Air India Crash: ఎయిర్ ఇండియా క్రాష్.. టైమ్‌లైన్ ఫోటోలు ఇవే
Air India Crash Ahmedabad Timeline Photos : 12 జూన్ 2025న అహ్మదాబాద్‌లో ఎయిర్ ఇండియా విమానం కూలిపోయింది. 260 మంది మరణించారు. ఫ్యూయల్ కంట్రోల్ స్విచ్ రన్ నుండి కట్ఆఫ్‌కి మారడం వల్ల ఈ ప్రమాదం జరిగిందని ప్రాథమిక నివేదికలు పేర్కొంటున్నాయి.
12 జూన్ 2025, ఎయిర్ ఇండియా విమానం క్రాష్
అహ్మదాబాద్ నుండి లండన్‌కు బయలుదేరిన వెంటనే ఎయిర్ ఇండియా బోయింగ్ 787 డ్రీమ్‌లైనర్ (విమాన సంఖ్య AI171) కూలిపోయింది. ఈ ప్రమాదంలో 260 మంది మరణించారు.
వీరిలో 229 మంది ప్రయాణికులు, 12 మంది సిబ్బంది, ప్రమాద సమయంలో నేలపై ఉన్న 19 మంది ఉన్నారు.
పైలట్ మేడే కాల్ ఇచ్చిన వెంటనే అక్కడి జీజీభాయ్ మెడికల్ కాలేజ్, సివిల్ హాస్పిటల్ ఆవరణలో ఉన్న డాక్టర్ల వసతి గృహంపై పడిపోయింది. ఆ సమయంలో హాస్టల్లో భోజన విరామం జరుగుతుండటంతో, భవనం మీద పడిన విమాన భాగాలు డైనింగ్ హాల్ పై పడిపోయి పేలుడు సంభవించింది.
దీంతో అక్కడున్న డాక్టర్లలో పలువురు ప్రాణాలు కోల్పోయారు. మరికొంత మంది తీవ్రంగా గాయపడ్డారు. Flightradar24 ప్రకారం, విమానం 625 అడుగుల ఎత్తుకు చేరిన 50 సెకన్లలోనే కూలిపోయింది.
13 జూన్ 2025, విమాన ప్రమాదం పై దర్యాప్తు ప్రారంభం
భారతదేశ విమాన ప్రమాద దర్యాప్తు బ్యూరో (AAIB) అధికారిక దర్యాప్తును ప్రారంభించింది.
ఎయిర్ ఇండియా విమాన ప్రమాదానికి సంబంధించిన ఫ్లైట్ డేటా రికార్డర్ (FDR)ను మొదట గుర్తించారు. ఈ విషయాన్ని ఎయిర్‌క్రాఫ్ట్ యాక్సిడెంట్ ఇన్వెస్టిగేషన్ బ్యూరో (AAIB) వెల్లడించింది. బ్లాక్ బాక్స్‌లు స్వాధీనం చేసుకున్న విషయాన్ని ప్రధానమంత్రి కార్యాలయ ప్రిన్సిపల్ సెక్రటరీ పీకే మిశ్రాకు ధృవీకరించారు.
16 జూన్ 2025 రెండవ బ్లాక్ బాక్స్ దొరికింది
ప్రమాద స్థలంలో రెండవ బ్లాక్ బాక్స్ (ఫ్లైట్ డేటా రికార్డర్) దొరికింది.
24 జూన్ 2025, బ్లాక్ బాక్స్‌ను ఢిల్లీకి తీసుకొచ్చారు
రెండు బ్లాక్ బాక్స్‌లను (కాక్‌పిట్ వాయిస్, ఫ్లైట్ డేటా రికార్డర్) అహ్మదాబాద్ నుండి ఢిల్లీలోని AAIB ల్యాబ్‌కు తీసుకొచ్చారు.
25 జూన్ 2025, డేటా డౌన్‌లోడ్ చేశారు
ముందు బ్లాక్ బాక్స్ నుండి మెమరీ మాడ్యూల్‌ను యాక్సెస్ చేసి దాని డేటాను డౌన్‌లోడ్ చేశారు.
