కొలెస్ట్రాల్ ను తగ్గించుకోవాలనుకుంటున్నారా..? అయితే ఈ ప్రోటీన్ ఫుడ్ ను మీ డైట్ లో చేర్చుకోండి
ప్రోటీన్ ఫుడ్ తో వెయిట్ లాస్ సులువుగా అవ్వొచ్చని చాలా మందికీ తెలుసు. అయితే ఇదే ప్రోటీన్ తో చెడు కొలెస్ట్రాల్ ను కూడా ఫాస్ట్ గా తగ్గించుకోవచ్చంటున్నారు నిపుణులు.
High Cholesterol
మనం తినే ఆహారమే మన గుండెపై ఎంతో ప్రభావం చూపుతుంది. అది మంచైనా.. చెడైనా.. అందుకోసమే మనం తినే ఆహారాలు ఆరోగ్యకరమైనవిగా ఉండాలని ఆరోగ్య నిపుణులు చెబుతున్నారు. ఇకపోతే శరీరంలో చెడు కొలెస్ట్రాల్ పేరుకుపోతే మన ఆరోగ్యం దారుణంగా దెబ్బతింటుంది. ఎన్నో ప్రమాదకరమైన రోగాలొచ్చే అవకాశం ఉంది. కొలెస్ట్రాల్ ఎక్కువగా ఉండేవారు తినే ఆహారంలో కొన్ని మార్పులు చేర్పులు చేసుకోవాల్సి ఉంటుంది. ముఖ్యంగా ట్రాన్స్ ఫ్యాట్స్, సంతృప్త కొవ్వులను తీసుకోవడం తగ్గించాలి. అలాగే ఒమేగా 3 ఫ్యాటీ ఆమ్లాలను, కరిగే ఫైబర్ ఎక్కువగా ఉండే ఆహారాలను, పాల ఉత్పత్తులను తీసుకోవాల్సి ఉంటుంది.
ఏదేమైనా కొన్ని ప్రోటీన్లు గుండెను ఆరోగ్యంగా ఉంచుతాయి. అలాగే శరీరంలో ఉన్న కొలెస్ట్రాల్ ను కూడా తగ్గించడానికి కూడా సహాయపడుతుందని నిపుణులు చెబుతున్నారు.
ప్రోటీన ముఖ్యమైన మాక్రోన్యూట్రియెంట్. ఇది మన శక్తి స్థాయిలను పెంచడానికి చాలా అవసరం. ఫిట్నెస్ కోసం కష్టపడేవారికి ఈ ప్రోటీన్ ఫుడ్ కండరాలను నిర్మించడానికి అవసరపడుతుంది. ఇందుకోసం గుడ్లు, పౌల్ట్రీ, చేపలు, చేపలు, పాడి ఆహారాలను తినండి. వీటిలో ప్రోటీన్ కంటెంట్ ఎక్కువ మొత్తంలో ఉంటుంది.
శరీరంలో కొలెస్ట్రాల్ ను తగ్గించుకోవాలనుకుంటే మీ ఆహారంలో బేకన్, ప్రాసెస్ చేసిన మాంసాహారాలు ఉండకుండా చూసుకోండి. వీటిలో ఎల్డీఎల్ కొలెస్ట్రాల్ స్థాయిలు ఎక్కువగా ఉంటాయి. ఇవి గుండెకు అస్సలు మంచివి కావు. అనారోగ్యకరమైన కొవ్వులు తక్కువగా ఉండే వివిధ మొక్కల, జంతు ఆధారిత ఆహారాల్లో ప్రోటీన్ కంటెంట్ ఎక్కువగా ఉంటుంది. ఇవి కొలెస్ట్రాల్ ను తగ్గించడానికి సహాయపడతాయి.
