కోవిడ్ పాజిటీవ్ తేలితే వెంటనే చేయాల్సిన పనులేంటో తెలుసా?
భారతదేశంతో పాటుగా ప్రపంచ వ్యాప్తంగా కోవిడ్ కేసులు దారుణంగా పెరుగుతున్నాయి. ఇమ్యూనిటీ పవర్ తక్కువగా ఉన్నవారు దీనిబారిన పడితే చనిపోయే ప్రమాదం ఎక్కువగా ఉంటుంది. అయితే ఇది సోకిన తర్వాత ఎలాంటి జాగ్రత్తలు తీసుకుంటే సేఫ్ గా ఉంటారో ఇప్పుడు తెలుసుకుందాం..
2023 కొత్త సంవత్సరంలోకి సంతోషంగా అడుగుపెట్టాల్సిన సమయంలో కరోనా వ్యాప్తి తీవ్ర భయాందోళనకు గురిచేస్తోంది. పార్టీలు చేసుకునే వారిలో ఇది ఎవరికి ఉంది? ఎవరికి లేదో చెప్పలేం. అలాంటి వారిని గుర్తించడం కష్టమే. అందులో ఏ ఒక్కరికి ఉన్నా.. అందరికీ వచ్చే ప్రమాదం ఉంది. ఎందుకంటే ఇది ముందే అంటువ్యాధి. ప్రపంచవ్యాప్తంగా కరోనా కేసుల సంఖ్య భారీగా పెరుగుతోంది. ముఖ్యంగా ఇండియాలో. డిసెంబర్ 28 నాటికి మన దేశంలోని వివిధ విమానాశ్రయాల్లో 498 మంది అంతర్జాతీయ ప్రయాణికులను స్క్రీనింగ్ చేశారు. అందులో 39 మందికి పాజిటివ్ అని తేలింది. దీంతో అన్ని నమూనాలను జీనోమ్ సీక్వెన్సింగ్ కోసం పంపారు. ప్రస్తుతం దేశంలో యాక్టివ్ కేసుల సంఖ్య 3500కు దగ్గరగా ఉంది. ఇలాంటి పరిస్థితిలో మిమ్మల్ని మీరు జాగ్రత్తగా చూసుకోవడం, వైరస్ నుంచి రక్షించుకోవడం చాలా చాలా అవసరం.
కోవిడ్-19 సోకిన వారు 10 రోజుల పాటు ఈ జాగ్రత్తలు తీసుకుంటే ఆరోగ్యం తొందరగా మెరుగుపడుతుంది. దీనినుంచి తొందరగా కోలుకుంటారు. సెంటర్స్ ఫర్ డిసీజ్ కంట్రోల్ అండ్ ప్రివెన్షన్ ఇందుకోసం ఏమేం చేయాలో చెబుతోందో ఇప్పుడు తెలుసుకుందాం..
తక్షణ జాగ్రత్తలు:
మీకు కోవిడ్ పాజిటివ్ అని తేలితే.. వెంటనే మాస్క్ ను పెట్టుకోండి.
పాజిటీవ్ అని తేలిన రోజున మీరు వేసుకున్న బట్టలను శుభ్రం చేయండి.
అలాగే మీరు తాకిన ఉపరితలాలను శుభ్రం చేయడానికి శానిటైజర్లను ఉపయోగించండి
ఈ సమయంలో మీరు ఇతరులకు దూరంగా ఉండటమే మంచిది. ఎందుకంటే ఇది మీ నుంచి వాళ్లకు కూడా వచ్చే అవకాశం ఉంది.
ప్రయాణాలు చేయాల్సి వస్తే.. గుర్తుంచుకోవలసిన జాగ్రత్తలు
కరోనా పాజిటీవ్ అని తేలినప్పటి నుంచీ ఇంట్లోనే ఉండండి. ఇలాంటి సమయంలో ప్రయాణాలు అంత సేఫ్ కాదు. విమానాలు, బస్సులు, రైళ్లు వంటి ప్రజా రవాణాలను ఉపయోగించకండి. ఎందుకంటే మీచుట్టూ ఎంతో మంది ఉంటారు. ఇతరులు మీ చుట్టూ ఉన్నప్పుడు మీరు మాస్క్ ను పెట్టుకోవడానికి ఇబ్బంది పడొచ్చు. ఇలా అని తీసేస్తే మీ నుంచి వాళ్లకు కూడా కరోనా సోకే ప్రమాదం ఉంది.
ఒకవేళ తప్పనిసరి ప్రయాణించాల్సి వస్తే అధిక-నాణ్యత ఉన్న మాస్క్ లేదా రెస్పిరేటర్ ను తప్పనిసరిగా ధరించండి. ఎట్టి పరిస్థితిలో ఇతరులకు హాని కలిగించకండి.
বাংলা-করোনাভাইরাস
ఈ లక్షణాలను గమనించండి
జ్వరం (100.4°F లేదా అంతకంటే ఎక్కువ)
కఫంతో లేదా కఫం లేకుండా దగ్గు
శ్వాస ఆడకపోవడం
తలనొప్పి
వాసన, రుచి కోల్పోవడం
శరీర నొప్పులు, నొప్పి
మీకు ఈ లక్షణాలు మీలో కనిపిస్తే వెంటనే ఐసోలేషన్ లో ఉండండి.
అలాగే కరోనా టెస్ట్ చేయించుకోండి. రిజల్ట్ వచ్చే వరకు ఇంట్లోనే ఉండండి.
ముందే న్యూ ఇయర్ వేడుకలు చేసుకునే సమయం దగ్గరకొచ్చింది. ఈ సమయంలో వృద్ధులు, గర్భిణీ స్త్రీలు, పిల్లలు ఇళ్లలోనే ఉండాలి. రద్దీగా ఉండే ప్రాంతాల్లో జరిగే పార్టీల్లో పాల్గొనకపోవడమే మంచిది. ఎందుకంటే వీరిలో ఏ ఒక్కరికీ ఉన్నా.. అది అందరికీ సోకే ప్రమాదం ఉంది.