Kiwi: ఈ పండును తింటే ఒక్కటేమిటీ ఎన్నో రోగాలు నయమవుతాయ్ తెలుసా..!

Kiwi: ఈ గజిబిజీ లైఫ్ లో మనుషులకు తినడానికి కూడా సమయం లేకుండా పోయింది. దీనికి తోడు ఆరోగ్యానికి మంచి చేసే పండ్లను తినడమే మర్చిపోయారు. కానీ మన ఆరోగ్యానికి పండ్లు ఎంతో మేలు చేస్తాయి. అందులో కివి పండ్లను తినడం వల్ల ఎన్నో అనారోగ్య సమస్యలు తగ్గిపోతాయని ఆరోగ్య నిపుణులు చెబుతున్నారు. 

కివి పండును తినడం వల్ల మనలో విటమిన్ సి లోపం ఏర్పడే అవకాశమే లేదు.  విటమిన్ సి లోపం ఏర్పడకూడదంటే ప్రతిరోజూ ఒక కివి పండును తినాలని ఆరోగ్య నిపుణులు చెబుతున్నారు. ఈ పండులో పోషకాలు పుష్కలంగా ఉంటాయి. ఇది రోగ నిరోధక శక్తిని కూడా పెంచుతుంది. కివి పండును తినడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం పదండి. 
 

రోగనిరోధశక్తిని బలోపేతం చేస్తుంది.. కివిని సీజన్ తో సంబంధం లేకుండా తినొచ్చు. కివిని తినడం వల్ల మీ రోగ నిరోధక వ్యవస్థ బలోపేతం అవుతుంది. దీంతో మీరు ఎన్నో వ్యాధులతో పోరాడవచ్చు. కరోనాతోనే కాదు మరెన్నో సమస్యల నుంచి బయటపడటానికి రోగ నిరోధక శక్తి ఎంతో అవసరం కూడా. అందుకే రోజుకు ఒక కివిని తిని రోగ నిరోధక శక్తిని పెంచుకోవాలని ఆరోగ్య నిపుణులు సూచిస్తున్నారు. 

హార్ట్ ప్రాబ్లమ్స్, అధిక రక్తపోటు, డయాబెటీస్ ఉన్నవారికి కివి  పండ్లు ఎంతో మేలు చేస్తాయి. వీటిని తినడం వల్ల ఈ సమస్యలు తగ్గుముఖం పడతాయి. 

కివిలను తినడం వల్ల చర్మంపై ముడతలు తొలగిపోవడంతో పాటుగా స్కిన్ కాంతివంతంగా తయారువుతుంది. అందుకే వీటిని తరచుగా తినాలని నిపుణులు చెబుతున్నారు. 

అలా అల్సర్లు, కడుపు లో వేడి వంటి అనారోగ్య సమస్యలను తగ్గించడంలో కివి పండు ప్రయోజనకరంగా ఉంటుందని ఆరోగ్య నిపుణులు చెబుతున్నారు. 

కివిలో ఫోలిక్ యాసిడ్, ఐరన్ వంటివి పుష్కలంగా ఉంటాయి. ఇది గర్భిణులకు చాలా ప్రయోజనకరంగా ఉంటుంది. వీటిని తినడం వల్ల తల్లీ బిడ్డ ఆరోగ్యంగా ఉంటారు. 
 

ముఖ్యంగా కరోనా కష్టకాలంలో కివిని తినడం చాలా ముఖ్యమని ఆరోగ్య నిపుణులు చెబుతున్నారు. ఎందుకంటే ఇది ఇమ్యూనిటీ పవర్ ను పెంచుతుంది. ఇందుకోసం మీరు రోజుకు 1 లేదా రెండు కివిలను తినొచ్చు.