Bank Holidays : అరెరే..! ఈ వారం ఇన్ని రోజులు బ్యాంకులకు సెలవులున్నాయా?
ఈ వారం బ్యాంకులో ముఖ్యమైన పనులు ఉన్నాయా? అయితే కాస్త జాగ్రత్తగా ఉండండి. రిజర్వ్ బ్యాంక్ ఆఫ్ ఇండియా (RBI) విడుదల చేసిన క్యాలెండర్ ప్రకారం, దేశంలోని కొన్ని ప్రాంతాల్లో బ్యాంకులకు 3 రోజుల వరకు సెలవులు ఉన్నాయి.
ఈ వారం బ్యాంకులకు సెలవులే సెలవులు..
ఈ వారం (జూలై 21 నుండి 25 వరకు) బ్యాంకులకు వెళ్లి పనులు పూర్తి చేసుకోవాలనుకునే వారు ఈ విషయం గమనించాలి. రిజర్వ్ బ్యాంక్ ఆఫ్ ఇండియా (RBI) అధికారిక హాలిడే షెడ్యూల్ ప్రకారం… ఈ వీక్ లో కొన్ని ప్రాంతాల్లోని బ్యాంకులకు సెలవులున్నాయి. ముఖ్యంగా డిమాండ్ డ్రాఫ్ట్ (DD) తీసుకోవడం, కేవైసీ అప్‌డేట్, చెక్ క్లియరెన్స్, డబ్బు డిపాజిట్ వంటి పనుల కోసం బ్రాంచ్‌కు వెళ్లాలనుకుంటే, సెలవులను దృష్టిలో పెట్టుకుని మీ పనులను ప్లాన్ చేసుకోవడం మంచిది.
జూలై 22, 25, 26 సెలవే..
ఈ వారంలో మొదటి సెలవు జూలై 22న అంటే వచ్చే బుధవారం వస్తోంది. అయితే ఈ సెలవు కేవలం త్రిపురలో మాత్రమే… ఈ రాష్ట్రంలో ఖార్చీ పండుగ సందర్భంగా బ్యాంకులకు సెలవు ఉంది. మిగతా రాష్ట్రాల్లో మాత్రం బ్యాంకులు యధావిధిగా నడుస్తాయి.
ఖార్చీ పూజ అనేది త్రిపురలోని చాలా పురాతనమైన, ముఖ్యమైన మతపరమైన, సాంస్కృతిక పండుగల్లో ఒకటి. ఈ పండుగ సమయంలో 14 దేవతలకు, భూమాతకు ప్రత్యేక పూజలు చేస్తారు. ఈ స్థానిక పండుగ కారణంగా రిజర్వ్ బ్యాంక్ కేవలం అగర్తలా బ్యాంకింగ్ సర్కిల్‌కు మాత్రమే సెలవు ప్రకటించింది. కాబట్టి ఈ సెలవు దేశవ్యాప్తంగా వర్తించదని కస్టమర్లు గమనించాలి.
ఇక జూలై 25న మరో సెలవు వస్తోంది. ప్రతి నెలలో రెండు, నాలుగో శనివారం బ్యాంకులకు సెలవు ఉంటుంది… ఈ జూలైలో నాలుగో శనివారం 25న వస్తోంది. అందుకే దేశవ్యాప్తంగా అన్ని ప్రభుత్వ, ప్రైవేట్ బ్యాంకులకు సెలవు ఉంటుంది.
జూలై 26న ఆదివారం… కాబట్టి ప్రభుత్వ, ప్రైవేట్ స్కూల్స్, ఆఫీసులకు సాధారణ సెలవు ఉంటుంది. ఇలా బ్యాంకు ఉద్యోగులకు సెలవే…. దేశంలోని అన్ని బ్యాంకులు మూసి ఉంటాయి. ఇలా ఈ వారంలో రెండ్రోజులు దేశవ్యాప్తంగా అన్ని బ్యాంకులకు సెలవులుండగా… ఓ రోజు త్రిపురలో మాత్రమే సెలవు ఉంది.
డిజిటల్ బ్యాంకింగ్ సేవలు
బ్యాంకు బ్రాంచ్‌లు మూసి ఉన్నప్పటికీ డిజిటల్ బ్యాంకింగ్ సేవలపై ఎలాంటి ప్రభావం ఉండదు. యూపీఐ (UPI) లావాదేవీలు, గూగుల్ పే, ఫోన్‌పే, పేటీఎం, ఇంటర్నెట్ బ్యాంకింగ్, మొబైల్ బ్యాంకింగ్, ఐఎంపీఎస్ (IMPS), నెఫ్ట్ (NEFT), ఆర్టీజీఎస్ (RTGS) వంటి ఆన్‌లైన్ సేవలు 24 గంటలూ అందుబాటులో ఉంటాయి. కాబట్టి, కస్టమర్లు డబ్బు బదిలీ లేదా ఆన్‌లైన్ చెల్లింపులు ఎలాంటి ఇబ్బంది లేకుండా చేసుకోవచ్చు.
ఆర్‌బీఐ సెలవుల జాబితా
ఇక జూలై 27 నుంచి ఆగస్టు 2 మధ్యకాలంలో అంటే వచ్చేవారం బ్యాాంకులకు అసలు ఒక్కసెలవు కూడా లేదు. ఆర్‌బీఐ హాలిడే క్యాలెండర్ ప్రకారం… ఏ రాష్ట్రంలోనూ ప్రత్యేక బ్యాంకు సెలవులు లేవు. ఆగస్టు 2 ఆదివారం కాబట్టి ఆ రోజు మాత్రమే బ్యాంకులు మూసి ఉంటాయి. మిగతా రోజుల్లో బ్యాంకులు యధావిధిగా పనిచేస్తాయి. కాబట్టి కస్టమర్లు తమ బ్యాంకు పనులను దానికి అనుగుణంగా ప్లాన్ చేసుకోవచ్చు.
