Milk: గ్లాస్ పాలు ఇన్ని రోగాలను తగ్గిస్తాయా?

Milk: పాలు మన ఆరోగ్యానికి ఎంతో మేలు చేస్తాయి. రోజు గ్లాస్ పాలను తాగడం వల్ల కీళ్ల నొప్పులు తగ్గడం నుంచి గాఢమైన నిద్ర వరకు ఎన్నో ప్రయోజనాలున్నాయి.  

పెద్దలతో పోల్చితే పిల్లలే పాలను ఎక్కువగా తాగుతుంటారు. నిజానికి పిల్లలకే కాదు పెద్దలకు కూడా పాలు ఎంతో మేలు చేస్తాయి. వీటిలో ఉండే విటమిన్ ఎ, బి, సి, డి, ఇ, ఓ పొటాషియం, సోడియం క్లోరైడ్, ఫాస్పెట్, ఐరన్ ఫాస్ఫెట్, కాల్షియం, మాంగనీస్ వంటి పోషకాలు మనల్ని ఎన్నో రోగాల నుంచి రక్షిస్తాయి. 

అందుకే వీటిని ప్రతి రోజూ తాగాలని ఆరోగ్య నిపుణులు, డాక్టర్లు చెబుతుంటారు. పాలు ఎముకలను బలంగా చేయడంతో పాటుగా.. శరీరంలో ఉండే కొవ్వును సైతం కరిగిస్తుంది. అలాగే ఇది మన బాడీ పార్ట్స్ అవసరమైన శక్తిని కూడా అందిస్తాయి. పాల వల్ల ఇంకా ఎలాంటి ప్రయోజనాలున్నాయో తెలుసుకుందాం పదండి.. 

కీళ్ల నొప్పులు తగ్గుతాయి.. ఈ రోజుల్లో చిన్న వయసు వారు సైతం కీళ్ల నొప్పుల సమస్యతో బాధపడుతున్నారు. అలాంటి వారికి పాలు మెడిసిన్ లా పనిచేస్తాయి. వీరు గ్లాస్ గోరువెచ్చని పాలను తీసుకుని అందులో పావు టీస్పూన్ శొంఠి పౌడర్ నే వేసి బాగా కలిపాలి. ఈ పాలను తరచుగా తాగితే కీళ్ల నొప్పులు తగ్గుతాయి. టైప్ 2 డయాబెటీస్ వచ్చే అవకాశం ఉన్నవాళ్లు.. తక్కువ ఫ్యాట్ ఉన్న పాలను తాగితే ఈ వ్యాధి వచ్చే అవకాశాలు తగ్గుతాయి. 

నిద్రలేమి సమస్యను పోగొట్టడానికి కూడా పాలు ఎంతో సహాయపడతాయి. ఇందుకోసం గ్లాస్ గోరు వెచ్చని పాలలో కొద్దిగా తేనెను కలిపి పడుకునే ముందు తాగితే చక్కగా నిద్రపడుతుంది. 

రాత్రి నిద్రపోయే ముందు గ్లాస్ గోరు వెచ్చని పాలలో జాజికాయ పౌడర్ ను మిక్స్ చేసి తాగితే.. జీర్ణ సమస్యలైన అజీర్థి, మలబద్దకం, కడుపు ఉబ్బరం, గ్యాస్ట్రిక్ సమస్యలు ఇట్టే తగ్గిపోతాయి. 

ఇకపోతే పరుషులు పాలను తాగడం వల్ల వారిలో హార్మోన్లు యాక్టీవ్ గా పనిచేస్తాయి. అంతేకాదు మన శరీరంలో విషపదార్థాలను బయటకు పంపడానికి పాలలోని పోటాషియం, సోడియం, కాల్షియం ఎంతో సహాయపడతాయి. 

రాత్రిపూట పాలను తాగడం వల్ల మలబద్దకం సమస్య తగ్గడమే కాదు.. చికాకు, ఒత్తిడి వంటి సమస్యలు కూడా తొందరగా తొలగిపోతాయి. 

అయితే కొంతమంది రాత్రుళ్లు పాలు తాగితే.. మరికొంతమంది మాత్రం ఉదయం తాగుతుంటారు. అయితే నైట్ టైం పాలను తాగిన తర్వాత వెంటనే పడుకోకూడదు. మీరు నిద్రపోవడానికి గంట ముందు పాలను తాగండి. 

అయితే కొంతమందికి పాలు పడకపోవచ్చు. ఎందుకంటే దీనిలో ప్రోటీన్లు ఎక్కువ మొత్తంలో ఉంటాయి. ఇవి ఇమ్యూనిటీ సిస్టమ్ పై ఎఫెక్ట్ ను చూపిస్తాయి. దీంతో అలెర్జీలు రావొచ్చు. ఇలాంటి లక్షణాలు కనిపించిన వారు పాలు తాగకపోవడమే మంచిదని నిపుణులు సూచిస్తున్నారు.