నిద్రలేమి సమస్యతో బాధపడుతున్నారా అయితే ఈ పానీయాలు ట్రై చెయ్యండి..!

ప్రస్తుత కాలంలో అందరిలోనూ ఎదురవుతున్న సమస్య నిద్రలేమి సమస్య (Insomnia problem). పని ఒత్తిడి (Stress) కారణంగా ప్రొద్దున్నే లేవడం, ఆలస్యంగా నిద్రపోవడం అందరి జీవితాలలో సర్వసాధారణమైపోయింది.

నిద్ర సమయం గాఢత ఏది తగ్గినా ప్రమాదమేనని వైద్య నిపుణులు తెలుపుతున్నారు. కాబట్టి నిద్ర లేని సమస్యలను తగ్గించుకోవడానికి రోజువారీ జీవితంలో కొన్ని పానీయాలలో చేర్చుకుంటే మంచిది. ఇప్పుడు మనం ఈ ఆర్టికల్ ద్వారా నిద్రలేమి సమస్యలను తగ్గించే పానీయాల గురించి తెలుసుకుందాం..

సరైన నిద్ర లేకపోతే అనేక ఆరోగ్య సమస్యలు (Health problems) ఏర్పడతాయి. బరువు పెరగడం, ఇమ్యూనిటీ తగ్గడం (Decreased immunity), జుట్టు ఊడిపోవడం, అరుగుదల వంటి సమస్యలు తలెత్తుతాయి. విపరీతమైన ఒత్తిడి, ఆందోళనలతో పాటు ఇతర సమస్యలకు కారణమవుతుంది. ఈ సమస్యలను తగ్గించుకోవడానికి కొన్ని పానీయాలను తీసుకోవడం ఉత్తమం. 

అశ్వగంధ: అశ్వగంధ (Ashwagandha) నిద్రలేమి సమస్యకు మంచి ఔషధంగా (Medicine) సహాయపడుతుంది. అశ్వగంధంను నిద్రలేమి చికిత్సకు ఆయుర్వేదంలో ఉపయోగిస్తారు. అశ్వగంధ పొడిని పాలల్లో కలుపుకొని తాగితే నిద్ర బాగా పడుతుంది.

బాదం పాలు: గోరువెచ్చని పాలలో (Milk) బాదం పొడిని (Almond powder) కలిపి తాగితే గాఢ నిద్రలోకి జారుకుంటారు. బాదంలో ఉండే మెగ్నీషియం, పాలలో ఉండే పోషకాలు శరీరం సేదతీరి నిద్రలోకి జారుకునేలా చేస్తాయి. దీంతో నిద్రలేమి సమస్యకు దూరంగా ఉండవచ్చు.

పాలు, తేనె: రాత్రి పడుకునే ముందు పాలలో (Milk) తేనె (Honey) కలుపుకుని తాగితే నిద్రలేమి సమస్య తగ్గుతుంది. వీటిల్లో ఉండే ట్రిప్టోపాన్ రక్తంలో సెరోటోనిన్ స్థాయిలను పెంచుతుంది. ఫలితంగా మనకు గాఢనిద్ర ను అందిస్తాయి.

ఆల్మండ్ బటర్, అరటిపండు: ఆల్మండ్ బటర్ (Almond Butter), అరటిపండు (Banana) హెల్తీ ఫుడ్ అయినా కూడా నిద్రలేమి సమస్యలు తగ్గించడానికి బాగా సహాయపడుతుంది. వీటిలో ఉండే మెగ్నీషియం, మెలటోనిన్ సుఖ నిద్రను అందిస్తాయి. దీనికోసం మిక్సీ జార్ లో ఒక అరటి పండు గుజ్జు, కప్పు పాలు (Milk), ఒక టేబుల్ స్పూన్ ఆల్మండ్ బటర్ వేసి మిక్సీ పట్టుకోవాలి.  ఈ పానీయాన్ని రాత్రి పడుకునే ముందు తాగితే గాఢ నిద్రలోకి జారుకుంటారు.

పాలు, దాల్చిన చెక్క పొడి: పడుకునే ముందు గోరువెచ్చని పాలలో (Milk) దాల్చిన చెక్క పొడిని (Cinnamon powder) కలుపుకుని తాగాలి. వీటిలో ఉండే పోషకాలు నిద్రలేమి సమస్యను తగ్గించి గాఢ నిద్రను అందిస్తాయి. 

ద్రాక్ష జ్యూస్: ద్రాక్షలో (Grapes) మెలటోనిన్ (Melatonin) అనే హార్మోన్ పుష్కలంగా ఉంటుంది. ఈ హార్మోన్ గాఢ నిద్రను అందిస్తుంది. కనుక నిద్రపోవడానికి అరగంట ముందు ద్రాక్ష జ్యూస్ ను తీసుకుంటే హాయిగా నిద్ర పోవచ్చు. 

చామంతి టీ: చామంతి టీ (Chamomile tea) నిద్రలేమి సమస్యను తగ్గించడానికి దివ్యౌషధంగా సహాయపడుతుంది. చామంతి టీని తాగితే మనస్సును ప్రశాంతంగా ఉంచి ఒత్తిడి, ఆందోళన తగ్గిస్తుంది. గాఢ నిద్రను (Deep sleep) అందిస్తుంది.