సూప్ కాదు, పిల్లలకు గంజి తాగిస్తే ఏమౌతుంది?

పిల్లలకు ఆరోగ్యకరమైన ఆహారం అందించడం చాలా అవసరం. మరి, పిల్లలకు రెగ్యులర్ గా గంజి తాగిస్తే ఏమౌతుంది? దీని వల్ల లాభాలున్నాయా అనేది తెలుసుకుందాం... 

పిల్లలు సాయంత్రం లేదా స్కూల్ నుంచి ఇంటికి వచ్చిన వెంటనే తమకు ఏదైనా స్నాక్స్  ఇవ్వమని అడుగుతూ ఉంటారు. మనం వారికి బిస్కెట్లు, చిప్స్, కేక్ లాంటివి అందిస్తారు. హెల్దీగా ఇవ్వాలంటే కొందరు పండ్లు అందిస్తూ ఉంటారు. బయట ఎండలు మొదలయ్యాయి. ఇలాంటి సమయంలో పిల్లలను హైడ్రేటెడ్ గా ఉంచాల్సిన అవసరం చాలా ఉంది. అలాంటి సమయంలో మీరు పిల్లలకు సూప్ లాంటివి కాకండా.. గంజి ఇవ్వాలి. 

ఇప్పుడు టీవీ ఆన్ చేస్తే సూప్ యాడ్స్ కనిపిస్తాయి. పిల్లలు ఈ యాడ్స్ చూసి సూప్ అడిగితే, ఔషధ గుణాలు కలిగిన ఆరోగ్యకరమైన రుచికరమైన అన్నం గంజి చేసి ఇవ్వండి. దీన్ని పిల్లలు మాత్రమే కాదు, అందరూ తాగవచ్చు. గంజి తాగడం వల్ల కలిగే ప్రయోజనాలు, ఆ గంజి ఎలా తయారు చేయాలో తెలుసుకుందాం..

మనం ఇంట్లో  ప్రత్యేకంగా తయారు చేసే గంజి తాగడం వల్ల ఎముకలు, కీళ్ల సమస్యలు తగ్గుతాయి. జీర్ణక్రియకు సంబంధించిన సమస్యలు కూడా తగ్గుతాయి. తక్కువ పదార్థాలతో ఈ ప్రత్యేకమైన గంజిని తయారు చేయవచ్చు.

గంజి తయారీకి కావలసినవి
అన్నం: 100 గ్రాములు (కావాలంటే ఎర్ర అన్నం వాడవచ్చు)
 అల్లం, ధనియాలు, వాము, జీలకర్ర అన్నీ కలిపి 20 గ్రాములు
కొబ్బరి పాలు: 1 లీటరు
దశపుష్ప చూర్ణం: 10 గ్రాములు (ఇది ఆయుర్వేద షాపుల్లో దొరుకుతుంది)
ఉప్పు: చిటికెడు
నెయ్యి: 1/2 టీ స్పూన్

గంజి తయారీ విధానం
ముందుగా అన్నాన్ని రెండు మూడు సార్లు కడిగి పెట్టుకోవాలి. స్టవ్ వెలిగించి, పాత్ర పెట్టుకోవాలి. దానిలో రెండు మూడు గ్లాసుల నీళ్ళు పోయాలి. నీళ్ళు మరిగిన తర్వాత కడిగి పెట్టుకున్న అన్నం వేయాలి.

మరోవైపు స్టవ్ మీద చిన్న బాణలి పెట్టుకుని, తక్కువ మంట మీద జీలకర్ర వేయించుకోవాలి. అన్నం పూర్తిగా ఉడికిన తర్వాత కొబ్బరి పాలు పోయాలి. ఆ తర్వాత వేయించుకున్న జీలకర్ర వేసి, దంచి పెట్టుకున్న ఎండు అల్లం, ధనియాలు , వాము వేసి బాగా కలుపుకోవాలి.

వేడిగా ఉండగానే పిల్లలకు తాగడానికి ఇవ్వాలి. ఈ సమయంలో పిల్లలు తీపి ఇష్టపడితే బెల్లం కలిపి ఇవ్వవచ్చు. తీపి వద్దనుకుంటే, కొంచెం ఉప్పు, చిటికెడు మిరియాల పొడి కూడా కలిపి ఇవ్వవచ్చు.