ఏసీ కొంటున్నారా..? ఎలాంటి ఏసీ కొంటే కరెంట్ బిల్లు తక్కువ వస్తుందో తెలుసా?

మనం ఏసీ సెలక్ట్ చేసుకోవడంలోనే అసలు విషయం ఉంది. కరెక్ట్ బిల్లు తక్కువగా వచ్చే ఏసీలను ఎంచుకోవచ్చు. 

ac

బయట ఎండలకి ఇంట్లో కూడా  చాలా వేడిగా ఉంటుంది. అందుకే.. ఇంట్లో వేడి తట్టుకోలేక ఏసీలు ఆన్ చేస్తూ ఉంటాం. ఏసీ లేనివాళ్లు.. వేడి తట్టుకోలేక.. కొనేయాలని అనుకుంటూ ఉంటారు. మీరు కూడా  ఏసీ లు కొనడానికి  ఫిక్స్ అయ్యారా..? అయితే.. ఎలాంటి ఏసీ కొంటే కరెంటు బిల్లు తక్కువ  వస్తుందో తెలుసుకుందాం..

 ఏసీ కొనుక్కోవడం పెద్ద విషయం కాదు.. డబ్బు లేకపోయినా.. ఈఎంఐలో అయినా కొనుక్కోవచ్చు. కానీ.. ఒక్కసారి  ఏసీ పెట్టుకున్న తర్వాత..కరెంట్ బిల్లు వాచిపోతూ ఉంటుంది.  అయితే.. మనం ఏసీ సెలక్ట్ చేసుకోవడంలోనే అసలు విషయం ఉంది. కరెక్ట్ బిల్లు తక్కువగా వచ్చే ఏసీలను ఎంచుకోవచ్చు. 

AC కారణంగా ఎక్కువ విద్యుత్ బిల్లు రావడానికి ఇవి కొన్ని కారణాలు కావచ్చు. తప్పుడు ఉష్ణోగ్రత వద్ద AC రన్ అవడం, మురికి కాయిల్స్ , ఫిల్టర్లు, పాత AC, క్రమం తప్పకుండా AC సర్వీసింగ్ చేయించకపోవడం వల్ల కూడా  కరెంటు బిల్లు ఎక్కువగా రావచ్చు. సాధారణంగా AC  సరైన ఉష్ణోగ్రత 24 డిగ్రీల సెల్సియస్. మీరు 16 డిగ్రీలకు బదులుగా 24 డిగ్రీల వద్ద ఏసీని నడుపుతే, దాదాపు 56 శాతం విద్యుత్ ఆదా అవుతుంది. కాబట్టి, AC 22 నుండి 24 డిగ్రీల మధ్య నడపాలి. ప్రతి డిగ్రీ ఉష్ణోగ్రత పెరుగుదలకు 6 శాతం విద్యుత్ ఆదా అవుతుంది.

ఇన్వర్ట్ ఉన్న ఏసీ కొనడం బెటరా..?  నాన్ ఇన్వర్టర్ ఏసీ కొనడం బెటరా..?

ఇన్వర్టర్, నాన్-ఇన్వర్టర్ AC మధ్య కొన్ని తేడాలు ఉన్నాయి. ఇన్వర్టర్ AC వేరియబుల్ స్పీడ్ కంప్రెసర్‌ను కలిగి ఉంటుంది, అయితే నాన్-ఇన్వర్టర్ AC స్థిర స్పీడ్ కంప్రెసర్‌ను కలిగి ఉంటుంది. ఇన్వర్టర్ ఏసీలో ఉష్ణోగ్రతతోపాటు వేగం, సామర్థ్యంలో మార్పు ఉంటుంది. ఇన్వర్టర్ AC ఉష్ణోగ్రతలో హెచ్చుతగ్గులకు గురికాదు. తక్కువ విద్యుత్తును వినియోగిస్తుంది. ఇన్వర్టర్ ఏసీల రిపేర్ , రీప్లేస్‌మెంట్ ఖర్చు నాన్-ఇన్వర్టర్ ఏసీల కంటే ఎక్కువగా ఉంటుంది. దాని కంప్రెసర్  మోటార్ నెమ్మదిగా ప్రారంభమవుతుంది. ఇన్వర్టర్ ఏసీలో అకస్మాత్తుగా జెర్క్ కరెంట్ రాదు. దీనికి పెద్ద బ్యాటరీ సామర్థ్యం కూడా అవసరం కావచ్చు.

ఇన్వర్టర్ ACలో ఉష్ణోగ్రత నియంత్రించబడుతుందని దీని అర్థం. ఇన్వర్టర్ ACలో, కూలింగ్ లేదా హీటింగ్ పవర్ అవసరాన్ని బట్టి నిర్ణయిస్తారు. నాన్-ఇన్వర్టర్ AC గది ఉష్ణోగ్రతను బట్టి నిర్ణీత మొత్తంలో శక్తిని అందిస్తుంది. గది కావలసిన ఉష్ణోగ్రతకు చేరుకున్నప్పుడు నాన్-ఇన్వర్టర్ AC కంప్రెసర్‌ను స్విచ్ ఆఫ్ చేస్తుంది. ఉష్ణోగ్రత పెరిగినప్పుడు మళ్లీ ప్రారంభమవుతుంది.

AC కి సంబంధించిన మరికొన్ని విషయాలు....
ఏడాది పొడవునా ఏసీని ఉపయోగించకపోవడం వల్ల దానిపై దుమ్ము, ఇతర కణాలు పేరుకుపోతాయి. కాబట్టి, వేసవిలో ఏసీని ఉపయోగించే ముందు సర్వీసింగ్ చేయాలి. ఏసీ సర్వీస్‌ను పొందడం ద్వారా తక్కువ విద్యుత్తును వినియోగిస్తుంది. ఏసీ ఫిల్టర్‌ను శుభ్రంగా ఉంచుకోవాలి. అది దెబ్బతిన్నట్లయితే, దానిని వెంటనే మార్చాలి. ఇంట్లో 7-8 ఏళ్ల ఏసీ ఉంటే దాన్ని మార్చుకుంటే బాగుంటుంది.
ఏసీ కొనుగోలు చేసేటప్పుడు స్టార్ రేటింగ్ చూడాలి. ఇన్వర్టర్ ఆధారిత ఏసీని అమర్చాలి.
ఏసీని నడుపుతున్నప్పుడు గదిని మూసి ఉంచండి. టైమర్ ఉపయోగించండి. రాత్రి పడుకునే ముందు ఏసీని స్లీప్ మోడ్‌లో ఉంచండి.
ఏసీని నడుపుతున్నప్పుడు, తక్కువ వేగంతో ఫ్యాన్‌ను కూడా వేసుకోవాలి.  AC ఉపయోగంలో లేనప్పుడు పవర్ బటన్‌ను స్విచ్ ఆఫ్ చేయండి. ఈ ట్రిక్స్ ఫాలో అవ్వడం వల్ల.. ఈజీగా కరెంట్ బిల్లు ఆదా చేయవచ్చు.