Fridge: ఫ్రీజర్ లో ఐస్ గడ్డ కట్టకూడదంటే ఏం చేయాలి?

చాలా మందికి ఇంట్లో ఫ్రిడ్జ్ లో ని ఫ్రీజర్ లో ఐస్ గడ్డ కట్టుకుపోయి ఉంటుంది. మరి, అలా గడ్డకట్టకుండా ఉండాలంటే ఏం చేయాలో చూద్దాం...  

ఈ రోజుల్లో ఫ్రిడ్జ్ అనేది ఒక నిత్య అవసర వస్తువు గా మారిపోయింది. అందుకే.. ప్రతి ఒక్కరి ఇంట్లో చిన్నదో, పెద్దదో ఫ్రిడ్జ్ ఉంటుంది. కానీ, చాలా మందికి దానిని ఎలా మెయింటైన్ చేయాలో తెలీదు. వారి వాడకం సరిగా ఉండకపోవడం వల్ల ఫ్రీజర్ లో నీరు గడ్డ కట్టుకుపోయి.. ఐస్ గా మారుతుంది. దీనిని అలానే పట్టించుకోకుండా వదిలేస్తే  ఫ్రీజర్ తలుపు తెరవడం, మూయడం కూడా కష్టంగా ఉంటుంది. ఆ తర్వాత ఫ్రిడ్జ్ పనితీరు కూడా దెబ్బతింటుంది. మరి, ఈ ఫ్రీజర్ లో ఐస్ ఎందుకు గడ్డ కడుతుంది? అలా గడ్డకట్టకుండా ఉండాలంటే ఏం చేయాలో ఇప్పుడు చూద్దాం..

ఫ్రీజర్‌లో ఐస్ కట్టడానికి కారణాలు

ఫ్రిడ్జ్‌లో ఐస్ కట్టడానికి కారణాలు:

1. ఫ్రిడ్జ్ తలుపు లేదా గాస్కెట్ పాడైతే ఫ్రీజర్‌లో ఐస్ కడుతుంది. గాలి లోపలికి వెళ్లి తిరుగుతూ ఉంటుంది. కాబట్టి ఫ్రిడ్జ్ తలుపు, గాస్కెట్ పాడైతే వెంటనే మార్చండి.

2. ఫ్రిడ్జ్‌లోని నీటిని ఆవిరి చేసే కాయిల్ పాడైతే కూడా ఫ్రీజర్‌లో ఐస్ కడుతుంది. ఈ కాయిల్ ఫ్రిడ్జ్‌లో నీరు ఎక్కువగా ఉంటే దాన్ని బయటకు పంపుతుంది. కాబట్టి ఈ కాయిల్‌ని తరచుగా శుభ్రం చేస్తే ఫ్రిడ్జ్‌లో ఐస్ కట్టదు.

3. ఫ్రిడ్జ్‌లోని వాటర్ ఫిల్టర్ పాడైతే కూడా ఫ్రీజర్‌లో ఐస్ కడుతుంది. కాబట్టి వాటర్ ఫిల్టర్ పాడైతే వెంటనే మార్చండి.

ఫ్రీజర్‌లో ఐస్ కట్టకుండా ఉండటానికి చిట్కాలు

ఫ్రీజర్‌లో ఐస్ కట్టకుండా ఉండటానికి చిట్కాలు:

మొదటి చిట్కా...

ముందుగా ఫ్రిడ్జ్ స్విచ్ ఆఫ్ చేయండి. తర్వాత ఫ్రిడ్జ్‌ని నీరు లీక్ కాకుండా ఉండే చోటికి మార్చండి. ఇప్పుడు వేడి నీరు తీసుకోండి. ఒక కప్పుతో నీటిని ఫ్రీజర్‌లో పోయండి. ఐస్ కరిగిపోతుంది.

రెండవ చిట్కా...

ఒక పాత్రలో వేడి నీరు పోసి ఫ్రీజర్‌లో ఉంచి కొంతసేపు అలాగే వదిలేయండి. ఫ్రీజర్ తలుపు మూసేయండి. కొంత సేపటి తర్వాత ఐస్ కరిగిపోతుంది.

మూడవ చిట్కా...

మీ ఇంట్లో హెయిర్ డ్రైయర్ ఉంటే ఫ్రీజర్‌లో ఉన్న ఐస్‌ని సులభంగా కరిగించవచ్చు. ఫ్రీజర్ తలుపు తెరిచి హెయిర్ డ్రైయర్ ఆన్ చేయండి. వేడి గాలి వీచి ఐస్ కరిగిపోతుంది.

గుర్తుంచుకోండి:

ఫ్రీజర్‌లో ఐస్‌ని తొలగించడానికి స్టీల్ లేదా ఇనుప చెంచా వాడకండి. చెక్క చెంచా వాడండి. ఫ్రీజర్‌లో తరచుగా ఈ సమస్య ఎదురైతే సర్వీస్ సెంటర్‌కి తీసుకెళ్లండి.