ముక్కులోని వెంట్రుకలు కత్తిరించకూడదా?

చాలా మంది ముక్కులోని వెంట్రుకలను  ఊరికూరికే కట్ చేస్తూ ఉంటారు. అసలు అలా చేయడం కరెక్టేనా? ముక్కులోని వెంట్రుకలు కత్తిరించడం వల్ల మనకు లాభమా? నష్టమా? నిపుణులు ఏమంటున్నారో తెలుసుకుందాం...  

మీరు చాలా సినిమాల్లో, సీరియల్స్ లో చూసే ఉంటారు.. చాలా మంది యాక్టర్స్.. షేవింగ్ చేసే సమయంలో ముక్కులోని వెంట్రుకల్ కట్ చేసుకుంటూ కనిపిస్తూ ఉంటారు. వాళ్లే కాదు.. బయట చాలా మంది కూడా తమ ముక్కులోని వెంట్రుకలను రిమూవ్ చేస్తూ ఉంటారు.  సెలూన్ కి వెళ్లిన ప్రతిసారీ చాలా మంది అడిగిమరీ ఆ వెంట్రుకలు తీయించుకుంటూ ఉంటారు. నిజంగా అలా చేయవచ్చా?

ఇలా కట్ చేసుకోవడానికి రీజన్ లేకపోలేదు.  అలా వెంట్రుకలు బయటకు కనిపిస్తే.. ఛండాలంగా ఉంటుందని.. తమ అందం పోతుందని.. కావాలని మరీ కట్ చేసుకుంటారు.  మీసం, గడ్డం తీసేసినంత సింపుల్ గా... ఈ వెంట్రుకలు తొలగించడం మంచిదేనా? నిపుణులు ఏమంటున్నారో తెలుసుకుందాం...

కొందరు మాత్రం ముక్కులోని వెంట్రుకలను కత్తిరించుకోవడానికి పెద్దగా ఇష్టపడరు.  ఎందుకంటే.. దాని వల్ల కూడా మనకు మంచి జరుగుతుందని నమ్ముతారు.అంటే, మన ముక్కులోని వెంట్రుకలు మనం పీల్చే గాలిని వడపోసి, దానిలోని వైరస్లు, బ్యాక్టీరియా వంటివి శరీరంలోకి ప్రవేశించకుండా ముక్కులోనే అడ్డుకుంటాయని చెబుతారు. ఇది శాస్త్రీయంగా నిజమో కాదో చాలా మందికి తెలియదు. ఇప్పుడు దీని గురించి నిజా, నిజాలు మనం తెలుసుకుందాం..

ముక్కులో  వెంట్రుకల గురించి కొన్ని నిజాలు...

ముక్కులో పెరిగే వెంట్రుకలు రోజుకు 0.3 నుండి 0.5 మి.మీ మాత్రమే పెరుగుతాయి.

సగటున ముక్కులోని వెంట్రుకల పొడవు 5 నుండి 6 మి.మీ మాత్రమే ఉంటుంది. 

మనం శ్వాస తీసుకునేటప్పుడు పీల్చే గాలిని వెచ్చగా, తేమగా మార్చడంలో ముక్కులో పెరిగే వెంట్రుకలు సహాయపడతాయి.

ముక్కులో పెరిగే వెంట్రుకలను కత్తిరించడం వల్ల మనకు కొన్ని లాభాలు, నష్టాలు ఉంటాయి.  ముందుగా లాభాలను చూద్దాం. 

ముక్కు వెంట్రుకలు కత్తిరించడం వల్ల కలిగే ప్రయోజనాలు: 

ముక్కులో పెరిగే వెంట్రుకలను కొన్ని రోజులకు ఒకసారి కత్తిరించడం వల్ల ముఖం అందంగా కనిపిస్తుంది. 

ముక్కు వెంట్రుకలను నిరంతరం కత్తిరించకుండా అడవిలా పెరగనివ్వడం వల్ల దుమ్ము, ధూళి, బ్యాక్టీరియా వంటివి అక్కడే చేరిపోయే అవకాశం ఉంది.  సరైన సమయంలో వెంట్రుకలను కత్తిరించడం వల్ల ఈ సమస్యలను నివారించవచ్చు. 

