Amritpal Singh: ఖ‌లిస్తానీ నేత‌ అమృత్ పాల్ సింగ్.. అతని అరెస్ట్ వెనుక టాప్-10 పాయింట్స్ ఇవే..

110

1. అమృత్ పాల్ సింగ్ అరెస్ట్

వారిస్ పంజాబ్ దే సంస్థ నాయ‌కుడు, ఖ‌లిస్తానీ వేర్పాటువాద నేత కోసం నెల రోజుల పాటు సాగిన వేటకు తెరదించుతూ పరారీలో ఉన్న మతబోధకుడు అమృత్ పాల్ సింగ్ ను పంజాబ్ పోలీసులు ఆదివారం (ఏప్రిల్ 23న‌) అరెస్టు చేశారు.

210

2. వేరు వేరు వేషాల్లో త‌ప్పించుకుంటూ పోలీసుల‌కు స‌వాల్..

అమృత్ పాల్ సింగ్ కోసం పోలీసుల‌ వేట ప్రారంభమైనప్పటి నుంచి రెండుసార్లు పోలీసుల నుంచి తప్పించుకున్నారు. అప్ప‌టినుంచి తప్పించుకుని తిరుగుతున్న క్ర‌మంలో చివ‌ర‌కు పంజాబ్ లోని మోగా జిల్లాలోని రోడ్ గ్రామంలో లొంగిపోయాడు. భారీ బందోభ‌స్తు మ‌ధ్య‌ అతడిని అస్సాంలోని దిబ్రూగఢ్ జైలుకు తరలించారు. 

310

3. అమృత్ పాల్ సింగ్ నేపథ్యం

1993లో అమృత్ సర్ లోని జల్లూపూర్ ఖేరా గ్రామంలో జన్మించిన అమృత్ పాల్ 12వ తరగతి వరకు చదువుకుని 2012లో దుబాయ్ లోని తన మేనమామ ట్రాన్స్ పోర్ట్ కంపెనీలో పని చేసేందుకు భారత్ ను విడిచి వెళ్లాడు.

410

4. ఎలా వెలుగులోకి వ‌చ్చాడంటే.. 

30 ఏళ్ల అమృత్ పాల్ సింగ్ ఆరు నెలల క్రితం నటుడు, ఉద్యమకారుడు దీప్ సిద్ధూ స్థాపించిన 'వారిస్ పంజాబ్ దే' అనే సంస్థకు అధిపతిగా నియమితులయ్యాడు.

510

5. దీప్ సిద్ధూ త‌ర్వాత‌.. 

2022 ఫిబ్రవరిలో రోడ్డు ప్రమాదంలో మరణించిన సిద్ధూను 'ప్రభుత్వం' హత్య చేసిందని అమృత్ పాల్ సింగ్, ఆయన మద్దతుదారులు ఆరోపిస్తున్నారు. అమృత్ పాల్ ఎప్పుడూ సిద్ధూను వ్యక్తిగతంగా కలవలేదనీ, అయితే వారి ఆన్ లైన్ ఇంటరాక్షన్స్ లో ఆయనను తీవ్రంగా ప్రభావితం చేశారని చెప్పారు.

610

6. అమృతధారి సిక్కు..

2022 సెప్టెంబర్ 25న అమృత్ పాల్ సింగ్ ఆనంద్ పూర్ సాహిబ్ లో అధికారిక సిక్కు బాప్తిస్మాన్ని పొంది 'అమృతధారి సిక్కు'గా మారారు.

710

7. భింద్రన్ వాలే 2.0 గా గుర్తింపు..

ఖలిస్థాన్ వేర్పాటువాది, ఉగ్రవాది జర్నైల్ సింగ్ భింద్రన్ వాలే అనుచరుడిగా చెప్పుకునే ఆయన తన మద్దతుదారుల్లో 'భింద్రన్ వాలే 2.0'గా ప్రసిద్ధి చెందారు.

810

8. అమృత్ పాల్ సింగ్ హింసా చరిత్ర

ఫిబ్రవరిలో అమృత్ పాల్ సింగ్, అతని మద్దతుదారులు బారికేడ్లను బద్దలు కొట్టి అమృత్ సర్ నగర శివార్లలోని అజ్నాలా పోలీస్ స్టేషన్ లోకి ప్రవేశించి తన సహాయకుడిని విడుదల చేయాలని పోలీసులతో ఘర్షణకు దిగారు. 1984లో సిక్కు అంగరక్షకుల చేతిలో హత్యకు గురైన ఇందిరాగాంధీకి పట్టిన గతే అమిత్ షాకు పడుతుందని అమృత్ పాల్ సింగ్ హెచ్చరించారు.

910

9. అమృత్ పాల్ సింగ్ పై ఆరోప‌ణ‌లు ఎమిటంటే..? 

వర్గాల మధ్య విద్వేషాలు రెచ్చగొట్టడం, హత్యాయత్నం, పోలీసులపై దాడి, ప్రభుత్వ ఉద్యోగులు చట్టబద్ధంగా విధులు నిర్వర్తించడంలో అడ్డంకులు సృష్టించడం వంటి పలు క్రిమినల్ కేసుల కింద ఆయనపై, అతని అనుచరులపై కేసులు నమోదయ్యాయి.

1010

10. ఇంటెలిజెన్స్ ఏజెన్సీలు ఏం చెబుతున్నాయంటే..?

అమృత్ పాల్ సింగ్ తన గూఢచార సంస్థ ఇంటర్ సర్వీసెస్ ఇంటెలిజెన్స్ ద్వారా పాకిస్తాన్ నుంచి ఆయుధాలను తెప్పించుకుంటున్నాడని, పంజాబ్ ను మత ప్రాతిపదికన విభజించడానికి ప్రయత్నిస్తున్నాడని నిఘా సంస్థలు చెబుతున్నాయి.