ఈ వంటింటి చిట్కాలతో రాలే జుట్టుకు చెక్...

First Published Jun 4, 2021, 1:06 PM IST

ముఖానికి అందాన్నిచ్చేది ఏదీ అంటే ఠక్కున చెప్పే సమాధానం ఒత్తైన జుట్టు. అందమైన తలకట్టు అతివలకే కాదు పురుషులకూ అందాన్నిస్తుంది. జుట్టు రాలిపోవడంతో వయసు మీద పడినట్టుగా కనిపిస్తారు. నేటి కాలుష్యపూరిత వాతావరణంలో వయసుతో సంబంధం లేకుండా ఆడా, మగా తేడా లేకుండా అందరూ ఎదుర్కొనే అతి పెద్ద సమస్య జుట్టు రాలిపోవడం.

నేటి కాలుష్యపూరిత వాతావరణంలో వయసుతో సంబంధం లేకుండా ఆడా, మగా తేడా లేకుండా అందరూ ఎదుర్కొనే అతి పెద్ద సమస్య జుట్టు రాలిపోవడం.

తల దువ్వుకోవాలంటే భయపడేలా తలలో దువ్వెన పెట్టగానే జుట్టు చేతికి వచ్చేస్తుంటుంది. ఎన్ని రకాలుగా ప్రయత్నించినా ఈ సమస్యనుంచి బయటపడలేం. రాలే జుట్టును ఆపలేం.

సాధారణంగా ఆడవాళ్లైనా, మగవాళ్లైనా రోజూ 50 నుంచీ 100 వెంట్రుకలు రాలిపోతాయి. ఇది కొంత మందిలో వంశ పారంపర్యంగా వచ్చే సమస్య. పెద్దవాళ్లకు బట్టతల ఉంటే, వారి పిల్లలకు కూడా అది వచ్చే అవకాశాలుంటాయి. మరి దీనినుండి తప్పించుకునే అవకాశం లేదా అంటే ఉంది. కొన్ని చిట్కాలు పాటించడం వల్ల జుట్టు రాలడాన్ని అరికట్టొచ్చు.

బట్టతల, పలుచటి మాడు జుట్టు ఊడిపోవడానికి సంకేతాలు. ఇవి ఇంకా ఎక్కువైతే చిన్న వయసులోనే ముసలివారిగా కనబడతారు. ఎన్నిరకాల షాంపూలు, నూనెలు, హెయిర్ ట్రీట్మెంట్లు తీసుకున్నా ప్రయోజనం ఉండదు.

జుట్టు రాలడాన్ని నివారించడంలో విటమిన్ ఈ బాగా పనిచేస్తుంది. అందుకే విటమిన్ ఇ ఎక్కువగా ఉండే నువ్వులనూనెను తలకు బాగా పట్టించాలి. కాసేపటి తర్వాత గోరు వెచ్చని నీటితో స్నానం చేస్తే క్రమంగా జుట్టు ఊడిపోవడం తగ్గుతుంది.

ఉసిరికాయలు కూడా జుట్టురాలడాన్ని అరికట్టడంలో బాగా పనిచేస్తాయి. ఉసిరికాయ రసం తీసి తలకి రాస్తే వెంట్రుకలు ఊడడం తగ్గి, జుట్టు ఒత్తుగా పెరుగుతుంది.

కొబ్బరినూనె లేక నువ్వుల నూనెలో మందార పువ్వులను వేసి కాచి, ఆ నూనెను జుట్టుకు పెట్టుకోవాలి. ఒక గంట తర్వాత కుంకుడు రసంతో స్నానం చేస్తే వెంట్రుకలు రాలడం తగ్గుతుంది.