స్పెర్మ్ కౌంట్ పెరగడానికి ఏం చేయాలి?

16

ప్రస్తుత కాలంలో చాలా మంది మగవారు ఈ సమస్యతో బాధపడుతున్నారు. వీర్యకణాల ఉత్పత్తి, స్పెర్మ్ కౌంట్, వీర్యకణాల వేగం, వీర్యకణాల ఆరోగ్యం వంటి సమస్యలు సంతాన సమస్యలను కలిగిస్తాయి. ఒకవేళ మీరు హాస్పటల్ కు వెళ్లి ట్యాబ్లెట్స్ వాడుతున్నా.. హెల్తీ డైట్ ను ఖచ్చితంగా తీసుకోవాలి. స్పెర్మ్ సంబంధిత సమస్యల నుంచి బయటపడటానికి ఏమేమి చేయాలో ఇప్పుడు తెలుసుకుందాం పదండి.

26

వ్యాయామం

క్రమం తప్పకుండా వ్యాయామం చేసే పురుషులకు ఇలాంటి సమస్య వచ్చే అవకాశం లేదు. శారీరక శ్రమ టెస్టోస్టెరాన్ స్థాయిలు స్థాయిలను పెంచుతుంది. అలాగే వీరిలో మెరుగైన వీర్య కణాలు కూడా ఉంటాయని పలు అధ్యయనాలు చూపిస్తున్నాయి .అయినప్పటికీ మరీ ఎక్కువ వ్యాయామాలను చేయకూడదు. ఎందుకంటే ఇది మీ టెస్టోస్టెరాన్ స్థాయిలను తగ్గిస్తుంది. 

36

జింక్

జింక్ కూడా సంతానోత్పత్తిని పెంచడానికి బాగా సహాయపడుతుంది. మీరు ప్రతి రోజూ వ్యాయామం చేస్తున్నట్టైతే.. మీ సంతానోత్పత్తిని మెరుగుపరచాలనుకుంటే మీరు  ఆహారంలో జింక్ ఉండేలా చూసుకోండి. 

46

తగినంత విటమిన్ సి 

విటమిన్ సి మన రోగనిరోధక శక్తిని పెంచడానికి సహాయపడుతుందన్న సంగతి అందరికీ తెలుసు. కానీ ఇది సంతానోత్పత్తిని పెంచడానికి కూడా సహాయపడుతుందన్న సంగతి చాలా మందికి తెలియదు.  విటమిన్ సి వంటి యాంటీఆక్సిడెంట్ సప్లిమెంట్లను తీసుకోవడం వల్ల సంతానోత్పత్తి మెరుగుపడుతుందని కొన్ని అధ్యయనాలు సూచిస్తున్నాయి.

56

విశ్రాంతి తీసుకోవడం, ఒత్తిడిని తగ్గించడం

మీరు ఒత్తిడికి గురైనప్పుడు మానసిక ఆరోగ్యం దెబ్బతింటుంది. దీనివల్ల మీకు సెక్స్ కోరికలు కూడా తగ్గుతాయి. నిపుణుల ప్రకారం.. ఒత్తిడి మీ లైంగిక సంతృప్తిని తగ్గిస్తుంది. అలాగే మీ సంతానోత్పత్తిని కూడా దెబ్బతీస్తుంది. ఒత్తిడికి కారణమైన కార్టిసాల్ హార్మోన్ లైంగిక ఆరోగ్యంపై చెడు ప్రభావం చూపుతుందని చాలా పరిశోధనల్లో తేలింది. అందుకే ఒత్తిడిని తగ్గించుకోవడానికి ప్రయత్నించండి. ఇందుకోసం బయట కాసేపు నడవడం, ధ్యానం చేయడం, వ్యాయామం చేయడం లేదా స్నేహితులతో మాట్లాడటం వంటివి చేయండి. 

66

తగినంత విటమిన్ డి 

విటమిన్ డి మగ, ఆడ సంతానోత్పత్తికి చాలా ముఖ్యమైనది. ఇది టెస్టోస్టెరాన్ స్థాయిలను బాగా పెంచుతుంది. విటమిన్-డి లోపం ఉన్న పురుషులు తక్కువ టెస్టోస్టెరాన్ స్థాయిలను కలిగి ఉంటారని ఒక పరిశోధనల్లో తేలింది.  విటమిన్ డి లెవెల్స్ ఎక్కువగా ఉంటే స్పెర్మ్ చలనశీలత బాగుంటుందని నిపుణులు చెబుతున్నారు. అందుకే  తగినంత విటమిన్ డిని పొందండి. ఇవి మీ స్పెర్మ్ కౌంట్ ను పెంచుతాయి.