పసుపు వీళ్ల ఆరోగ్యానికి అస్సలు మంచిది కాదు.. తిన్నారో డేంజర్ లో పడతారు జాగ్రత్త..

పసుపు చేసే మేలు అంతా.. ఇంతా కాదు. దీనివల్ల బరువు తగ్గడం నుంచి అధిక కొలెస్ట్రాల్, ఆర్థరైటిస్ వంటి ఎన్నో సమస్యలను తగ్గించడానికి ఎఫెక్టీవ్ గా పనిచేస్తుంది.  

వైద్యపరంగానే కాదు.. సాంప్రదాయకంగా కూడా పసుపు ఎంతో ప్రాముఖ్యతను కలిగి ఉంది. చిటికెడు పసుపుతో  ఎన్నో ప్రయోజనాలను పొందుతారు. అందుకే దీన్ని వంటల్లోనే కాదు ఫేస్ ప్యాక్ లో కూడా ఉపయోగిస్తుంటారు. అయినప్పటికీ వైద్యపరంగా దీన్ని ఉపయోగించడానికి కొన్ని పరిమితులున్నాయి. 

Turmeric

పసుపు వల్ల ఎన్నో ప్రయోజనాలున్నప్పటికీ.. దీన్ని ఒక నిర్ధిష్ట పరిమాణంలో మాత్రమే తీసుకోవాల్సి ఉంటుంది. నిజం ఏమిటంటే పసుపు ప్రతి ఒక్కరికీ ప్రయోజనకరంగా ఉండదు. అంటే కొంతమంది ఆరోగ్యానికి పసుపు అస్సలు మంచిది కాదని అర్థం. వాళ్లు పసుపును తీసుకోకపోవడమే మంచిది. 

పసుపులో కర్కుమిన్ పుష్కలంగా ఉంటుంది. ఇది శరీరం ద్వారా శోషించుకోబడదు. ఎలుకలు తినే కర్కుమిన్ లో 1 శాతం కంటే తక్కువ శోషించుకుంటాయని అధ్యయనాలు చెబుతున్నాయి. 

గ్లాస్ గోరువెచ్చని పాలలో చిటికెడు పసుపును కలిపి తీసుకోవడం వల్ల ఇమ్యూనిటీ పవర్ పెరుగుతుందని నమ్మతారు. ముఖ్యంగా దగ్గు, జలుబును తగ్గిస్తుందనే నమ్మకంతో తల్లిదండ్రులు పిల్లలకు ఈ విశ్రమాన్ని ఇస్తుంటారు. అలాగే గోరు వెచ్చని గ్లాస్ నీటిలో పసుపు, చిటికెడు నల్ల మిరియాల పొడిని కలిపి తీసుకుంటే సులువుగా బరువు తగ్గుతారు. 

అధిక కొలెస్ట్రాల్, చర్మంపై దద్దుర్లు, గవత జ్వరం, కాలెయ వ్యాధి, ఆస్టియో ఆర్థరైటిస్ వంటి జబ్బులను తగ్గించడానికి కూడా పసుపును బాగా ఉపయోగిస్తారు. పసుపు మంటను తగ్గించడానికి కూడా ఉపయోగపడుతుంది. అలాగే వ్రణోత్పత్తి పెద్దపేగు శోథ, ఆర్థరైటిస్ వంటి ఎన్నో వ్యాధులకు ఇది వ్యతిరేకంగా పనిచేస్తుంది. 

పలు పరిశోధనల ప్రకారం.. పసుపులో ఉండే కర్కుమిన్ జ్ఞాపకశక్తిని పెంచడానికి సహాయపడుతుందని వెల్లడించాయి. 18 నెలల పాటు 90 మిల్లీగ్రాముల చొప్పున రోజుకు రెండుసార్లు తీసుకుంటే చిత్తవైక్యలం పోయి జ్ఞాపకశక్తి పనితీరు మెరుగుపడుతుందని తేల్చేశాయి. 

పసుపును ఎవరు తీసుకోకూడదు

పిత్తాశయ సమస్యలున్నవారు పసుపును తీసుకోవడం మానేయాలి. ఎందుకంటే పసుపులో పిత్త స్రావాన్ని పెంచే లక్షణాలుంటాయి. ఇది మొత్తం ఆరోగ్యాన్ని ప్రభావితం చేస్తుంది. 

ఇప్పటికే మెడిసిన్స్ ను వాడుతున్న డయాబెటీస్ రోగులు కూడా పసుపును తీసుకోకూడదు. ఎందుకంటే దీనిలో ఉండే సమ్మేళనాలు రక్తంలో చక్కెర స్థాయిలను ఎక్కువ మొత్తంలో తగ్గించేస్తాయి. 

గ్యాస్ట్రోఎసోఫాగియల్ రిఫ్లక్స్ డిజార్డర్ లేదా జీఇఆర్డి ఉన్నవారు కూడా పసుపును తీసుకోవడం మానేయాలి. ఎందుకంటే ఇది మీ పరిస్థితిని మరింత దిగజార్చుతుంది. 

పసుపు శరీరం ఇనుమును శోషించుకునే సామర్థ్యానికి అంతరాయం కలిగిస్తుంది. అందుకే ఇప్పటికీ మీరు ఐరన్ లోపంతో బాధపడుతుంటే పసుపును తీసుకోకపోవడమే మంచిది. 

కాలెయ వ్యాధి ఉంటే కూడా పసుపును తీసుకోకూడదు. ఇది కాలెయ వ్యాధిని మరింత ఎక్కువ చేస్తుంది.