Sunita Williams: అంతరిక్షం నుంచి వచ్చిన వారికి ఆరోగ్య సమస్యలు వస్తాయా?

సునితీ విలియమ్స్ దాదాపు 9 నెలల తర్వాత అంతరిక్షం నుంచి భూమిపై అడుగుపెట్టారు. మరి, ఇంతకాలం అంతరిరక్షంలో ఉన్నందుకు ఆమెకు ఏమైనా ఆరోగ్య సమస్యలు వచ్చే అవకాశం ఉందా? నిపుణులు ఏమంటున్నారో తెలుసుకుందాం..  

సునితా విలియమ్స్  గురించి ప్రస్తుతం దేశవ్యాప్తంగా మాట్లాడుకుంటున్నారు. ఆమె అంతరిక్షంలో అడుగుపెట్టిన విషయం అందరికీ తెలిసిందే. 9 నెలల తర్వాత ఆమె  భూమిపై అడుగుపెట్టారు. మరి, ఇంతకాలం స్పేస్ లో ఉండటం వల్ల, ఆమె శరీరంలో ఏమైనా మార్పులు జరుగుతాయా? ఏవైనా ఆరోగ్య సమస్యలు వచ్చే అవకాశం ఉందా? నిపుణులు ఏమంటున్నారో తెలుసుకుందాం...

సునీత ఒక్కరే కాదు, చాలా మంది ఎక్కువ కాలం అంతరిక్షంలో ఉండాల్సి వచ్చింది. కొందరు చిక్కుకుపోయారు, మరికొందరు ఏడాది పాటు ఉన్నారు. ఒకానొక సమయంలో సునీత అంతరిక్షంలో అనారోగ్యానికి గురయ్యారని, బరువు తగ్గిందని పుకార్లు వచ్చాయి. అయితే, నాసా ఈ పుకార్లను ఖండించింది.

అయితే, గురుత్వాకర్షణ లేకపోవడానికి అలవాటు పడటానికి వ్యోమగాములకు మళ్లీ భూమిపై అలవాటు పడటానికి సమయం పడుతుందని నిపుణులు అంటున్నారు. శరీరంలో ఎలాంటి మార్పులు వస్తాయో తెలుసుకోండి.

స్పేస్ సిక్నెస్

అంతరిక్షంలోని మైక్రోగ్రావిటీ పరిస్థితి శరీరంలోని ద్రవం, రక్తపోటుపై ప్రభావం చూపుతుంది. శరీరంలోని ద్రవం పైకి ప్రవహిస్తుంది. దీనివల్ల మెదడులో ద్రవం పేరుకుపోతుంది. ముఖం ఉబ్బుతుంది. క్రమంగా చేతులు, కాళ్లు సన్నబడతాయి. అంతరిక్షంలోకి వెళ్లిన తర్వాత తల తిరగడం, వికారం కలుగుతాయి.

దృష్టి తగ్గడం

దృష్టి తగ్గే సమస్యలు ఉండవచ్చు. కంటిపాప పరిమాణం మారుతుంది, రెటీనా నిర్మాణంలో మార్పులు వస్తాయి. చాలా కాలం గురుత్వాకర్షణలో తేలియాడటం వల్ల పాదాలు నేలను తాకవు. పిల్లల పాదాల మాదిరిగా పాదాలు సున్నితంగా మారుతాయి.

క్యాన్సర్ భయం

క్యాన్సర్ వచ్చే అవకాశం ఉంది. ఎందుకంటే ఎక్కువ కాలం సౌర వికిరణానికి గురికావాల్సి వస్తుంది. భూమిపై ఈ సౌర వికిరణం నుండి మనల్ని వాతావరణం రక్షిస్తుంది. ఇది భూమి వెలుపల లేకపోవడం వల్ల నేరుగా సౌర వికిరణానికి గురికావాల్సి వస్తుంది. అయితే కచ్చితంగా ఈ ఆరోగ్య సమస్యలన్నీ వస్తాయనే గ్యారెంటీ లేదు. కానీ.. వచ్చే అవకాశం చాలా ఎక్కువగా ఉంటుంది.