నోటి నుంచి దుర్వాసన వస్తోందా? ఈ వ్యాధులే కారణం కావొచ్చు.. చెక్ చేసుకోండి..

నోటి నుంచి దుర్వాసన వచ్చినంత మాత్రాన.. వాళ్లు నోటిని సరిగ్గా క్లీన్ చేయడం లేదు అనుకోవడం పొరపాటే. ఎందుకంటే శరీరంలో కొన్ని అవయవాలు సరిగ్గా పనిచేయకపోతే కూడా నోట్లో నుంచి దుర్వాసన వస్తుందని నిపుణులు చెబుతున్నారు.  

bad breath

నోట్లో నుంచి చెడు వాసన రావడానికి కారణాలెన్నో  ఉన్నాయి. అయితే వాళ్ల నోట్లో నుంచి వాసన వస్తున్నట్టుగా వాళ్లకు అసలే తెలియదు. ఇతరులకే తెలుస్తుంది. కానీ ఈ బ్యాడ్ స్మెల్ వల్ల నలుగురిలో మాట్లాడటానికి చాలా ఇబ్బందిగా ఉంటుంది. నోట్లో నుంచి చెడు వాసన రావడానికి అసలు కారణం మాత్రం దంతాలను, నోటిని సరిగ్గా క్లీన్ చేసుకోకపోవడమే. రోజుకు రెండు సార్లు బ్రష్ చేయడం చాలా మంచిది. దీనివల్ల నోట్లో బ్యాక్టీరియా పేరుకుపోయే అవకాశం తగ్గుతుంది. నోట్లో బ్యాక్టీరియా పేరుకుపోతేనే నోట్లో నుంచి  బ్యాడ్ స్మెల్ వస్తుంది. అయితే నోట్లో నుంచి ఇలా వాసన రావడానికి  ఇతర కారణాలు కూడా ఉన్నాయి. శరీరంలో కొన్ని అవయవాల  పనితీరు దెబ్బతింటే కూడా ఇలా వాసన వస్తుందని నిపుణులు చెబుతున్నారు. అవేంటో తెలుసుకుందాం పదండి.. 

ఊపిరితిత్తుల ఇన్ఫెక్షన్

ఊపిరితిత్తుల ఇన్ఫెక్షన్ వల్ల కూడా నోట్లో నుంచి చెడు వాసన వస్తుంది. నిజానికి ఊపిరితిత్తుల్లో ఏరకమైన ఇన్ఫెక్షన్ వచ్చినా.. శ్లేష్మం బయటకు రావడం మొదలవుతుంది. దీనిస్మెల్ అస్సలు బాగోదు. దీనివల్లే నోటినుంచి బ్యాడ్ స్మెల్ వస్తుందని నిపుణులు చెబుతున్నారు. 

కాలెయ వ్యాధి

కాలెయ వ్యాధి వల్ల కూడా నోట్లో నుంచి బ్యాడ్ స్మెల్ వస్తుందని నిపుణులు చెబుతున్నారు. కాలెయం మన రక్తంలోని చక్కెర స్థాయిలను నియంత్రణలో ఉంచుతుంది. ఒక వేళ కాలెయం సరిగ్గా పనిచేయనప్పుడు రక్తంలోని చక్కెర స్థాయిలు నియంత్రించబడవు. దీంతో రక్తంలో ట్యాక్సిన్స్ పేరుకుపోతాయి. దీంతో నోట్లో నుంచి దుర్వాసన వస్తుంది. 

మూత్రపిండాల వ్యాధి

మూత్రపిండాల వ్యాధి వల్ల నోరు ఊరికూరికే పొడిబారుతూ ఉంటుంది. మూత్రపిండాల ఆరోగ్యం బాగుంటేనే యూరియా సులువుగా ఫిల్టర్ అవుతుంది. కానీ మూత్రపిండాలు ఆరోగ్యం చెడిపోయి.. ఇవి సరిగ్గా పనిచేయకుంటే యారియా ఫిల్టర్ కాదు. దీనివల్ల నోట్లో చెడు వాసన వస్తుంది. 

ఇతర కారణాలు

పై అనారోగ్య సమస్యలతో పాటుగా ఇతర కారణాల వల్ల కూడా నోట్లో నుంచి చెడు వాసన వస్తుందని ఆరోగ్య నిపుణులు చెబుతున్నారు. నోట్లోనుంచి చెడు వాసన రావడం మధుమేహం ప్రారంభ లక్షణమని నిపుణులు చెబుతున్నారు. ఎందుకంటే రక్తంలో కీటోన్ స్థాయిలు పెరగడం వల్ల ఇలా అవుతుంది.