Most Expensive Foods: ప్రపంచంలోనే అత్యంత ఖరీదైన ఫుడ్స్ ఇవే.. మీరు ఎప్పుడైనా ట్రై చేశారా?

సాధారణంగా మనం ఒక మంచి రెస్టారెంట్ కి వెళ్లి తింటే బిల్లు వందల్లో, లేక వేయిలల్లో అవుతుంది. కానీ బిల్లు లక్షల్లో అయితే? వామ్మో అంత ఖరీదైనా ఫుడ్డా? అంతగా ఏముంటుంది అందులో అనుకుంటున్నారా? ఒకసారి చూసేయండి మరి.

రెగ్యులర్ గా మనం చాలా రకాల ఫుడ్ ఐటెమ్స్ తింటుంటాం. మన లైఫ్ స్టైల్, ఫైనాన్షియల్ స్టేటస్ కి తగ్గట్టుగా మన ఎంపిక ఉంటుంది. కొందరు నార్మల్ ఫుడ్ తీసుకుంటారు. మరికొందరు కాస్త కాస్ట్లీ ఫుడ్ తీసుకుంటారు. కానీ లక్షల్లో ధర ఉండే ఫుడ్ ఎప్పుడైనా తిన్నరా? ప్రపంచంలోనే అత్యంత ఖరీదైన ఫుడ్ గురించి మీకు తెలుసా?

ప్రపంచంలోనే అత్యంత ఖరీదైన ఆహార పదార్థాలలో ఒకటి ఈ నల్ల పుచ్చకాయ. ఇది జపాన్‌కు చెందిన ఒక ప్రత్యేకమైన పండు. దీనిని డెన్సుక్ పుచ్చకాయ అని కూడా పిలుస్తారు. వేలంలో దాదాపు నాలుగున్నర లక్షల రూపాయల వరకు వీటి ధర పలుకుతుంది.

ఐబీరియన్ హామ్

ఐబీరియన్ హామ్ ను ప్రపంచంలోనే అత్యుత్తమ హామ్‌గా పరిగణిస్తారు. దీన్ని నల్ల పందుల వెనుక కాళ్ళ నుంచి తయారు చేస్తారు. దీన్ని 24 నుంచి 36 నెలల వరకు నిల్వ చేస్తారు. దీన్ని రాత్రి భోజనంలో ఎక్కువగా తింటారు. ఐబీరియన్ హామ్ కోసం రూ. 3 లక్షలకు పైగా ఖర్చు చేయాల్సి ఉంటుంది.

మూస్ చీజ్

ప్రపంచంలోనే అత్యంత ఖరీదైన చీజ్‌లలో మూస్ చీజ్ ఒకటి. దీన్ని దుప్పి పాలతో తయారుచేస్తారు. 5 లీటర్ల పాలను ఇందుకు ఉపయోగిస్తారు. ప్రతి సంవత్సరం స్వీడన్‌లోని మూస్ హౌస్ ఫామ్‌లో దాదాపు 300 కిలోల చీజ్ అమ్ముతారు. దీని ధర పౌండ్ [సుమారు అరకేజీ] కు 455 డాలర్లుగా ఉంది.

అయం సెమాని బ్లాక్ చికెన్

అయం సెమాని బ్లాక్ చికెన్ ఇండోనేషియాలో పెంచుతారు. ఇది చాలా అరుదైన జాతి కోడి. ఈ ఒక్క కోడి ధర 14 వేల రూపాయలకు పైగా ఉంటుంది. ఇండోనేషియా బయట అయితే వేల డాలర్లు ఉంటుందట.

కుంకుమపువ్వు

ఆసియా ప్రాంతంలో కుంకుమపువ్వు విస్తృతంగా పెరుగుతుంది. వివిధ రకాల వంటలలో ఉపయోగించే ఈ సుగంధ ద్రవ్యం ఒక ప్రత్యేకమైన తీపి వాసనను వెదజల్లుతుంది.

వెనిల్లా

మడగాస్కర్ వెనిల్లా పాడ్‌లో 1 నుంచి 2 శాతం వెనిలిన్ ఉంటుంది. ప్రతి పౌండ్ ధర దాదాపు 43 వేలకు పైనే ఉంటుంది. ఇది ప్రపంచంలోనే అత్యంత శ్రమతో కూడిన పంట.

కోపి లువాక్

ఇది ప్రపంచంలోనే అత్యంత ఖరీదైన కాఫీ. లువాక్ కాఫీ బీన్స్ కిలోకు దాదాపు 52 వేల రూపాయలు. ఇది సివెట్ పిల్లి, ఆసియా పామ్ సివెట్ పిల్లి తిని, పాక్షికంగా జీర్ణం చేసి, విసర్జించిన కాఫీ బీన్స్ నుంచి తయారు చేస్తారు.

మత్సుటాకే పుట్టగొడుగు

మత్సుటాకే పుట్టగొడుగును సంవత్సరానికి ఒకసారి మాత్రమే కోస్తారు. ఇది ప్రపంచంలోనే అత్యంత ఖరీదైన పుట్టగొడుగు. ఇది కిలోకు 44 వేల రూపాయల వరకు ఉంటుంది.

వాగ్యు బీఫ్

ఇది జపనీస్ ఆవు నుంచి వస్తుంది. వాగ్యు బీఫ్ దాని కొవ్వుకు ప్రసిద్ధి చెందింది. కిలో 40వేల రూపాయల వరకు ఉంటుంది. ఈ ఆవుల పెంపకం ఖర్చు చాలా ఎక్కువ.

కేవియర్

గిన్నిస్ వరల్డ్ బుక్ ఆఫ్ రికార్డ్స్ ప్రకారం అత్యంత ఖరీదైన కేవియర్ 100 ఏళ్ల వయస్సు గల అల్బినో బెలుగా స్టర్జన్ నుంచి వచ్చింది. ఇవి ప్రపంచంలోనే అత్యంత రుచికరమైన ఆహారంగా పిలిచే చేప గుడ్లు.