Rose Water: ఒక స్పూను రోజ్ వాటర్, చిటికెడు పటిక చాలు మీ ముఖం వెలిగిపోతుంది
Rose Water: ముఖం మీద ఉన్న మురికి పోయి చర్మం తెల్లగా మారాలంటే చిన్న చిట్కా ఉంది. ఇంట్లో ఉన్న రోజ్ వాటర్, పటిక బెల్లం కలిపి ముఖానికి రాసుకుంటే చర్మం కాంతివంతంగా మారుతుంది. ఈ రెండింటినీ ఎలా ఉపయోగించాలో తెలుసుకోండి.
రోజ్ వాటర్, పటిక కలిపి
రోజ్ వాటర్, పటిక బెల్లం.. ఈ రెండూ కూడా చాలా తక్కువ ధరకే లభిస్తాయి. ఈ రెండూ కలిపి ముఖానికి రాస్తే చర్మానికి ఎంతో లాభం కలుగుతుంది. ఇంట్లోనే సులభంగా లభించే ఈ రెండు పదార్థాలు స్కిన్కేర్లో అద్భుతంగా పనిచేస్తాయి. ఈ విషయంలో సోషల్ మీడియాలో కూడా వైరల్ అవుతోంది. రోజ్ వాటర్ చర్మాన్ని కూల్గా ఉంచి హైడ్రేట్ చేయడంలో సహాయపడుతుంది. ఇక ఇందులో వాడే పటిక బెల్లం బ్యాక్టీరియాను తగ్గించేందుకు ఉపయోగపడుతుంది. అందువల్ల ఈ రెండింటి కాంబినేషన్ చర్మ సమస్యలకు మంచి పరిష్కారం దొరుకుతుంది.
ఆయిలీ స్కిన్ వారికి ఉపయోగం
రోజ్ వాటర్, పటిక కలిపిన మిశ్రమం చర్మానికి ఎంతో ప్రయోజనకరంగా ఉంటుంది. ముఖ్యంగా ఆయిలీ స్కిన్ ఉన్నవారికి ఇది ఉపయోగపడుతుంది. పటిక చర్మంపై ఉన్న రంధ్రాలు ఆయిల్ ఉత్పత్తిని తగ్గించడంలో సహాయపడుతుంది. దీంతో ముఖానికి మెరుపు దక్కుతుంది. అలాగే బ్యాక్టీరియాను నియంత్రించడం వల్ల మొటిమలు తగ్గే అవకాశం ఉంటుంది. మరోవైపు గులాబీ నీరు చర్మాన్ని సాఫ్ట్గా ఉంచి, ఎర్రదనం లేదా ఇరిటేషన్ రాకుండా ఉంటుంది. దీని వల్ల ముఖానికి సులువుగా మెరుపు వస్తుంది.
జాగ్రత్తలు తీసుకోండి
ఈ రెండింటినీ వాడే ముందు జాగ్రత్తలు తీసుకోవడం చాలా అవసరం. పటిక పొడిని ఎక్కువగా వాడితే చర్మం పొడిగా మారుతుంది. గరుకుగా మారి మంట వంటి సమస్యలు రావచ్చు. ముఖ్యంగా సెన్సిటివ్ స్కిన్ ఉన్నవారు ఇది వాడేటప్పుడు చాలా జాగ్రత్తగా ఉండాలి. ఈ మిశ్రమాన్ని రోజూ ఉపయోగించడం ఏమాత్రం మంచిది కాదు. వారానికి రెండు లేదా మూడు సార్ మాత్రమే వాడడం మంచిది. దీన్ని వాడే ముందు మొదట చిన్న భాగంలో ప్యాచ్ టెస్ట్ చేసి తర్వాతే ముఖానికి అప్లై చేయడం ఉత్తమం.
ఒక్కొక్కరికి ఒక్కోలా ఫలితం
రోజ్ వాటర్, పటిక కలిపిన మిశ్రమం కొంతమందికి ఎంతో అందాన్ని ఇస్తుంది. అలాగని ఇది అద్భుత ఫలితాలు ఇచ్చే మ్యాజిక్ సొల్యూషన్ అని చెప్పడం లేదు. ప్రతి ఒక్కరి చర్మం వేరువేరుగా స్పందించే అవకాశం ఉంది. కాబట్టి దీన్ని ప్యాచ్ టెస్ట్ చేశాక వాడడం ఎంతో మంచిది. అవసరమైతే చర్మ నిపుణుల సలహా తీసుకోవడం మంచిది.
