belly fat: గ్రీన్ టీ ఒక్కటి తాగితే నిజంగా బరువు తగ్గుతారా?
belly fat: గ్రీన్ టీ ఎన్నో ఔషద గుణాలుంటాయి. దీన్ని క్రమం తప్పకుండా తీసుకుంటే క్యాన్సర్, మధుమేహం, గుండె జబ్బులు సోకే ప్రమాదం తగ్గుతుంది. అంతేకాదు ఇది బరువును తగ్గించడానికి కూడా సహాయపడుతుందని కొందరు అంటుంటారు. కానీ ఇది వాస్తవం కాదంటున్నారు నిపుణులు.
బరువు పెరగడం చాలా సులువు కానీ.. తగ్గడం మాత్రం అంత సులువు కాదు. దీనికోసం సరైన ఆహారం, వ్యాయామం వంటివి రెగ్యులర్ గా ఫాలో అవ్వాలి. బరువు తగ్గడం ( Weight Loss ) వల్ల తీవ్రమైన అలసట కలుగుతుంది. అయినా పొట్ట కొవ్వు మాత్రం తగ్గదు.
సాధారణంగా బెల్లీ ఫ్యాట్.. పొట్ట చుట్టూ కొవ్వు పేరుకుపోవడం వల్ల వస్తుంది. దీన్ని తగ్గించుకోవాలంటే సరైన వ్యాయామం, ఆహార నియమాటను పాటించాల్సి ఉంటుంది. అయితే బరువును తగ్గేందుకు ఇవన్నీ చేయాల్సిన అవసరం లేకుండా కేవలం గ్రీన్ టీ ఒక్కటి చాలంటారు చాలా మంది.
నిజానికి గ్రీన్ టీ లో ఎన్నో ఔషదగుణాలున్నాయి. గ్రీన్ టీని క్రమం తప్పకుండా తీసుకోవడం వల్ల క్యాన్సర్ , మధుమేహం, హార్ట్ ప్రాబ్లమ్స్ వంటి జబ్బులు సోకే ప్రమాదం తగ్గుతుందని ఇప్పటికే పలు అధ్యయనాలు వెల్లడించాయి. గ్రీన్ టీ చర్మ ఆరోగ్యానికి, అందానికి కూడా ఎంతో మేలు చేస్తుంది. అయినప్పటికీ గ్రీన్ టీని బరువు తగ్గించే పానీయంగానే భావిస్తారు చాలా మంది. మరి ఈ గ్రీన్ టీ బరువు తగ్గేందుకు నిజంగానే సహాయపడుతుందా ? లేదా ? అన్న విషయాలను ఇప్పుడు తెలుసుకుందాం పదండి.
వాస్తవానికి గ్రీన్ టీ బరువు తగ్గించే పానీయం కాదంటున్నారు ఆరోగ్య నిపుణులు. గ్రీన్ టీ కేవలం బరువు తగ్గించే ప్రయత్నాలను మాత్రమే వేగవంతం చేయడానికి సహాయపడుతుంది. అయినప్పటికీ గ్రీన్ టీ మాత్రమే తాగడం వల్ల బరువు తగ్గుతారనేది పూర్తిగా మన అపోహే అంటున్నారు నిపుణులు. ఇది బరువు తగ్గడానికి ఏ మాత్రం సహాయపడదని నొక్కి చెబుతున్నారు.
గ్రీన్ టీ తాగితే ఖచ్చితంగా బరువు తగ్గుతారని చాలా మంది నమ్ముతారు. కానీ దీనిపై ఇంత వరకు ఎలాంటి అధ్యయనాలు బయటకు రాలేదు. కేవలం ఏదైనా ఆహారం లేదా పానీయాలను తీసుకోవడం లేదా తీసుకోకపోవడం వల్ల ఎప్పటికీ బరువు తగ్గలేరు. బరువు తగ్గాలంటే మీ లైఫ్ స్టైల్ ను మార్చుకోవాల్సి ఉంటుంది. ముఖ్యంగా మీరు తీసుకునే కేలరీల మొత్తంపై దృష్టి పెట్టాల్సి ఉంటుంది. అలాగే రెగ్యులర్ గా వ్యాయామం చేయాలని నిపుణులు చెబుతున్నారు.
టీ మీ ఆరోగ్యానికి మంచిది కాదు. ఇందులో ఉంటే పాలు, చక్కెరలు బరువు పెరగడానికి, ఇతర అనారోగ్య సమస్యలకు దారి తీస్తాయి. అందుకే ప్రస్తుతం చాలా మంది గ్రీన్ టీని తాగుతున్నారు. అయితే గ్రీన్ టోని కొన్ని పదార్థాలు బరువు తగ్గడంపై మాత్రమే సానుకూల ప్రభావాన్నిచూపుతాయి. కానీ బరువును మాత్రం తగ్గించలేవు. ఈ గ్రీన్ టీ బరువును తగ్గించే పానీయంగా తయారుచేయలేదనే విషయాన్ని మీరు గుర్తుంచుకోవాలి.
'సమతుల్య ఆహారం' అయిన పండ్లు, కూరగాయలను పుష్కలంగా తీసుకోవాలి. అలాగే రెగ్యులర్ గా వ్యాయామాలు చేయాలి. శరీరానికి సరిపడా నీళ్లను తాగాలి. కండినిండా నిద్రపోవాలి. ఇవన్నీ బరువు తగ్గించే ప్రయత్నాలకు దోహదపడతాయి. ఇవన్నీ రెగ్యులర్ గా చేస్తేనే ఒక వ్యక్తి ఆరోగ్యకరమైన రీతిలో బరువు తగ్గవచ్చని నిపుణులు చెబుతున్నారు.