ముక్కులో పెరిగే వెంట్రుకలను కత్తిరించడం వల్ల అలెర్జీలు రాకుండా నివారించవచ్చు. ఎందుకంటే  అలెర్జీలకు కారణమయ్యే వైరస్లు, దుమ్ము, ధూళిని లోపలికి ప్రవేశించకుండా అడ్డుకుంటాయి. 

ముక్కులో పెరిగే వెంట్రుకలను కత్తిరించడం వల్ల శ్వాసకోశ సమస్యలు రాకుండా నివారించవచ్చు. ఎక్కువగా వెంట్రుకలు ఉండటం వల్ల గాలి ప్రసరణకు ఆటంకం ఏర్పడుతుంది. 

నష్టాలు: 

ముక్కులో పెరిగే వెంట్రుకలు సహజ వడపోతగా పనిచేస్తాయి. గాలిలో ఎగురుతూ వచ్చే పుప్పొడి, దుమ్ము, ధూళి, బ్యాక్టీరియా వంటివి లోపలికి ప్రవేశించకుండా ముక్కు వెంట్రుకలకు అతుక్కుపోతాయి. ఈ విధంగా ముక్కు వెంట్రుకలు సహజ వడపోతలా పనిచేస్తాయి. ముక్కులోని వెంట్రుకలను కత్తిరించడం వల్ల బ్యాక్టీరియా లోపలికి ప్రవేశించే అవకాశం ఉంటుంది. కొంతమందికి ముక్కులో దురద, మంట, బలహీనత వంటివి కూడా రావచ్చు. ముక్కు రంధ్రాలను తాకేలా కత్తిరించడం వల్ల గాయాలు అయ్యే అవకాశం ఉంది. 

ముక్కులోని వెంట్రుకలను కత్తిరించవచ్చా? నిపుణులు ఏం చెబుతున్నారంటే! 

1986లో ముక్కు వెంట్రుకలను కత్తిరించడంపై ఒక పరిశోధన జరిగింది. దీనినే వైద్యులు 'వెస్టిబ్యూల్' అని పిలుస్తారు. లాన్సెట్ అనే వైద్య పత్రికలో ప్రచురితమైన ఈ పరిశోధనలో ముక్కు వెంట్రుకలు వడపోతగా పనిచేయవచ్చని పేర్కొన్నారు. ముక్కు వెంట్రుకలకు సూక్ష్మజీవులు అతుక్కుపోయే అవకాశం ఉందని కూడా ఆ పరిశోధనలో తేలింది.  

మరో పరిశోధనలో, ముక్కులో ఎక్కువ వెంట్రుకలు ఉన్నవారిలో ఆస్తమా వచ్చే అవకాశం తక్కువగా ఉందని తేలింది. ఆ పరిశోధనలో ముక్కు వెంట్రుకలు వడపోతలా పనిచేస్తున్నాయని తేలింది. 

2015లో జరిగిన ఒక పరిశోధనలో ముక్కు వెంట్రుకలను కత్తిరించుకునేవారి కంటే కత్తిరించుకోని వారు ఆరోగ్యంగా ఉన్నారని తేలింది.  ఈ విధంగా ముక్కు వెంట్రుకలను పెంచుకోవడానికి అనుకూలంగా పరిశోధనలు వస్తున్నప్పటికీ, ముక్కు వెంట్రుకలను కత్తిరించడం వల్ల ఇన్ఫెక్షన్లు వస్తాయని చెప్పడానికి ఎలాంటి శాస్త్రీయ ఆధారాలు లేవు. ముక్కు వెంట్రుకలను కత్తిరించిన తర్వాత మీకు శ్వాసకోశ సమస్యలు వస్తే వైద్యుడిని సంప్రదించండి. 

ఎవరు దూరంగా ఉండాలి? 

 రోగనిరోధక శక్తి తక్కువగా ఉన్నవారు 

సైనస్ , ముక్కు ఇన్ఫెక్షన్లతో బాధపడుతున్నవారు 

రక్తస్రావం సమస్యలు ఉన్నవారు.