రేపే చంద్ర గ్రహణం.. ఆ రోజు ఏం తినాలి? ఏం తినకూడదో తెలుసుకోండి..
చంద్రగ్రహణం అంటే.. భూమి సూర్యుడికి, చంద్రుడికి మధ్యలోకి వస్తుంది. ఇది సంపూర్ణ చంద్రగ్రహణం. ఈ గ్రహణ సమయంలో ఏం తినాలి? ఏం తినకూడదు.. అసలు తినొచ్చా? లేదా అన్న విషయాలను ఇప్పుడు తెలుసుకుందాం పదండి.
చంద్రగ్రహణం ఒక ఖగోళ సంఘటన. దీనివల్ల సూర్యుడికి, చంద్రుడికి మధ్యలోకి భూమి వస్తుంది. దీనివల్ల సూర్యుని కిరణాలు చంద్రుడిపై పడవు. దీంతో మనకు చంద్రుడు కనిపించడు. రేపే సంపూర్ణ చంద్రగ్రణం. గ్రహణం సమయంలో చంద్రుడు ఎరుపురంగులోకి మారుతాయి. దీనిని బ్లడ్ మూన్ అని కూడా పిలుస్తారు. ఈ సమయంలో సూర్యుడు, భూమి, చంద్రుడు ఒకే సరళరేఖలో ఉంటాయి.
చంద్రోదయం నుంచే భారతదేశంలోని అన్ని ప్రాంతాల్లో ఈ గ్రహణం కనిపిస్తుంది. ఢిల్లీలో పాక్షిక చంద్రగ్రహణం 1 గంటా 58 నిమిషాల పాటు ఉంటుంది. ఇది సాయంత్రం 05:28 ప్రారంభమై.. 07:26 గంటలకు ముగుస్తుంది.
గ్రహణం సమయంలో ఇవి చేయాలి.. అవి చేయకూడదు.. ఇవి తినకూడదు అన్న నిబంధనలు పెడుతుంటారు పెద్దలు. మరి ఈ గ్రహణ సమయంలో ఏం తినాలి? ఏం తినకూడదు అన్న విషయాలను ఇప్పుడు తెలుసుకుందాం..
ఆధునిక శాస్త్రం ప్రకారం.. గ్రహణం రోజు.. అంటే గ్రహణం సమయంలో ఏం తిన్నా.. ఎలాంటి హాని జరగదు. ఎలాంటి సమస్యా రాదు. ఏదేమైనా కొందరు ఇలాంటి విషయాలను నమ్ముతారు.. కొందరి నమ్మకాల ప్రకారం.. చంద్రుని చక్రాలు మన శరీరాలను మానసికంగా ప్రభావితం చేస్తాయి. చంద్ర గ్రహణం రోజున మనం తినే ఎలాంటి ఆహారమైనా.. అది లేట్ గా జీర్ణం అవుతుందని చెప్తుంటారు. అందుకే గ్రహణ సమయంలో ఫుడ్ తినడం వల్ల జీర్ణక్రియకు సంబంధించిన సమస్యలు వస్తాయి. అంతేకాదు ఇతర ఆరోగ్య సమస్యలు కూడా రావొచ్చొ. ఇంతకీ గ్రహణ సమయంలో చేసేవి, చేయకూడని పనుల గురించి తెలుసుకుందాం..
గ్రహణం రోజున ఏం తినాలి?
గ్రహణం స్టార్ట్ కాకముందే తినాలని గుర్తుంచుకోండి. ఇందుకోసం తక్కువ నూనెతో ఇంట్లో తయారుచేసిన భోజనమే తినండి. రోటీ, సబ్జీ, పప్పు వంటి తేలికపాటి ఆహారాలను తినండి. సీజనల్ పండ్లను కూడా తినొచ్చు.
