బాల్య వివాహాల ప్రమాదంలో 11.5 లక్షల మంది పిల్లలు : NCPR report

child marriage-NCPR report : నేషనల్ కమీషన్ ఫర్ ప్రొటెక్షన్ ఆఫ్ చైల్డ్ రైట్స్ చేసిన అధ్యయనంలో 27 రాష్ట్రాలు, ఏడు కేంద్రపాలిత ప్రాంతాలలో 11.5 లక్షల మంది పిల్లలు బాల్య వివాహాల ప్రమాదంలో ఉన్నారని తేలింది. ఇందులో మెజారిటీ బడి మానేసిన వారు ఉన్నారు. 

child marriage - NCPR report: జాతీయ బాలల హక్కుల పరిరక్షణ కమిషన్ (NCPR) ఆదేశాల మేరకు బాల్య వివాహాలు జరిగే ప్రమాదం ఉన్న పిల్లలను గుర్తించేందుకు చేసిన ఒక అధ్యయనంలో 27 రాష్ట్రాలు, ఏడు కేంద్రపాలిత ప్రాంతాలలో 11.5 లక్షల మందికి పైగా పిల్లలు బాల్య వివాహాల‌ హానిని కలిగి ఉన్నారని అధ్య‌య‌నం గుర్తించింది. ఈ పిల్లలు ఎక్కువగా బాలికలు, బడి మానేసిన వారు లేదా అధికారులకు ఎటువంటి సమాచారం లేకుండా చాలా కాలంగా సక్రమంగా లేక పాఠశాలకు గైర్హాజరయ్యారని పేర్కొంది.

వీరిలో అధికంగా ఉత్తరప్రదేశ్‌లో 5 లక్షలకు పైగా పిల్లలతో అగ్రస్థానంలో ఉంది. 1.5 లక్షల మంది పిల్లలతో అస్సాం తర్వాతి స్థానంలో ఉంది. మ‌ధ్యప్రదేశ్‌లో దాదాపు 1 లక్ష మంది పిల్లలు ఉన్నారు. కేంద్రపాలిత ప్రాంతాలైన లక్షద్వీప్, అండమాన్ & నికోబార్ దీవులు ఎటువంటి హాని కలిగించే పిల్లలు లేరని నివేదించాయి. చాలా జిల్లాలు ఈ విష‌యాల‌పై స‌రైన‌ కసరత్తు చేయలేదనీ, గోవా, లడఖ్ డేటాను పంచుకోలేదని నివేదిక పేర్కొంది. ఈ అధ్య‌య‌నం మార్చిలో ప్రారంభించారు. దాదాపు మూడు లక్షల గ్రామాలను, దేశవ్యాప్తంగా 6 లక్షల పాఠశాలలను మ్యాప్ చేసింది.

stop child marriage

ఎన్‌సిపిసిఆర్ చీఫ్ ప్రియాంక్ కనూంగో లేఖతో పాటు గత వారం డేటాను రాష్ట్రాలకు పంపారు. బాల్య వివాహాల నివారణకు చర్యలు తీసుకోవాలని కోరారు. ఎన్‌సిపిసిఆర్ చైర్‌పర్సన్‌గా తన రెండవ టర్మ్‌ను పూర్తి చేసినందున తన కార్యాలయంలో చివరి రోజు అయిన బుధవారం ఆమె ఒక మీడియా ఛానెల్ తో మాట్లాడుతూ.. "బాల్య వివాహాలను ఎదుర్కోవడానికి పిల్లలను పాఠశాలలో ఉండేలా చూసుకోవడం ఒక క్లిష్టమైన నివారణ చర్య"గా పేర్కొన్నారు. 

పాఠశాలల వారీగా బడి మానేసిన, బడికి అప్పుడ‌ప్పుడు వ‌స్తున్న‌, పాఠశాలకు సక్రమంగా హాజరుకాని పిల్లల జాబితాను సిద్ధం చేయడంతో పాటు వివిధ నివారణ చర్యలు తీసుకోవాలని రాష్ట్రాలకు సూచించింది. ప్రిన్సిపాల్‌కు సమాచారం ఇవ్వకుండా పాఠశాలకు గైర్హాజరైన పిల్లల ప్రత్యేక జాబితాను రూపొందించాలని కూడా వారిని కోరారు. బాల్య వివాహాలు జరిగే ప్రమాదం ఉన్న పిల్లలను గుర్తించేందుకు జిల్లా విద్యాశాఖ జాబితాను తయారు చేసి జిల్లా మేజిస్ట్రేట్‌తో పాటు బాల్య వివాహాల నిషేధ అధికారితో పంచుకోవాలని పేర్కొన్నారు. అటువంటి గుర్తించిన పిల్లలందరికి కుటుంబ కౌన్సెలింగ్ ఇవ్వాల‌న్నారు.