12 జూలై 2025, AAIB ప్రాథమిక నివేదిక వైరల్
AAIB తన 15 పేజీల ప్రాథమిక నివేదికను ప్రచురించింది. ఎయిర్ ఇండియా విమాన ప్రమాదంపై ఎయిర్‌క్రాఫ్ట్ యాక్సిడెంట్ ఇన్వెస్టిగేషన్ బ్యూరో (AAIB) శుక్రవారం రాత్రి ప్రాథమిక నివేదికను విడుదల చేసింది.
AAIB నివేదిక ముఖ్యాంశాలు
రెండు ఇంజన్ల ఫ్యూయల్ కట్ఆఫ్ స్విచ్‌లు ఒక సెకనులోపు RUN నుండి CUTOFFకి మారాయి. ఇదే విమాన ప్రమాదానికి ప్రధాన కారణంగా ఉందని మీడియాలో వస్తున్న ఒక ప్రాథమిక నివేదిక పేర్కొంది.
కాక్‌పిట్ వాయిస్ రికార్డింగ్
AAIB నివేదిక కాక్‌పిట్ వాయిస్ రికార్డింగ్‌లను వివరిస్తుంది. చివరి క్షణంలో, ఒక పైలట్, "మీరు ఎందుకు ఆపేశారు?" అని అడిగాడు? మరొకరు, "నేను చేయలేదు" అని బదులిచ్చారు. ఇది గందరగోళం, ఉద్దేశపూర్వక చర్యలు లేవని సూచిస్తుంది.
అలాగే, RAM ఎయిర్ టర్బైన్ ను కూడా వినియోగించారు. విమానం రెండు ఇంజన్లు ఆగిపోయినప్పుడు అత్యవసర హైడ్రాలిక్ శక్తి కోసం RAM ఎయిర్ టర్బైన్ (చిన్న ప్రొపెల్లర్ లాంటి పరికరం) స్వయంచాలకంగా విస్తరించింది.
ఇంజన్లను స్టార్ చేయడానికి పైలట్ల ప్రయత్నం
పైలట్లు ఇంజిన్‌ను పునఃప్రారంభించడానికి ప్రయత్నించారు. ఇంజిన్ 1 పాక్షికంగా పునరుద్ధరించారు. కానీ, ఇంజిన్ 2 క్రాష్ అవ్వడానికి ముందు స్టార్ కాలేదు.
టేకాఫ్ థ్రస్ట్ యాక్టివ్‌గా ఉందని గుర్తించారు. అలాగే, పరీక్షల్లో విమానంలో నింపిన ఇంధనం క్లియర్‌గా ఉందని తేలింది.
అనుభవజ్ఞులైన పైలట్లు: AAIB నివేదికలో పైలట్ల అర్హతలపై ఎలాంటి ప్రశ్నలను పేర్కొనలేదు. ఇద్దరికి పూర్తి అర్హతలు ఉన్నాయి.
AAIB ప్రస్తుతానికి బోయింగ్ లేదా GE కోసం ఎలాంటి చర్యలను సిఫార్సు చేయలేదు.
డీజీసీఏ చర్యలు
అహ్మదాబాద్‌లో జరిగిన ప్రమాదం తర్వాత, ఎయిర్‌లైన్ "సేఫ్టీ పాజ్"ను ఎయిర్ప్రా ఇండియా రంభించింది.
భారతదేశ విమానయాన నియంత్రణ సంస్థ DGCA ఎయిర్ ఇండియా బోయింగ్ 787 విమానాల సేఫ్టీ తనిఖీలను పెంచాలని ఆదేశించింది.
బాధితులకు సహాయం
టాటా సన్స్ ఈ ప్రమాదంలో మరణించినవారి కుటుంబాలకు రూ.1.25 కోట్ల పరిహారం ప్రకటించింది.
FAA 2018 హెచ్చరిక: US విమానయాన నియంత్రణ సంస్థ FAA 2018లో తన నివేదికలో బోయింగ్ విమానాల ఫ్యూయల్ కంట్రోల్ స్విచ్‌లలో లోపం ఉండవచ్చని హెచ్చరించింది.
