Dark Circles Remedy: కళ్ల కింద డార్క్ సర్కిల్స్ పోవాలంటే ఇలా చేయండి..

Dark Circles Remedy: అనేక కారణాల వల్ల కళ్లకింద డార్క్ సర్కిల్స్ ఏర్పడుతుంటాయి. అయితే నల్లటి వలయాలు ముఖ సౌందర్యాన్ని మొత్తంగా పాడు చేస్తాయి. కొన్ని చిట్కాలను పాటిస్తే ఈ సమస్య ఈజీగా తొలగిపోతుంది.  

Dark Circles Remedy: కళ్ల కింద నల్లటి వలయాల సమస్య కేవలం ఆడవారికే కాదు మగవారికి కూడా వస్తుంటుంది. ఎక్కువ సేపు ఫోన్ లేదా లాప్ టాప్ స్క్రీన్ లను చూడటం, తక్కువ సేపు నిద్రపోవడం, ఒత్తిడి వంటి అనేక కారణాల వల్ల ఈ సమస్య వస్తుంటుంది. 

అయితే ఈ సమస్య వల్ల ఎంత అందంగా ఉన్నా అందవిహీనంగానే కనిపిస్తుంటారు. అయితే వీటిని తలగించేందుకు పాలు ఎంతో సాహాయపడతాయి. పచ్చిపాలతో కళ్లకింద నల్లటి వలయాలను ఎలా తొలగించుకోవాలో ఇప్పుడు తెలుసుకుందాం. 

బ్లాక్ సర్కిల్స్ ఎందుకు వస్తాయి.. కళ్ల కింద నల్లటి వలయాలు ఏర్పడటానికి అనేక కారణాలున్నాయి. జన్యులోపం, డ్రై స్కిన్, కళ్ల నుంచి ఎక్కువగా నీళ్లు కారడం, వృద్ధాప్యం, కంప్యూటర్ ముందు గంటల తరబడి పనిచేయడం, శారీరకంగా, మానసిక ఒత్తిడికి గురికావడం, నిద్రలేమి సమస్య, పోషకాహార లోపం వంటివి బ్లాక్ సర్కిల్స్ కు కారణాలుగా చెప్పవచ్చు. 

డార్క్ సర్కిల్స్ ను ఎలా వదిలించుకోవాలంటే.. 

బాదం నూనె మరియు పాలు.. చల్లని పాలను, బాదం నూనెను సమపాలలో తీసుకుని ఈ రెండింటినీ బాగా కలపండి. ఆ మిశ్రమంలో రెండు కాటన్ బాల్స్ ను డిప్ చేయండి. ఆ బాల్స్ ను కళ్లపై అంటే డార్క్ సర్కిల్స్ ను పూర్తిగా కప్పి ఉంచే విధంగా పెట్టండి. దీన్ని 15 నుంచి 20 నిమిషాల పాటు వదిలేయండి. ఆ తర్వాత మంచినీళ్లతో శుభ్రంగా కడిగేయండి. క్రమం తప్పకుండా ఈ చిట్కాలను ఫాలో అయిడే నల్లటి వలయాలు చాలా తొందరగా వదిలిపోతాయి. 

చల్లని పాలు.. ఒక గిన్నెలో కొన్ని చల్లని పాటను తీసుకోండి. అందులో రెండు కాటన్ బాల్స్ ను నానబెట్టండి. ఈ బాల్స్ ను డార్స్ సర్కిల్స్ పూర్తిగా కనిపించని విధంగా కళ్లపై పెట్టండి. వాటిని 20 నిమిషాల పాటు అలాగే ఉంచండి. ఆ తర్వాత కాటన్ బాల్స్ ను తొలగించి నార్మల్ వాటర్ తో శుభ్రంగా కడగండి. ఈ పద్దతిని రోజుకు మూడు సార్లు ఫాలో అయితే డార్క్ సర్కిల్స్ ప్రాబ్లం నుంచి మీరు తొందరగా బయటపడతారు.

రోజ్ వాటర్ మరియు పాలు.. చల్లని పాలను, రోజ్ వాటర్ ను సమపాలలో తీసుకుని మిక్స్ చేయండి. ఈ మిశ్రమంలో కాటన్ ప్యాడ్లను మంచి గా నానబెట్టండి. వీటిని డార్క్ సర్కిల్స్ పై ఉంచండి. ఈ కాటన్ ప్యాడ్స్ నల్లని వలయాలను పూర్తిగా కప్పి ఉంచేట్టు చూసుకోవాలి. వీటిని 20 నిమిషాల పాటు అలాగే వదిలేయండి. ఆ తర్వాత వాటిని తొలగించి మంచినీళ్లతో ముఖాన్ని శుభ్రం చేసుకోండి. వారానికి మూడు సార్లు ఈ పద్దతిని పాటిస్తే డార్క్ సర్కిల్స్ ఇట్టే తొలగిపోతాయి.