బాత్రూంలో దుర్వాసన ఎందుకొస్తుంది? అది పోవాలంటే ఏం చేయాలి?

బాత్రూమ్ లో వాసన రావడానికి ఎన్నో కారణాలు ఉంటాయి. ముఖ్యంగా అచ్చు, సబ్బు నీరు పేరుకుపోవడం వల్లే దుర్వాసన వస్తుంటుంది. అంతేకాదు తేమతో కూడిన వాతావరణంలో కూడా బాత్ రూం నుంచి దుర్వాసన ఎక్కువగా వస్తుంటుంది. బాత్ రూం చూడటానికి శుభ్రంగానే ఉంటుంది. కానీ దుర్వాసన మాత్రం వస్తుంటుంది. మరి ఈ వాసన ఎందుకు వస్తుంది? దీన్ని ఎలా పోగొట్టాలో ఓ లుక్కేద్దాం పదండి. 

ఫంగస్ వల్ల

అవును బాత్రూమ్ లో వాసన రావడానికి ప్రధాన కారణం అచ్చు. ఇది పైపులు లేదా ప్లంబింగ్ ఫిట్టింగ్స్ లో లీక్ కావడం వల్ల వస్తుది. వాటర్ లీకేజీ వల్ల ఎప్పుడూ తడిగా ఉంటే కూడా ఫంగస్ ఏర్పడుతుంది. అలాగే ఎక్కడి నుంచైనా నీళ్లు ఎక్కువగా లీక్ అయితుంటే దాన్ని మరమ్మతులు చేయించండి. వాటర్ నిల్వ ఉంటే అచ్చు లేదా నాచు ఏర్పడుతుంది. బాత్ రూంలో వాసన రాకూడండే మీ బాత్రూమ్ కు గాలి వచ్చేలా చేయాలి. అలాగే ఎప్పుడూ పొడిగా ఉండేటట్టు చూసుకోవాలి. 
 

మురుగునీరు 

మురుగు నీటి వాయువు కూడా బాత్ రూం లో దుర్వాసనకు కారణమవుతుంది. మురుగునీటి లైన్లు, మూసుకుపోయిన పైపులు లేదా నిరోధించబడిన ప్లంబింగ్ వెంట్లు వంటివి వాసనకు దారితీస్తాయి. మురుగునీటి వల్ల మీకు ఎప్పుడైనా వాసన వచ్చినట్టుగా అనిపిస్తే 1/2 కప్పు బేకింగ్ సోడా, 1/2 కప్పు వెనిగర్ ను డ్రెయిన్ లో వేసి 5-10 నిమిషాలు అలాగే ఉంచండి. 
 

సబ్బు నీరు

చాలామంది బాత్ రూంలో స్నానం చేసిన తర్వాత సబ్బునీటిని క్లీన్ చేయకుండా అలాగే వదిలేస్తుంటారు. సబ్బు నీళ్లు, వెంట్రుకలు సింక్,  డ్రైనేజీ దుర్వాసనకు కారణమవుతాయి. కాబట్టి స్నానం చేసిన తర్వాత సింక్ ను శుభ్రం చేయండం. వెంట్రుకలను తొలగించి సబ్బు నీటిని క్లీన్ చేయండి. 
 

బాత్రూమ్ వాసనను ఎలా పోగొట్టాలి? 

బేకింగ్ సోడా

బేకింగ్ సోడా ఒక డియోడరెంట్ గా పనిచేస్తుంది. ఇది బాత్ రూంలో ఉన్న మరకలను, జిడ్డును చాలా ఈజీగా పోగొడుతుంది. ఇందుకోసం ఒక కప్పు బేకింగ్ సోడాను షెల్ఫ్ లో లేదా ఫ్లష్ ట్యాంక్ పైన ఉంచండి. ఇది అది బాత్రూమ్ వాసన రాకుండా చేస్తుంది. ఇది ఒక నెల పాటు పనిచేస్తుంది. ఆ తర్వాత మళ్లీ వేరేదాన్ని పెట్టండి. 
 

నిమ్మకాయ

నిమ్మకాయను వంటల నుంచి క్లీనింగ్ వరకు చాలా వాటికి ఉపయోగిస్తారు. మీరు నిమ్మకాయను ఉపయోగించి  బాత్రూమ్ నుంచి వచ్చే దుర్వాసనను పోగొట్టొచ్చు. బాత్రూమ్ వాసనను పోగొట్టడానికి నిమ్మకాయను కట్ చేసి బాత్రూమ్ స్లాబ్లో ఒక మూలన పెట్టండి. మీరు దీనికి ముఖ్యమైన నూనెను కూడా కలపొచ్చు. ఇది బాత్రూమ్ దుర్వాసన వాసనను తొలగిస్తుంది. దీన్ని వారానికి ఒకసారి మార్చాలి.