కొలెస్ట్రాల్ స్థాయిల్ని తగ్గించే పెకాన్ నట్స్..

మీ కొలెస్టరాల్ స్థాయిల్ని నియంత్రించడంలో, అధికంగా ఉన్న కొలెస్టరాల్ స్తాయిల్ని తగ్గించడంలో పెకాన్ నట్స్ అద్బుతంగా పనిచేస్తాయని ఒక కొత్త అధ్యయనంలో తేలింది. ఈ అధ్యయన ఫలితాలు 'జర్నల్ ఆఫ్ న్యూట్రిషన్' లో ప్రచురించబడ్డాయి. 

హృదయ సంబంధ వ్యాధులతో బాధపడుతున్న వారిని ఈ అధ్యయనానికి ఎంచుకున్నారు. వీరిని ఎనిమిది వారాల పాటు పరిశోధనలు జరిపారు. పెకాన్ నట్స్ వల్ల వీరి శరీరంలోని మొత్తం కొలెస్ట్రాల్, ట్రైగ్లిజరైడ్స్, లిపోప్రొటీన్  లేదా "చెడ్డ" కొలెస్ట్రాల్‌ ల స్థాయిల్లో గణనీయమైన మార్పు కనబడింది. 

ఈ అధ్యయనంలో మొదట్లో హై కొలెస్టరాల్ తో ఉన్న వ్యక్తులు.. ఆ తరువాత క్రమంగా వారి కొలెస్టరాల్ స్థాయిల్లో తగ్గుదలను నమోదు చేశారు. అంతేకాదు పెకాన్‌లను తినేవారిలో  మొత్తం కొలెస్ట్రాల్‌లో సగటున 5 శాతం, చెడు కొలెస్ట్రాల్‌ లో 6 శాతం నుండి 9 శాతం వరకు పడిపోయాయి. 

ఈ సమయంలో కొలెస్ట్రాల్ స్థాయిల్ని తగ్గించడానికి చేసే 51 వ్యాయామాలతో దీన్ని పోల్చితే ఎక్కువ లాభదాయకంగా ఉందని తేలింది. వ్యాయామం వల్ల మొత్తం కొలెస్ట్రాల్‌లో సగటున 1 శాతం,  చెడు కొలెస్ట్రాల్‌లో 5 శాతం తగ్గుదల మాత్రమే కనిపించాయి. అంతేకాదు పెకాన్ లను ఆహారంలో చేర్చడం వల్ల జీవనశైలిలో మార్పులతో పాటు, దీర్ఘకాలిక ఆరోగ్యానికి కూడా ఉపయోగపడుతుంది.

చెడు కొలెస్ట్రాల్ 1 శాతం తగ్గింపు కూడా కొరోనరీ ఆర్టరీ డిసీజ్ రిస్క్ ను తగ్గిస్తుందని కొన్ని పరిశోధనలు చూపుతున్నాయి. పరిశోధకులు 30 నుండి 75 సంవత్సరాల మధ్య వయస్సు గల 52 మంది పెద్దలను మూడు గ్రూపులుగా విభజించారు. ఒక గ్రూప్ లో కార్డియోవాస్కులర్ వ్యాధి ప్రమాదం ఎక్కువగా ఉన్నవారికి కేటాయించారు. వీరికి ఆహారంలో భాగంగా రోజుకు 68 గ్రాములు లేదా దాదాపు 470 కేలరీల పెకాన్‌లను ఇచ్చారు. 

రెండవ గ్రూప్ లో పెకాన్‌లను వారి ఆహారంలో తీసుకునే కేలరీలకు ప్రత్యామ్నాయంగా ఇచ్చారు. అంతేకాదు వీరు పెకాన్ లను అంతగా తీసుకోలేదు. వీరిలో ఈ ఎనిమిది వారాలలో, రక్తంలో లిపిడ్‌లలో మార్పులు,  రక్తంలో గ్లూకోజ్ లేదా చక్కెర మొత్తాన్ని గుర్తించడానికి అధిక కొవ్వు ఉన్న భోజనం తీసుకున్నారు. వీరు ఉపవాసం ఉన్నా బ్లడ్ లిపిడ్‌లు రెండు పెకాన్ సమూహాలలో ఒకే విధమైన మెరుగుదలలను చూపించాయి, అయితే పెకాన్‌లను ఆహారంతో పాటు అదనంగా తీసుకున్న గ్రూపులో భోజనానంతర ట్రైగ్లిజరైడ్స్ తగ్గాయి.పెకాన్స్‌లో ఆరోగ్యకరమైన కొవ్వు ఆమ్లాలు, ఫైబర్ అధికంగా ఉంటాయి. రెండూ తక్కువ కొలెస్ట్రాల్‌తో ముడిపడి ఉన్నాయి. అందుకే ఇవి ఆరోగ్యానికి ఎంతో మంచి చేస్తాయి.