ప్రెగ్నెన్సీ టైంలో కాళ్లు, చేతులు ఎందుకు ఉబ్బుతాయి?

ప్రెగ్నీన్సీ సమయంలో ప్రతి ఒక్కరి కాళ్లు, చేతులు వాపు ఉబ్బు వస్తాయి. ఈ సమయంలో ఇలా అవ్వడం కామన్ అని చాలా మంది అంటుంటారు. అసలు ఇలా ఎందుకు అవుతుంది? దీన్ని తగ్గించుకోవడానికి ఏం చేయాలో ఇప్పుడు తెలుసుకుందాం పదండి.   

ప్రగ్నెన్సీ టైంలో ఆడవాళ్ల శరీరంలో ఎన్నో హార్మోన్ల మార్పులు వస్తాయి. ఇది వారి శారీరక, మానసిక ఆరోగ్యాన్ని ప్రభావితం చేస్తుంది. ఈ టైంలో చాలా మంది ఆడవారికి తలనొప్పి, వాంతులు, మైకము, ఊబకాయం, ముఖంపై మొటిమలు, చేతులు, కాళ్ల వాపులు వస్తుంటాయి.  ప్రెగ్నెన్సీ సమయంలో పాదాల వాపు అనేది సర్వ సాధారణ సమస్య. దీన్ని వైద్య భాషలో ఎడెమా అంటారు. అయితే ఈ వాపు చేతులు, ముఖంపై కనిపిస్తే ఇది ప్రీక్లాంప్సియాకు సంకేతంగా భావిస్తారు. 

swollen feet

ఎడెమా అంటే ఏంటి?

ఆరోగ్య నిపుణుల అభిప్రాయం ప్రకారం.. ప్రెగ్నెన్సీ టైంలో పాదాల వాపు అనేది ఒక సాధారణ సమస్య.  కడుపులో పెరుగుతున్న బిడ్డ అవసరాలను తీర్చడానికి శరీరం ఉత్పత్తి చేసే అదనపు రక్తం, ద్రవం కారణంగా కాళ్లు, చేతులు వాపు వస్తాయి.  దీన్నే వైద్య భాషలో ఎడెమా అంటారు. ఈ కారణంగా పాదాలలో మాత్రమే కాకుండా చేతులు, ముఖంతో పాటు శరీరంలోని కొన్ని భాగాలు వాపు వస్తాయి. 

swollen foot

ప్రెగ్నెన్సీ టైంలో పాదాల వాపునకు కారణమేంటి?

హార్మోన్ల మార్పులు 

ప్రెగ్నెన్సీ టైంలో ఆడవారి శరీరంలో ప్రొజెస్టెరాన్, ఈస్ట్రోజెన్, హెచ్సిజి, ప్రోలాక్టిన్ వంటి ఎన్నో హార్మోన్ల లెవెల్స్ బాగా పెరిగిపోతాయి. దీని వల్ల ఎడెమా వస్తుంది. 

బరువు పెరగడం

ప్రెగ్నెన్సీ సమయంలో ఆడవారు బరువు బాగా పెరిగిపోతారు. అయితే ఈ సమయంలో బరువు పెరగడం వల్ల కూడా పాదాలలో వాపు వస్తుందని ఆరోగ్య నిపుణులు చెబుతున్నారు. 

హిమోగ్లోబిన్ లోపం

గర్భధారణ సమయంలో ఆడవాళ్ల శరీరంలో ప్రోటీన్, హిమోగ్లోబిన్ లోపం ఎక్కువగా ఉంటుంది. దీనివల్ల కూడా పాదాల వాపు సమస్య వస్తుంది. అయితే డెలివరీ తర్వాత పాదాలు తిరిగి సాధారణ స్థితికి వస్తాయి.

పాదాల వాపును తగ్గించే చిట్కాలు

పాదాలను దిండుపై ఉంచడం

ప్రెగ్నెన్సీ సమయంలో ఒకే చోట ఎక్కువసేపు కూర్చోవడం లేదా నిలబడటం వల్ల పాదాలలో వాపు వస్తుంది. ఇలాంటి పరిస్థితిలో మీరు పాదాలకు విశ్రాంతినివ్వడానికి మంచంపై ఒక దిండును ఉంచి దాని పైన మీ పాదాలతో 20 నిమిషాల పాటు పెట్టి పడుకోండి. ఇలా రోజుకు రెండు మూడు సార్లు చేయడం వల్ల పాదాల వాపు, నొప్పి నుంచి ఉపశమనం లభిస్తుంది.

pregnancy

ఎప్సమ్ ఉప్పు నీరు

పాదాలలో వాపు అనిపిస్తే నీళ్లలో ఎప్సమ్ ఉప్పును వేసి అందులో మీ పాదాలను పెట్టండి. ఎప్సమ్ ఉప్పులో ఉండే లక్షణాలు పాదాల కండరాలను కుదించి నొప్పిని తగ్గించడానికి సహాయపడతాయి. ఈ రెమెడీ చేయడానికి, ఒక పెద్ద బకెట్ లో వేడి నీటిని తీసుకొని దానిలో ఒక టీస్పూన్ ఎప్సమ్ ఉప్పును కలపండి. ఇప్పుడు ఈ నీటిలో మీ పాదాలను 20 నుంచి 25 నిమిషాల పాటు నానబెట్టండి.

పొటాషియం ఎక్కువగా ఉండే ఆహారం

ప్రెగ్నెన్సీ సమయంలో శరీరంలో పొటాషియం లేకపోవడం కూడా పాదాల వాపు వస్తుంది. దీనివల్ల అధిక రక్తపోటు, నీరు నిలుపుదల సమస్యలు ఎక్కువగా వస్తాయి. అందుకే ఈ సమస్యను తగ్గించడానికి పొటాషియం ఎక్కువగా ఉండే బంగాళాదుంపలు, అరటిపండ్లు, దానిమ్మ, పిస్తా, చిలగడదుంపలు వంటి వాటిని మీ రోజువారి ఆహారంలో చేర్చండి.