Okra Tips: ఈ పొడి చల్లితే...బెండకాయ జిగురు రాదు..!

బెండకాయ కోస్తున్నప్పుడు జిగురుగా ఉంటుంది. అయితే, ఒక సింపుల్ చిట్కాతో ఈ సమస్యకు చెక్ పెట్టొచ్చు. 

బెండకాయల్ని నీటిలో కడిగిన వెంటనే తరగవద్దు. ఇలా చేస్తే జిగురు ఎక్కువగా వస్తుంది.

బెండకాయల్ని నీటితో కడిగాక, ఒక కాటన్ క్లాత్‌తో తడి లేకుండా పూర్తిగా తుడవాలి. కాయలపై తేమ లేకపోతే జిగురు చాలా వరకు తగ్గుతుంది.

బాణలిలో నూనె, తాలింపు గింజలు వేసి వేగాక, తరిగిన బెండకాయ ముక్కలు వేయాలి. కాసేపటికి వాటి రంగు మారే వరకు వేయించాలి.

బెండకాయ కూరలో ముందుగా ఉప్పు వేయకూడదు. ముందే ఉప్పు వేస్తే, బెండకాయల నుంచి నీరు వచ్చి మరింత జిగురుగా మారుతుంది. ఆమ్‌చూర్ వేసిన 2 నిమిషాల తర్వాత ఉప్పు కలపాలి.

బెండకాయలు వేయించేటప్పుడు 1 చెంచా ఆమ్‌చూర్/మామిడికాయ పొడి వేసి వేయిస్తే జిగురు రాదు. అయితే, ఈ పులుపు పొడి మరీ ఎక్కువగా వేయకూడదు.

ఆమ్ చూర్ లో ఉండే ఆమ్ల గుణం (acidic property) బెండకాయలోని జిగురును వెంటనే పీల్చుకుంటుంది. దాంతో జిగురు మాయమవుతుంది.

ఒకవేళ మీ దగ్గర వాటే కాయ పొడి (ఆమ్‌చూర్) లేకపోతే, దానికి బదులుగా నిమ్మరసం లేదా కొద్దిగా మజ్జిగ కూడా వాడితే మంచి ఫలితం ఉంటుంది.