తులసి, పసుపు వంటి యాంటీ బ్యాక్టీరియల్, యాంటీ ఇన్ఫ్లమేటరీ లక్షణాలు ఉన్న ఆహారాలను గ్రహణం రోజున తప్పకుండా తినండి. వీటిని మీరు తినే ప్రతి ఆహారంలో వేయాలని చెప్తారు. దీనివెనుక బలమైన రీజన్ ఏం లేనప్పటికీ.. తులసి ఆకులు ఎన్నో అంటురోగాలతో పోరాడుతాయి. మన శరీరాన్ని ఆరోగ్యంగా ఉంచుతాయని నమ్ముతారు.
గ్రహణం రోజున మీరు తినగలిగే ఆరోగ్యకరమైన ఆహారాల్లో కొబ్బరి నీళ్లు, తులసి ఆకులు, అల్లం వాటర్, తాజా పండ్లు వంటివి ఉన్నాయి.
ఏం తినకూడదు
గ్రహణ సమయంలో లేదా గ్రహణం తర్వాత.. ఇంతకు ముందే వండిన ఆహారాలను అసలే తినకూడదు. ఎందుకంటే ఈ ఫుడ్ కలుషితం అయ్యిందని నమ్ముతారు. అందుకే ఆ రోజున గ్రహణం ముగిసిన తర్వాత ఫ్రెష్ గా వండుకుని తినండి. ఈ సమయంలో ముడి ఆహారాన్ని తినడం మంచిది కాదని నమ్ముతారు. ఎందుకంటే వీటిపై చంద్రుని కిరణాలు పడి వాటి లక్షణాలు కోల్పోతాయని భావిస్తారు.
గ్రహణం రోజున అస్సలు తినకూడని ఆహారాలేంటంటే.. చికెన్, చేపలు, పంది మాంసం, మటన్ వంటి మాంసాహారాలను తినడం మంచిది కాదని నమ్ముతారు. గ్రహణం సమయంలో సిగరెట్లు, మద్యం తాగడకూడదు.
గుర్తుంచుకోవాల్సిన విషయాలు
గ్రహణం రోజున పూర్తిగా ఆరోగ్యకరమైన ఆహారాలనే తినండి. గ్రహణానికి కనీసం రెండు గంటల ముందే తేలికపాటి లేదా తేలికగా జీర్ణమయ్యే ఆహారాలనే తినండి. గ్రహణం ముగిసే వరకు ఎలాంటి ఆహారాలను తినకూడదు. అయితే మధుమేహం, అధిక రక్తపోటు సమస్యలు ఉన్నవారు ఈ చిట్కాలను పాటించే ముందు డాక్టర్ సలహా తీసుకోవడం మంచిది.
Lunar Eclipse 2022
చంద్రగ్రహణం గురించి జనాలు తరచుగా అడిగే కొన్ని ప్రశ్నలు.. జవాబులు..
చంద్రగ్రహణం సమయంలో ఏం చేయకూడదు?
గ్రహణం సమయంలో నిద్రపోకూడదు. తినకూడదు. అలాగే సెక్స్ లో పాల్గొనకూడదు.
చంద్రగ్రహణ సమయంలో ఆహారం తినొచ్చా?
చంద్రగ్రహణానికి ముందు వండిన లేదా ముడి ఆహారాన్ని అసలే తినకూడని జ్యోతిష్యులు చెబుతున్నారు. ఎందుకంటే గ్రహణ సమయంలో ఆహారంలో సూక్ష్మజీవులు ఎక్కువ అవుతాయట.
గ్రహణ సమయంలో మాంసం తినొచ్చా?
గ్రహణ సమయంలో మాంసాహారం అసలే తినకూడదు. ఎందుకంటే దీన్ని మన శరీరం అంత తొందరగా జీర్ణం చేసుకోలేదు.
చంద్ర గ్రహణ సమయంలో నీళ్లను తాగొచ్చా?
గ్రహణ సమయంలో ఆయిల్ మసాజ్ చేసుకోకూడదు. నీళ్లను కూడా తాగకూడదు. జుట్టును దువ్వుకోకూడదు. పళ్లు కూడా తోముకోకూడదు. కానీ ఆధునిక శాస్త్రం ప్రకారం.. ఇవన్నీ మన మూఢనమ్మకాలే.. గ్రహణం సమయంలో ఏం చేసినా ఎలాంటి సమస్యలు రావు.