Holi 2025: దుస్తులకు అంటిన హోలీ రంగులను వదిలించేదెలా?

రంగులతో ఆడుకున్నప్పుడు చాలా సరదాగా ఉంటుంది. కానీ, ఆ తర్వాత దుస్తులకు అంటిన రంగులను వదిలించడం మాత్రం చాలా కష్టం. ఎంత ఉతికినా దుస్తులకు అంటిన రంగులను వదిలించలేం.

హోలీ పండగను దేశ వ్యాప్తంగా ప్రజలు ఎంతో ఆనందంగా జరుపుకుంటారు.చిన్న పిల్లల దగ్గర నుంచి పెద్దవారి వరకు ఈ పండగను చాలా సంతోషంగా 
జరుపుకుంటారు. ఎక్కువగా గులాబ్ రంగును చల్లుకుంటారు. రంగులతో ఆడుకున్నప్పుడు చాలా సరదాగా ఉంటుంది. కానీ, ఆ తర్వాత దుస్తులకు అంటిన రంగులను వదిలించడం మాత్రం చాలా కష్టం. ఎంత ఉతికినా దుస్తులకు అంటిన రంగులను వదిలించలేం.కానీ, కొన్ని చిట్కాలు వాడితే.. ఎలాంటి రంగులను అయినా దుస్తుల నుంచి వదిలించవచ్చు. అదెలాగో ఇప్పుడు తెలుసుకుందాం..

మనం నిమ్మకాయ, వెనిగర్, ఉప్పు,యాంటాసిడ్లు, వాషింగ్ పౌడర్ లాంటివి ఉపయోగించి మనం ఎలాంటి మరకలను అయినా తొలగించవచ్చు. ముందుగా.. దుస్తులకు అంటుకున్న హోలీ రంగులను నీటితో ఉతకడానికి ప్రయత్నించండి. నీటిలో జాడించిన తర్వాత కూడా మరకలు అలానే ఉన్నాయి అంటే..నిమ్మకాయను వాడొచ్చు. ఒక గిన్నెలో నిమ్మకాయ రసాన్ని పిండుకోవాలి. దాంట్లో ఉప్పు, వెనిగర్ కూడా వేసి బాగా కలపాలి. ఇందులోనే వాషింగ్ పౌడర్, ఈనో కూడా వేసి కలపాలి. ఇప్పుడు ఈ మిశ్రమం మొత్తాన్ని నీటిలో వేసి.. ఆ నీటిని మరిగించాలి.

నీరు మరిగే సమయంలో హోలీ రంగులు అంటిన దుస్తులను కూడా అందులోనే వేయాలి. నీరు మరుగుతున్నంత సేపు ఒక కర్ర సాయంతో ఆ దుస్తులను తిప్పుతూ ఉండాలి. కేవలం పది నిమిషాలు నీటిలో మరిగించినా చాలు.. దుస్తులకు అంటిన రంగులు మొత్తం వదలడం మొదలౌతుంది.  ఆ తర్వాత సాధారణ నీటితో ఉతుక్కుంటే చాలు.రంగులన్నీ వదులుతాయి.

తెలుపు రంగు బట్టల నుండి మరకలను తొలగించాలనుకుంటే, మీరు బ్లీచింగ్ పౌడర్ ఉపయోగించాలి. మ్మరసం, బేకింగ్ సోడా ద్రావణాన్ని మరక ఉన్న ప్రదేశంలో అప్లై చేసి 10 నిమిషాలు అలాగే ఉంచండి. తర్వాత శుభ్రం చేస్తే.. రంగులు పోతాయి.