మీ పిల్లలు మీ కంటే ముందే నిద్రలేస్తున్నారా? అయితే ఇలా చేయండి
పిల్లలను హ్యాండిల్ చేయడం చాలా కష్టం. ముఖ్యంగా నిద్రపోతున్నప్పుడు. ఏ చిన్న చప్పుడైనా ఇట్టే లేచి కూర్చుంటారు. ముఖ్యంగా చాలా మంది పిల్లలు పేరెంట్స్ లేవకముందే ముందే నిద్రలేస్తారు. వారు లేవడమే కాకుండా ఇంట్లో అందరినీ లేపుతారు. అయితే కొన్ని సింపుల్ టిప్స్ తో పిల్లలు ఎవ్వరినీ నిద్రలేపకుండా చేయొచ్చు. అదెలాగంటే?
ఉదయం ఇంకొంచెం నిద్రపోతే బాగుండు అని ప్రతి ఒక్కరికీ అనిపిస్తుంది. అందుకే చాలా మంది ఉదయం చాలా సేపు పడుకుంటుంటారు. ముఖ్యంగా చిన్న పిల్లల తల్లిదండ్రులు. ఎందుకంటే చిన్న పిల్లలు రాత్రిపూట సరిగ్గా నిద్రపోనివ్వరు. వారు పడుకోరు. తల్లిదండ్రులను కూడా పడుకోనివ్వరు. అందుకే వీళ్లకు ఉదయం ఇంకొంచెం సేపు నిద్రపోతే బాగుండు అని అనిపిస్తుంది. కానీ పిల్లలు ఉదయం, సాయంత్రం వేళల్లో బాగా నిద్రపోతుంటారు. దీంతో వారు నైట్ టైం సరిగ్గా నిద్రపోరు. ఒకవేళ నిద్రపోయినా మధ్యమధ్యలో లేస్తూనే ఉంటారు.
కానీ పిల్లలకున్న ఈ అలవాటు తల్లిదండ్రులను ప్రభావితం చేస్తుంది. ముఖ్యంగా చాలా మంది పిల్లలు తెల్లవారక ముందే నిద్రలే ముందు కూర్చుంటారు. అంతేకాక తల్లిదండ్రులను కూడా నిద్రలేపుతుంటారు. కానీ ఈ సమయంలో పిల్లలు మళ్లీ నిద్ర అస్సలు పోరు. దీనివల్ల తల్లిదండ్రులు కూడా నిద్రలేవాల్సి వస్తుంది. అయితే మీరు కొన్ని టిప్స్ ను ఫాలో అయితే.. మీ పిల్లలను బిజీగా ఉంచొచ్చు. అలాగే మీరు హాయిగా కొద్దిసేపు పడుకోవచ్చు. మరి ఆ టిప్స్ ఏంటో తెలుసుకుందాం పదండి.
పజిల్ గేమ్ లను ఉంచండి
పజిల్ గేమ్ మీ పిల్లల్ని ఎక్కువ సేపు ఆడుకోవడానికి సహాయపడుతుంది. ఈ పజిల్ గేమ్ లో మీ పిల్లవాడు గంటల తరబడి బిజీగా ఉంటాడు. అలాగే అక్కడి నుంచి ఎటూ కదలడు. దీంతో మీరు ఎలాంటి టెన్షన్ పడకుండా హాయిగా నిద్రపోగలుగుతారు.
బిల్డింగ్ బ్లాక్ టవర్
రాత్రిపూట బెడ్ దగ్గర పిల్లలు ఆడుకునే బిల్డింగ్ బ్లాక్ గేమ్ ముందుగానే ఉంచండి. పొద్దున్నే వాళ్లు నిద్రలేవగానే అవి కనిపిస్తాయి. దీంతో పిల్లలు మిమ్మల్నిడిస్టబ్ చేయకుండా ఆటోమేటిక్ గా రంగురంగుల బిల్డింగ్ బ్లాక్స్ కు ఆకర్షితుడై వాటితో ఆడుకుంటాడు. బిల్డింగ్ బ్లాక్స్ కూడా ఎక్కువ సేపు బిజీగా ఉండటానికి సహాయపడుతుంది. దీనిలో మీ పిల్లలు గంటల తరబడి వివిధ రకాల టవర్లను నిర్మించడంలో బిజీగా ఉంటాడు. అలాగే మీరు కూడా ఓ కునుకు తీయొచ్చు.
కలరింగ్ బుక్
మీ మంచం సైడ్ టేబుల్ పై కలరింగ్ బుక్, కలర్ పెన్సిల్స్ ను ఉంచండి. పిల్లలకు రంగులంటే చాలా ఇష్టం. అందుకే పొద్దున్నే లేవగానే రంగులు చూసి వాటితో ఆడుకోవడం స్టార్ట్ చేస్తారు. ఇది మీ పిల్లలను సురక్షితంగా ఉంచుతుంది. అలాగే వీళ్లు మీ దగ్గరే ఉంటారు. అలాగే ఇది వారి సృజనాత్మకతను కూడా పెంచుతుంది.
చైల్డ్ సేఫ్ ఏరియాను సిద్ధంగా ఉంచుకోండి
పిల్లవాడు నిద్రపోయే చోట హాని చేసే వస్తువులు ఉండకుండా చూసుకోవాలి. అలాగే వారికి గాయాలయ్యే వాటిని కూడా ఉంచకూడదు. అప్పుడే వారు హాయిగా అటూ ఇటూ నడవగలుగుతారు. ఆడుకోగలుగుతారు. అలాగే వారు ఆడుకునే చోట మృదువైన బొమ్మను పెట్టండి. స్విచ్ బోర్డ్ కు కవర్ ను పెట్టండి. మంచం మూలల్లో బెడ్ కార్నర్ ప్రొటెక్టర్ ఉంచండి. దీంతో మీరు హాయిగా నిద్రపోవచ్చు. అలాగే మీ పిల్లలు సేఫ్ జోన్ లో ఉంటారు. ఇది మీ పిల్లలను సురక్షితంగా ఉంచుతుంది.