అమెరికా ప్రెసిడెంట్ జో బిడెన్‌, ప్రథమ మహిళ జిల్ బిడెన్ లకు ప్రధాని మోదీ ఇచ్చిన బహుమతులు ఇవే...

అమెరికా పర్యటనలో భాగంగా ప్రధాని మోదీ అధ్యక్ష దంపతులకు కానుకలు అందజేశారు. వారితో కలిసి వైట్ హౌజ్ లో విందులో పాల్గొన్నారు.

వాషింగ్టన్ :  భారత ప్రధాని నరేంద్ర మోడీ అమెరికా పర్యటనలో భాగంగా బుధవారం అధ్యక్షుడు జో బైడెన్ తో భేటీ అయ్యారు. ఈ సందర్భంగా ప్రధాని మోడీకి బైడెన్ దంపతులు విందు ఇచ్చారు. నరేంద్ర మోడీ అమెరికా అధ్యక్షుడు బైడెన్, అమెరికా ప్రధమ మహిళ జిల్ బైడెన్ లకు ప్రత్యేక బహుమతులు ఇచ్చారు.

బిడెన్, ప్రథమ మహిళ వైట్‌హౌస్‌లో ప్రధాని మోదీకి విందుకు ఇచ్చారు. డిన్నర్‌లో పాస్తా, ఐస్‌క్రీమ్‌తో సహా అధ్యక్షునికి ఇష్టమైన ఆహారాలు ఉన్నాయి. వీరితో పాటు అమెరికా జాతీయ భద్రతా సలహాదారు జేక్ సుల్లివన్, ఆయన భారత కౌంటర్ అజిత్ దోవల్ కూడా హాజరయ్యారని వైట్ హౌస్ తెలిపింది.

అధికారిక బహుమతిగా భారత ప్రధాని మోడీకి.. అమెరికా ప్రెసిడెంట్, ప్రథమ మహిళ 20వ శతాబ్దం ప్రారంభంలో చేతితో తయారు చేసిన, పురాతన అమెరికన్ బుక్ గ్యాలీని అందజేస్తారని వైట్ హౌస్ తెలిపింది. దీంతోపాటు పురాతన అమెరికన్ కెమెరాను బహుమతిగా ఇవ్వనున్నారు. దానితోపాటు జార్జ్ ఈస్ట్‌మన్ మొదటి కొడాక్ కెమెరా పేటెంట్ ఆర్కైవల్ ఫాక్సిమైల్ ప్రింట్, అమెరికన్ వైల్డ్‌లైఫ్ ఫోటోగ్రఫీకి సంబంధించిన హార్డ్‌కవర్ పుస్తకాన్ని కూడా బహుమతిగా అందజేస్తారు.

modi usa

ఇక అమెరికా ప్రెసిడెంట్ జో బిడెన్‌కి ప్రధాని మోదీ కూడా బహుమతులు అందజేశారు. అవేంటంటే.. రాజస్థాన్‌లోని జైపూర్‌కు చెందిన ఓ మాస్టర్ క్రాఫ్ట్‌మ్యాన్ చేత ప్రత్యేకంగా తయారు చేయించిన గంధపు పెట్టె, ఇది కర్నాటకలోని మైసూర్ నుండి సేకరించిన గంధపు చెక్కతో తయారు చేశారు. దీనిమీద రాజస్థాన్‌ పురాతన కళాత్మక, అద్బుతమైన నగిషీలు చెక్కి ఉన్నాయి. 

pm modi usa

పెట్టెలోపల వినాయకుడి విగ్రహం ఉంది. ఈ వెండి గణేశుడి విగ్రహాన్ని కోల్‌కతాకు చెందిన ఐదవ తరం సిల్వర్‌స్మిత్‌ల కుటుంబం చేతితో తయారు చేసింది. వినాయకుడి విగ్రహంతో పాటు వెండి దీపం.. ఈ వెండి దీపం కూడా కోల్‌కతాలోని ఐదవ తరం సిల్వర్‌స్మిత్‌ల కుటుంబానికి చెందిన కళాకారులు కూడా చేతితో తయారు చేశారు.

బాక్స్1
తామ్ర పాత్ర అని కూడా పిలువబడే రాగి ఫలకం ఉత్తరప్రదేశ్ నుంచి తెప్పించింది. దానిపై ఒక శ్లోకం రాసిఉంది. పురాతన కాలంలో తామ్ర-పత్రాన్ని రాయడానికి, గ్రంథస్తం చేయడానికి మాధ్యమంగా విస్తృతంగా ఉపయోగించారు.

అమెరికా అధ్యక్షుడు జో బిడెన్‌కు ప్రధాని మోదీ బహుమతిగా ఇచ్చిన బాక్స్‌లో పది విరాళాలు ఉన్నాయి.

-గో దాన్ (ఆవుల దానం) కోసం ఆవు స్థానంలో పశ్చిమ బెంగాల్‌లోని కళాకారులు చేతితో తయారు చేసిన వెండి కొబ్బరికాయను అందజేస్తారు.

- భూదాన్ (భూదాన విరాళం) కోసం భూమికి బదులుగా కర్ణాటకలోని మైసూర్ నుండి సేకరించిన సువాసనగల గంధపు ముక్కను అందజేస్తారు.

- తిల్ లేదా తెల్ల నువ్వులు తమిళనాడు నుండి సేకరించారు. 

-హిరణ్యదాన్ (బంగారం విరాళం)గా రాజస్థాన్‌లో చేతితో తయారు చేయబడిన, 24 క్యారెట్ల స్వచ్ఛమైన మరియు హాల్‌మార్క్ ఉన్న బంగారు నాణెం అందించారు.

-మహారాష్ట్ర బెల్లం 

-రాజస్థాన్ కళాకారులు తయారు చేసిన 99.5% స్వచ్ఛమైన, హాల్‌మార్క్ ఉన్న వెండి నాణెం 

- గుజరాత్ నుండి సేకరించిన ఉప్పు.. ఈ బాక్సులో మరో చిన్న చిన్న డబ్బాల్లో ఉన్నాయి. 

ఇక ప్రథమ మహిళ జిల్ బైడెన్ ను  ల్యాబ్ గ్రోన్ 7.5 క్యారెట్ గ్రీన్ డైమండ్ ను మోడీ బహూకరించారు. ఈ గ్రీన్ డైమండ్ ఉంచబడిన పెట్టెను కర్-ఎ-కలమ్‌దానీ అని పిలవబడే, కాశ్మీర్ సున్నితమైన పేపియర్ మాచేలో సక్త్‌సాజీ లేదా పేపర్ గుజ్జు తో తయారు చేశారు. దీనిమీద  నక్కాషి కళ ఉంది.