారిపోయింది. పిల్లలు ప్రతి విషయం ఏది తెలుసుకోవాలన్నా.. స్క్రీన్ వైపు చూసేలా మారిపోయింది. అలా కాకుండా.. పేరెంట్స్, ఇతరులను కూడా ఏదైనా విషయం తెలుసుకోవడానికి ప్రశ్నించడం నేర్పించాలి. ఒక ప్రశ్న ఎన్నో సమాధానాలు ఇస్తుంది. మంచి కన్వర్జేషన్ ని పెంచడానికి సహాయపడుతుంది. ఆ దిశగా మనం పిల్లలను ఎంకరేజ్ చేయాలి.

ఈరోజుల్లో పిల్లుల ఏ పని అయినా చేయగలరేమో అయితే.. ఏ పని చేసినా.. చిత్తశుద్దితో చేయడం నేర్పించాలి. అది చిన్నదా , పెద్దదా అని కాదు.. హోం వర్క్, ఇంట్లో చేసే పని ఏదైనా సరే.. చిత్త శుద్ధితో చేయడం నేర్పించాలి.

ఈ కాలం పిల్లలకు మనం గార్డెనింగ్ నేర్పించాలి. గార్డెనింగ్ అంటే మొక్కలు మాత్రమే కాదు.. బాధ్యత, ఓపికను అలవాటు చేస్తుంది. విత్తడం దగ్గర నుంచి.. అది మొక్క గా ఎలా పెరుగుతుంది.. మొక్కలకు నీళ్లు ఎలా పోయాలి.. ఇలా అన్ని విషయాలను మీరు మీ పిల్లలకు నేర్పించాలి.

అంతేకాదు.. ఈ కాలం పిల్లలు  ఏధైనా పాడైపోతే.. వెంటనే దానిని  కొత్త దానితో రీప్లేస్ చేయాలి అనుకుంటారు. కానీ.. అలా కాకుడా.. పాత దాన్ని ఎలా రిపేర్ చేసుకోవాలి అనే విషయాన్ని కూడా మం నేర్పించాలి. అది చాలా అవసరం.

ఈ కాలం పిల్లలకు దేనీకి ఎదురుచూసే సమయం ఉండటం లేదు. అనుకున్నది వెంటనే తమ దగ్గరకు రావాలి అనుకుంటున్నారు. వచ్చిన తర్వాత.. దానిని దాచుకునే అలవాటు కూడా  ఉండటం లేదు. అందుకే.. ఈ కాలం పిల్లలకు ఎదురు చూడటం,  దానిని సేవ్ చేసుకోవడం కూడా నేర్పించాలి.

ఎవరూ ఫర్ఫెక్ట్ కాదు. ప్రతి ఒక్కరూ ఏదో ఒక తప్పు చేస్తూ ఉంటారు.  అయితే... చేసిన తప్పును అంగీకరించే గట్స్ కూడా ఉండాలి. అది మనం మన పిల్లలకు నేర్పించాలి.