సీఫుడ్
మీకు మాంసాహారం ఇష్టమైతే రెడ్ మీట్ కు బదులుగా సంతృప్త కొవ్వు తక్కువగా ఉండి, ప్రోటీన్ కంటెంట్ ఎక్కువగా ఉండే చేపలను తినండి. చేపల్లో కొంత మొత్తంలో కొలెస్ట్రాల్ ఉన్నప్పటికీ.. శరీరంలో కొలెస్ట్రాల్ స్థాయిలను నిర్వహించడానికి సహాయపడే కొవ్వులు పుష్కలంగా ఉంటాయి. మారేకెల్, సాల్మన్, ట్యూనా వంటి చేపలను తినండి. వీటిలో ఒమేగా 3 కొవ్వు ఆమ్లాలు పుష్కలంగా ఉంటాయి. ఇవి ట్రైగ్లిజరైడ్ స్థాయిలను తగ్గిస్తాయి. దీంతో ఆరోగ్యకరమైన కొలెస్ట్రాల్ స్థాయిలు పెరుగుతాయి.
పప్పు ధాన్యాలు, చిక్కుళ్లు
మొక్కల ఆధారిత ప్రోటీన్ ఫుడ్ అయిన పప్పుధాన్యాలు, చిక్కుళ్లు మన ఆరోగ్యానికి ఎంతో మేలు చేస్తాయి. వీటిలో ఫైబర్ కంటెంట్ ఎక్కువగా ఉంటుంది. ఇది కొలెస్ట్రాల్ ను తగ్గించడానికి సహాయపడతాయి. చిక్కుళ్లు, పప్పుధాన్యాల్లో ఉండే ఫైబర్ కంటెంట్ గట్ లోని కొలెస్ట్రాల్ శోషణను తగ్గించడానికి సహాయపడుతుంది. ఇది గట్ ను ఆరోగ్యంగా ఉంచే బ్యాక్టీరియా పెరుగుదలకు కూడా సహాయపడుతుంది. జీర్ణవ్యవస్థను కూడా ఆరోగ్యంగా ఉంచుతుంది. బీన్స్, చిక్కుళ్లను ఎక్కువగా తింటే రక్తంలో షుగర్ లెవెల్స్ నియంత్రణలో ఉంటాయి.
గింజలు, విత్తనాలు
వాల్ నట్స్, బాదం పప్పులు, నువ్వులు, పిస్తా, అవిసె గింజలు, కొన్ని రకాల విత్తనాలు గుండెను ఆరోగ్యంగా ఉంచడానికి ఎంతో సహాయపడతాయి. ఇవి శరీరంలో పేరుకుపోయిన చెడు కొలెస్ట్రాల్ ను తగ్గించడానికి ఎంతో సహాయపడతాయి. వీటిలో మనల్ని ఆరోగ్యంగా ఉంచే పోషకాలు, ఆరోగ్యకరమైన కొవ్వులు పుష్కలంగా ఉంటాయి. ఇకవీటిలో ఉండే పీచుపదార్థాలు జీర్ణవ్యవస్థను ఆరోగ్యంగా ఉంచడానికి సహాయపడతాయి.
తృణధాన్యాలు
క్వినోవా, అమరాంత్, గోధుమలు, బుక్ వీట్ వంటి తృణధాన్యాల్లో ప్రోటీన్ కంటెంట్ పుష్కలంగా ఉంటుంది. ఇందులో పైబర్, ప్రోటీన్లు, ఖనిజాలు ఎక్కువ మొత్తంలో ఉంటాయి. కొలెస్ట్రాల్ ఎక్కువగా ఉన్నవారికి తృణధాన్యాలు మంచివని ఆరోగ్య నిపుణులు చెబుతున్నారు. ఎందుకంటే ఇవి చెడుకొలెస్ట్రాల్ ను తగ్గించి.. గుండెపోటు ప్రమాదాన్ని తగ్గిస్తాయి. ఇక వీటిలో ఉండే ఫైబర్ గట్ ఆరోగ్యాన్ని మెరుగుపరుస్తాయి. అలాగే బరువును కూడా తగ్గిస్తాయి.